HOSEA 2:13 - ALLAH NIHYET MEM TUNGWATU NYA

¹³ Midikes hukum ei noni dip bit leu njap ngwa hagom di noni ndig biei nggrai di ui-gwang kei bak Baal lene ba nide mas kin perak bimau nonti buhuk bram pinai di cut tut noni. Da di tuhan disimbot dat tu.”

HOSEA 2:13 ပူးပေါင်းရင်းမြစ်များ

NIBOU NDIG NYA GI NICAN 1:2

Mpe di gom ne Ahazia di nok Nibou Ndig mem mben Israel cut nai bibor leu ninsi bas di binut ig ngat ninggre gi anai ei nide ig nibou ndig ei Samaria ba, nibokti buhun. Apino cuk tungwatu ba, yuug hig ser mben Filistin ei minu ndig Ekron ide kwar Baal-Zebub leu binhyepo ndo igbit tut nibokti di buhun dima pia mikei hanyen yo e, he mikei bi e?

NIBOU NDIG NYA GI NICAN 10:28

Yehu ba nisinati dima bicok tut yo di ikuk yok bak Baal bingwig hak leu minu Israel.

NIBOU NDIG NYA GI NICAN 21:3

Manasye win mpia di tungwatu nya ikuk yok bak kwar eisi nya hagom di nicig Hizkia ya kep binggek ningwig pima hanyen. Lene win nimbar hum dok nya mem gima bibon midut nya bak Baal. Lene bibon kwar sop Asyera bit leu nok Ahab di nok Nibou Ndig mem mben Israel nibon kepti pima cem. Manasye kuk no bak ham mpia-bbed him nya cem.

AYUB 8:13

Yo di isibut nya inoyam kin lipig di mui hanyen pima. Tirigi ibbwe ser Allah lene ide niba ningon comti pror sindam.

MAZMUR 106:13

Noro ibbwe ser tuhan nibon munti dima haninyai leu ba, igyai igbit yonti ingon kanti nipou tirigi tuhan bie tut yok bigyo.

MAZMUR 106:21

Ibbwe ser ide Allah di teu yok di ingwes ngun di bon mindur nindig bibor ei minu Mesir.

MAZMUR 78:11

Ibbwe ser Allah de midyai nya kin mindur di bon mem yok di ingat bou igyai him nya cem.

NEHEI LEUSI 32:34

Suar aug ba, abuwak mben Israel ug ei minu po dipreu ei mem yok tu. Ditde malaikati mibie tut je. Noro ei nidipti bu lene tto bou midem mem gima dikes hukum ei mben Israel dip drek dip ide sisar.”

YESAYA 17:10

Na di minu Israel e, abbwe ser Allah di teu na di angwes ngun kin Allah di noyam kin nungug tig di ngkiem kei di nyohou na tu. Ata njita ei miaisi di apigig ser mem gima akuk na bak kwar ngkiai nya ide cem tu.

YESAYA 65:7

drek dip ide sisar kin idigup bat-idigai bat nya ide sisar. Ibon mun kinei sut Da tug hon gi indig biei nggrai di ui-gwang kei bak ide kwar di ikuk yok bak kikau nya ei nungug tou di ide ig kwar yati nya. Midibuhup biyok bit leu ide nibon munti di ibon ei nijam gi nipou pini jug.”

YEREMIA 11:13

Timiei Yehuda nya ide nung mang bibor ba, nimangti dem igbit ide minu ndig nimangti. Timiei minu ndig Yerusalem nya iwin ide nimbar hum dokti ba, nimangti dem puig di mbut ei minu ndig Yerusalem nimangti ba, ibikuk yok bak Kwar Baal tug hon midut nindig mindhe titut kep humti.

YEREMIA 18:15

Noro Ditde limwa nya ingon prion ser Da leu api indig biei nggrai di ui-gwang kei bak kwar nya. Ikinoi kak puig timiei di suar imbut kak nya lene ite leu puig timiei nya ba, israwir kak puig di hi dime kep bisur yam bigyo cem tu.

