HOSEA 2:12 - ALLAH NIHYET MEM TUNGWATU NYA

¹² Midibindei ba, nide ba anggur kin biei ara di pinai di icut tut noni igyai binoni bibigo nicut tut yamti pima hagom sar bingwig. Midibindei ba, ba anggur nghousi kin biei ara nghousi nide wer bohousi leu api mindhe-ndhe di iten pos nya minggek hagom bingwig.

HOSEA 2:12 ပူးပေါင်းရင်းမြစ်များ

MAZMUR 80:12

Ninda nya su kikau ug bipek kin Muk Hacan ba, ninggrupti nya diwim kikau ug bipek kin Minyei Efrat nyai cem.

YESAYA 29:17

Nihyet nibiti nindati hi pai “Jei bi ne baham tindur wer miai lene sidumti ngkwei ba, wer baham tindur hanyen.”

YESAYA 5:5

Gima rino dibibon miai ba anggur dima nok gini. Dinggek ngug di bikrop ttai mpia dima hagom leu api disindui sut mindhe-ndhe di ipijuk bi nya igyem ningat bitem dihyei tut.

YESAYA 7:23

Mpe dima lene ba anggur ninjem sribu gom hei bibikwop miai anggur di kei bibor nya hagom ba, nibok ug ei mitiei perak nibuhunti sribu gom bibikwop nok. Noro cibou nggwen kin tigau nggwen miceu hagom.

YEREMIA 13:26

Da di tuhan midirik sinsun leu jingkek bidibindei ba, jingat ngu leu api mijimmai sut jenti.

YEREMIA 26:18

“Tirigi Hizkia ninyeng tak kep minu Yehuda lene Nabi Mikha leu Moresyet tri tut tuhan Di Sindem Bibor nihyet bak yo dima, ‘Tungwatu nya miba sapi bikkin dihyei Sion noyam kin yo di igyai miai. Minu ndig Yerusalem mitti binok ig kum kroi ba, mbigdip di iwin tuhan De Ig eisi dini minok baham tindurti.’

YEREMIA 5:17

Yo dima migyem jide njita beisi leu je leu api migyai nimai bak jimunggwom bat nya ningwig a. Yoni mibui mindhe nimuhup tu jide di nok sapi kin domba nok mikwau bicok tut ba anggur nghousi jide nya kin jide biei ara nya hagom bisar. Yoni migya kep jide minu ndig di bon tentara nibousi di jinang coi di jiba jingon com nya cem hagom bindung-ndiem ri.

YEREMIA 8:13

Dipi bidimbus Ditde limwa nya keyam noyam kin gi tungwatu nya imbus njita kwei leu beisi lo, yoni idem kep ba anggur kin biei ara di ngat ningat bi. Nimeng nya cem mbris. Gima rino disindui sut ba, ngkiai nya ikwei ba, inyeng tak kep Ditde limwa nya itimieisi. Da di tuhan disimbot dat tu.”

HOSEA 13:8

Midittem je noyam kin beruang niwek di nimien nya sindi ipror leu noni leu api dibriug-briug nyen je. Midaham je bijingwig ei jiyati dem kep nok singa di ham mun di yem ba, noyam kin mindhe bigbehei di ttem-ttem nyen je ba, jibitun-ta.

HOSEA 2:5

Jipmem ne sop di nikrar jut di kan nimmaisi bi ri. Noni pai ‘Suug ngat pinai di icut tut sa nya leu binhyepo siyem njita ba, sidut ndia ngei bit yok. Leu api yoni migyai minyahas wol kin linen kin mini zaitun kin ba anggur ngei bisa.’

HOSEA 5:14

Midittem mben Israel kin mben Yehuda noyam kin mindhe singa di ttem mun di yem. Dangkom he rino dibriug-briug nyen yok leu api dikes yok ei bidimbut leu. Gino dittem yok bidikri yok ne bit bon hi teu yok bingwes ngun leu dindati kan bi.

HOSEA 9:1

Mben Israel e, ma jibon midut kep jide njap nindig nya noyam kin ngkiai nya au. Jikes jide Allah ei ba, jingon gom tut Noni bi kikau tu. Bikwop mpia di jico kep gandum eisi ne jitri jenti bijinok nikrar jut cig nya mem kwar Baal. Jingon kei sut gi jitug ndei gandum di jikan bipia Baal yai nok jimuhup bije!

MIKHA 3:12

Gima rino tungwatu nya miba sapi bibrim ngkimom nitu bitem Sion de igkumti ba, jide siceu nya mibindei minu ndig Yerusalem ba, timek bingwig cem. Leu api nungug tou di tuhan De Ig joti miluei nitta binok baham tigotti bu drek dip jiyai munti di mbuk bibor nya.