HOSEA 2:15 - ALLAH NIHYET MEM TUNGWATU NYA

¹⁵ Midingkwei nide miai ba anggur nghousi hanyen binoni bidibindei ba, nide Mbang Briep Ningon Buhunti luei nitta binok dimbou niyok ningon memti. Noni miya um Da ei sirima noyam kin nijam di noni sindi kwei leu Mesir nok sop gwam nitta pilei.

HOSEA 2:15 ပူးပေါင်းရင်းမြစ်များ

NIBOU NDIG NYA GI NIGOM 16:31

Noni bon sisar noyam kin Nibou Ndig Yerobeam nide sisar he bi noro kum eisi bu tirigi noni wak Izebel di Nibou Ndig Etbaal leu Sidon nipmisop ba, kuk no bak kwar Baal cem.

MAZMUR 106:12

Leu api Nide limwa nya ingon jo kep Nide nipreu ei mem yokti nya bipai doia ba, ibikon ninyenga.

MAZMUR 129:1

Doia nikui ug ei Mbigdip Sion. Mben Israel e, ma jipai sut notou jide siceu nya ihwen bit je habiei nijam di jipilei yo kwei ug e.

YESAYA 65:10

Yoni mikuk yok biDa ba, domba di ide nya kin sapi di ide nya migya kep minta nghousi bitat ei Briep Bou Him Saron kin Mbang Briep Akhor.

YESAYA 65:21

Tungwatu nya mingot ide ig bibong kikau ser leu api yoni ita ba anggur nikioi bipuk ningat bigyem.

YEREMIA 2:1

tuhan cuk da,

YEREMIA 2:2

leu binhyepo duug tri tut nihyet dini bak timiei minu ndig Yerusalem yahagom. “Je di mben Israel e, dikan kep nijam di jinok sop wak cam di ningon gom. Mpe dino sindi siwak yam ne angon ngakei Da nindig bibor. Mpe dima lene abit Da kak puig di bie ug ei iggum ndigsi di bon beisi kin njita hi bi.

YEREMIA 29:11

Dangkom dikan tut nikos tutti di bit leu dingon kanti mem je bi e? Dikos tutti dima mibindei ba, juum mun di buhun bi. Noro midibindei ba, jibong kei jigwam kei. Mun di jiyok jingon mem mipek kep mem je ei nijam gi nidipti bu ri.

YEREMIA 3:4

Jipai biDa bipia Dani ne jicig rin bidingon ngakei je habiei jimien kwei.

YEREMIA 32:15

tuhan Di Sindem Bibor di Allah Israel pai bipia ei nidipti bu ne nitri-nipek ig kin dihyei kin miai ba anggur nghousi mikieng kep minu dini bu yo.”

NIBWOS-BWOS NYENTI 3:21

Mbro nok gima lo, ditde niyok ningon memti kiju hanyen tirigi diyok ngon kep mun nyeng gom bipia,

YEHEZKIEL 16:22

Tirigi ayai bram sop sundal niyai munti di bindei di igyai ttin lene agikan kep tirigi po amien yo po ajou hangwang cem atoi anggrom di ut-ut nyen ei pima poi mien cem bi e?”

YEHEZKIEL 16:60

Noro diyok ngon kep nipreu di dipreu ei bit na mpe di apilei yo. Gima rino midibibon gi preu di jo ninno bijo kikau bit na.

YEHEZKIEL 16:8

Tirigi dimbut ei mpia dima bu lene dingat lo, ade njap dem mem gima apai pinai tu. Diba Ditde sinsun ndok di jei bijuk na ser ade ningat nguti dima. Dipreu ei bina tut Ditde ningon ngakei nati. Gima igbit rin ba, dibon nipreu sut niwak yamti bit na. Ba, Ditde nani tu. Da di tuhan Di Dinyeng Jei Bibor disimbot dat tu.