YEREMIA 2:32

Bon sop gwam nitta pilei ningon prion ser nide mas di noni bimau nonti e? Bon sop wak cam ningon prion ser sinsun di noni juk mem pesta niwak yamti e? Noro jingon prion ser Da ninno tu. Bit bon dikwop nijam dima nijeisi kan bi.

YEREMIA 7:34

Jide minu dini miluei nitta binok mpia ngoisi. Midibindei ba, yo di ingon llei bibor nya ighyet kin yo di ibit pesta niwak yamti nya ighyet hagom ntus ningwig ei minu mien Yehuda lene bidem simpak bou nya ei minu ndig Yerusalem cem.

YEREMIA 7:9

Jinggimang cem jihwen mun cem jicut tut yam cem jiba neheng om ser mun ei nikei noho bei cem jindig mindhe ei Baal de nimbar hum dokti cem jikuk je bak ngkiai nya ide kwar nya cem.

NIBWOS-BWOS NYENTI 1:4

Hi di kwei ei tuhan De Ig ei njap nindig nya bu bi o! Sop gwam nitta pilei nya di ipai kep doia nya yuum niwei-nidut ei sirima o! Lene imam nya cem inso-nso nyen o! Tungwa hi gwam kui dimbou pmem nuhui nya bu bi lewo ningon nggukti jun kep minu ndig Sion tu o!

NIBWOS-BWOS NYENTI 5:14

Ndigpoi ndig nya idem yam ei dimbou pmem nuhui ei minu ndig ba, doia nibimbi tibim kwei leu pilei nya yuhui cem bu bi o!

YEHEZKIEL 16:12

Diba srak mien bimau ahwap jou lene diyai mitingou him kin topi di nibou ndig de di kei bibor cem bina.

YEHEZKIEL 16:17

Aba mas kin perak di diyai bina bibon kwar di noyam kin pinai nya leu api acut tut yok.

YEHEZKIEL 22:12

Ade limwa nya bihi isindui sut ba, hi ngot kep yok leu binhyepo ihwen nimbiam lene bihi inok adrom lene bihi ibrim mun di kei mem yonti leu yonti di mben gom cem. Yo dima yahagom ibbwe ser Da tu. Da di tuhan Di Dinyeng Jei Bibor disimbot dat tu.

YEHEZKIEL 23:35

tuhan Di Ninyeng Jei Bibor pai “Suar abiang ade nikrar kepti kin ade nicut tut pinai nyati nibuhunti lewo abbwe ser Da ba, aba anghim biDa cem.”

HOSEA 11:2

Noro tirigi dihig kikep yok ninyen lene ibimbut ninna leu Da leu api imbres yonti leu Da bikum eisi bu. Ditde limwa nya indig mindhe-ndhe ei nimbar hum dokti bak Baal bindig biei nggrai di ui-gwang kei bak kwar nya.

HOSEA 13:1

Nipou yo ne keret hi ter nya ibou cut bak keret Efraim. Gino keret dima kes nihyet di buhun kwei ne keret Israel nindigsi nya ittin. Noro keret Efraim ibon sisar tug hon gi ikuk yok bak kwar Baal. Gima rino yoni mipror bingwig hak.

HOSEA 13:6

Noro tirigi jicoi ug ei minu di nnum kei bijiyem njita bidem njita nyeng hagom bijibong kei jigwam kei bijei bi lene jingon jei ba, jingon prion ser Da cem.

HOSEA 2:5

Jipmem ne sop di nikrar jut di kan nimmaisi bi ri. Noni pai ‘Suug ngat pinai di icut tut sa nya leu binhyepo siyem njita ba, sidut ndia ngei bit yok. Leu api yoni migyai minyahas wol kin linen kin mini zaitun kin ba anggur ngei bisa.’

