HOSEA 2:14 - ALLAH NIHYET MEM TUNGWATU NYA

¹⁴ tuhan pai “Gima rino midibuwak noni hanyen ug ei iggum ndigsi leu api diba dihyet di mmau bihwen ningonti.

HOSEA 2:14 ပူးပေါင်းရင်းမြစ်များ

NITRITI 34:3

Sikhem ningon pri kep Dina nindig bibor lewo noni sop ubbu ngat. Gima rino Sikhem pai-hi-paisi leu binhyepo bindei ba, Dina joi sut noni.

AYUB 36:16

Allah kwek nani leu mun di buhun bibor apino abong kei agwam kei ba, ade meja niyem njita eisi mpung bibor tut njita di mmau kei.

DIUN MIMUN 1:4

Ditde nibou ndig e, sibrim simig haninyai. Abuwak da ug ei ade ninsi di abong a. Abindei ba, nahagom ningon nggei-hi-nggei ba, nikon ade ningon ngakeisi ei nai dor njiriek ba anggur ngei. Dem mem gima sop gwam nitta pilei nya ingon ngakei na o!

YESAYA 30:18

Mbro nok gima lo, tuhan mem kep ser nituti tirigi Noni ngondut je. Noni tin ei mem gima singat tut je lewo Noni ne tuhan di bon mun di igbit. Yo di iba ingon com Noni igyai ingon di nggei-hi-nggei.

YESAYA 5:5

Gima rino dibibon miai ba anggur dima nok gini. Dinggek ngug di bikrop ttai mpia dima hagom leu api disindui sut mindhe-ndhe di ipijuk bi nya igyem ningat bitem dihyei tut.

YEREMIA 16:14

tuhan pai “Ei nijam gi nidipti bu lene tungwatu yeheng bitug hon Da di Allah di diyaijo di dibuwak mben Israel kwei leu minu Mesir bu bi.

YEREMIA 2:2

leu binhyepo duug tri tut nihyet dini bak timiei minu ndig Yerusalem yahagom. “Je di mben Israel e, dikan kep nijam di jinok sop wak cam di ningon gom. Mpe dino sindi siwak yam ne angon ngakei Da nindig bibor. Mpe dima lene abit Da kak puig di bie ug ei iggum ndigsi di bon beisi kin njita hi bi.

YEREMIA 45:4

Barukh e, Da di tuhan digwam kep midyai ninggek mun di diwin bitti ba, ditiba mun di dita. Midiyai nok gima tut dihyeisi dini hagom.

YEHEZKIEL 20:10

Leu api dibuwak yok biyehei leu minu Mesir bimbut bei iggum ndigsi.

YEHEZKIEL 20:33

“Disok kep jeni tug hon Da di Allah di niyaijo kin tuhan Di Dinyeng Jei Bibor dinyeng bipia midiba dinda di sindem bibor kin dihyet di singga bidinyeng tak kep je drek dip Ditde nigga biborti.

HOSEA 2:3

Gino noni nikrar jut kikau lene midijuk nide sinsun bingwig leu noni leu binhyepo ningat ngu noyam kin njap di nipmem srek tut noni. Midibindei ba, noni noyam kin iggum ndigsi di ningat ntun him bi leu api mai ninggobiau.

MIKHA 1:7

Midibindei ba, ide kwar di nibok kak bibor nya timek bingwig leu api hum yem ndigban di tungwatu nya ikwas tut sop di ibou sibui nya di mben Samaria icut tut nya ei kwar dima nibousi hagom. Ide kwar nindigsi nya hagom mitimek bingwig. Mben Samaria itug ndei ndigban dima yok hagom tug hon gi ikuk yok bak kwar bikan bipia kwar dima bindei ba, njita beisi nnum kei. Noro tini bu ne ide siceu nya mipos mun dima yok hagom bimbut tut leu binhyepo ibikuk yok bak ide kwar nya.”

MIKHA 4:10

Je di timiei minu ndig Yerusalem e, ma jipu jinghim ba, juun noyam kin sop di ninghim dut tut munggwom lewo jei bi lene suar jikes jitimieisi ei bijibong bas hek mpia leu api jide siceu nya mikri je ug ei minu ndig Babel. Noro tirigi jibong ei minu dima ne tuhan miteu je bijingwes ngun leu jide siceu nya inda nsi.

YOHANES 12:32

Tut Dani ne tirigi tungwatu nya ikon Da ei nnai leu dihyei ninjek dip ne midinduk tungwatu nya yahagom kwei ndam Da.”

YOHANES 6:44

Bit bon hi nggre kin Da kan bi gino Dicig di cuk Da kwei buwak no dima kwei biDa bi. No di kwei ndam Da lene midiwin no dima leu nimai eisi hanyen mem Njap Ningwig Honti.

NINGAT-HI-NGAT NYA 12:14

Noro hi yai ninyehei can dem kep hacam krubri di nindig bibor ninyehei bak no di sop leu binhyepo bimba bingkwei hanyen ug ei nigwam kepti ei iggum ndigsi. Leu api hi minyohou noni mem ari bingwam ningai biniken ei sirima leu binhyepo ningwes ngun leu naga di micut igkep noni.

NINGAT-HI-NGAT NYA 12:6

Sop dima nang ug ei iggum ndigsi ug ei mpia di Allah tin ei mem noni. Leu api Noni nyohou sop dima mem njap sribu gom sratus can ningot muhwindagom.

NIJAM NIKEI NYA 19:3

lene nijjep dima bram noni leu binhyepo pai-hi-paisi ba, ngkwei hanyen bibong bit noni. Lene awak nide gom bit noni ba, jem keledai ningut can kwei. Tirigi yuug krau Betlehem lene misop dima buwak nijjep biyuug ngat nicig. Tirigi nicig ngat noni lene ba ningon di llei bibor bicigit kui igya.