YEHEZKIEL 28:25

tuhan Di Ninyeng Jei Bibor pai “Midinduk mben Israel kwei leu minu ting di dibindei ntek gimahap yok ug eisi nya ba, diba yok bicom yam hanyen. Apino ngkiai nya yahagom mikan tut bipia dikwes-kwau. Mben Israel mibong ei idihyei po diyai bak Ditde awak Yakub pima.

YEHEZKIEL 28:26

Yoni mibong kei migwam kei ei minu dima bingot ide ig nya ba, ibiyai ide miai ba anggur nghousi nya cem. Midikes hukum ei yo di ngkiai di ibong ttai yok di ighyet wer mpiahi tut yok nya yahagom dip. Leu api mben Israel mibong nyahan ba, mun hi binggek yok bi. Mpe dima lene ikan tut bipia Dani ne ide tuhan Allah ri.”

HOSEA 11:1

tuhan pai a “Dingondut Israel habiei nimien yo ba, dihig dimunggwom dima kwei leu minu Mesir.

HOSEA 12:13

Yakub dino ide pung di intun him nang ug ei minu Mesopotamia leu api bon nonti nok awak mem tungwagom binyohou no dima nide domba nya ei minu dima leu binhyepo bitug ndei nitnem.

HOSEA 12:9

Ipai biyam ‘Nogindini nyeni ninyeng bibor ba, niba niris munti bitug ndei mitiei nindig bibor! Bit bon tungwa hi dima pai kep nye bipia itug ndei mun di inyeng tut dima yok tug hon ide niris munti kan bi.’

HOSEA 13:4

tuhan pai “Dani ne tuhan bidinok jide Allah rin ba, dibuwak je kwei leu minu Mesir. Dangkom he rino jide Allah lene hi ter hi bi. Dangkom he rino diteu je bijingwes ngun.

HOSEA 2:12

Midibindei ba, nide ba anggur kin biei ara di pinai di icut tut noni igyai binoni bibigo nicut tut yamti pima hagom sar bingwig. Midibindei ba, ba anggur nghousi kin biei ara nghousi nide wer bohousi leu api mindhe-ndhe di iten pos nya minggek hagom bingwig.

AMOS 9:14

Midipindi Ditde limwa nya ba, ibong kei igwam kei hanyen. Yoni miwin ide minu di tti tu nya bibong ser ide ig cem. Ita ba anggur nghousi bidut ningei lene igyai miai leu api ipuk ningat bigyem kep inggum hanyen bu.

ZAKHARIA 9:12

Je di jisima ei jingkiaisi e, ma jingkwei hanyen kwei lewo No di jiyok jingon mem Nonaha. Ma jikwei gwam coi jitimieisi hanyen. Jimiap e, midinjei mun di kei bak jeni mbican bram yam drek dip ninghuisi wei di cut igkep je ei jingkiaisi.

MBEN ISRAEL IMBUT-MBUT NYEN 21:17

Mpe di Noni pai nok lene mben Israel ipai diun nok gini. “Minyei bousi jen, jibindei hei jingei kwei lene nyeni miniba diun bicigit.

YOHANES 10:9

Dani ne dimbou hui ri. Bikwop no di coi kak Da miyai niteu leu sisar kin niyaijo nijepti. Noni hei-hei nyen biyem njita nok gi dem.

KISAH 14:27

Tirigi ikwei krau minu ndig Antiokhia ei hanjop Siria hanyen tu lene induk yo di inggre kin mbusyamei kwei bipui kep midyai di Allah bibon tug hon yoni kin notou Allah tin puig mem gima ngkiai nya cem ingon jo kep Yesus.

YOSUA 7:26

Gima leu api ittei tig mang bibor binju bijo-jo yam dip ei mpia dima ba, tig dima no jo kikau kwei bipek ammani kep. Gima rino ijem mpia dima ninyeng Mbang Briep Nuum Ningon Buhun. Lene tuhan kes hon ba, gga yok bu bi.

NIJAM NIKEI NYA 8:34

Leu api ibit tuhan di nok ide Allah po teu yok bingwes ngun leu ide siceu nya di ibong ttai yok pima bu bi.