HOSEA 2:7

Noni muhuk bram pinai di icut tut noni noro bit bon hatap yok kan bi. Noni minggok ser yok noro ngat yok bou niyai him cem bi. Noni mikan ‘Nnaba singkwei bisibong bit sijjep ndig hanyen lewo noni nyohou sa nok gi kei dor njiriek yo di icut tut sa pima yok.’

HOSEA 4:13

Jindig mindhe-ndhe nya ei kwar nya ide nimbar hum dokti ei mbigdip nya. Jindig biei nggrai di ui-gwang kei ei biei ndig di nimeng nggrou nya nibehei lewo mpia dima bon mpia di mbum-bra. Apino jipmisop bat nya ibon yonti nok sop di ikrar jut nya lene jignyot bat nya ibon yonti nok sop di icut tut pinai nya ariwace.

HOSEA 4:6

Ditde limwa nya cem ijoi sut Da bikuk yok biDa bi apino mun di buhun micut igkep yok. Je di imam nya cem jijoi sut bijikuk je biDa bi ba, jikou sut Ditde nipingok jeti. Gima rino midikou sut je leu api midisindui sut jipmot bat nya ba, inok Ditde imam nya bu bi.

HOSEA 8:14

Mben Israel inda jo kep nibou ndig de ig nya biwin. Noro ibbwe ser No Di Pai Tes yok. Mben Yehuda ibindei ba, tentara nibousi di igya coi nya jo bidem ide minu ndig nya. Noro midikes hum biyem ide nibou ndig de ig nya kin ide minu ndig nya bitimek bingwig.”

HOSEA 9:7

Nijam nikes hukum ei tungwatu nya dipti tau su. Njap dima ne njap nibuhup jide nibon munti nya hanyen bije ri. Tirigi nijam dima dem ne mben Israel ingkek kan hukum dima! Jipai biyam “Nabi di ninnei bie tut no bbwe bibor. Mirei bon noni!” Jipai gima lewo jingon kinei sut da ba, jide sisar nindig bibor cem.

AMOS 8:10

Midibindei ba, pesta di jibon kep jide njap nindig minoyam kin njap di jingon ngguk tut nimai ba, doia di jiba jingon di llei bipai minoyam kin yo di ipim kep nimai ighyet. Mijikak jibou bijijuk sinsun kron di bindo tut jingon di ngguk bijinok andigpoi kin nitnem di ingon ngguk bram ipmot di nimig gom ngat. Mun di cut igkep je mem njap dima hagom mibindei ba, jingon ngguk bibor.”

NINDAT KEP TUHAN NICUKTI NYA 32:18

Yoni iba ingha bak No di sindem bibor di teu yok bingwes ngun ba, ingon prion ser ide Allah di yai niyaijo biyok tu.

NINDAT KEP TUHAN NICUKTI NYA 6:12

ma jingon sok kep jenti leu binhyepo jingon prion ser tuhan po teu je bijingwes ngun leu mben Mesir di yuubon je nok awak pima au.

NIJAM NIKEI NYA 10:6

Jei bi lene mben Israel ibon sisar tut tuhan hanyen bu. Iba inghim bak tuhan nihyet lene ikuk yok bak bu bi. Noro ikuk yok bak kwar Baal kin Asytoret kin kwar di mben Siria kin Sidon kin Moab kin Amon kin Filistin ikuk yok bak nya.

NIJAM NIKEI NYA 3:7

Jei bi lene mben Israel ibon sisar tut ide tuhan Allah. Ibbwe ser Noni apino ikuk yok bak kwar di inyeng Baal kin Asyera.

SAMUEL GI NIGOM 12:9

Noro Nide limwa nya ingon prion ser tuhan di nok ide Allah apino Noni sindui sut mben Filistin kin nibou ndig Mben Moab kin Sisera po nibou pran leu Hazor pima yahagom injei siceu bihwen jidigup bat-jidigai bat nya leu api ngkiai nya dima inyeng tak kep yok.