HOSEA 2:10 - ALLAH NIHYET MEM TUNGWATU NYA

¹⁰ Midibindei ba, ningat ngu bou pinai di icut tut noni igyai him leu api bit bon pinai dima hi teu noni biningwes ngun leu Ditde nisindemti kan bi.

HOSEA 2:10 ပူးပေါင်းရင်းမြစ်များ

NIBOHON MBEN ISRAEL GI NICAN 24:7

Yo di ibit Atalya di bon mun di kinei bibor pima inggek tuhan De Ig nimbumbati leu su. Lene igyai ndigban di mben Israel ikes pijum hak ei mem tuhan mang bibor ba, ibikuk yok bak Baal.)

MAZMUR 50:22

Je di jiba jingha bak Allah e, ma jiyok ngon kep dihyet. Gi bi lene midibindei sar je leu ba, hi dima miteu je bijingwes ngun kan bi.

NIPINGOK NINGONTI 11:21

Ningat ne no di sibut mitug ndei hukum. Noro no di ningon sren miningwes ngun.

YESAYA 3:17

Noro midikes hukum ei yoni dip. Kudis mporo ullen ei ibou ngkekti bitig dino ikak ibou nta leu ba, ibou le.”

YEREMIA 13:22

Hi rima jihig ser bipia nggon rino mun dini yok hagom cut igkep je i? Nggon rino siceu nya irik sinsun jide leu je dino ikat je di icut tut je i? Ma jiyok ngon kep bipia jitug ndei mun di buhun dima yok hagom drek dip jide sisar di nindig bibor.

YEREMIA 13:26

Da di tuhan midirik sinsun leu jingkek bidibindei ba, jingat ngu leu api mijimmai sut jenti.

YEHEZKIEL 16:16

Aba ade sinsun bihi bimau mpia di akuk na bak kwar nya eisi. Anok sop sundal di yai nonti bak pinai nya yahagom leu binhyepo cut tut yok.

YEHEZKIEL 16:19

Diyai njita nok tepun di kei bibor kei kin ahwei lon kin mini zaitun di pimbai kei bina. Noro aba gima yok hagom bikuk na bak kwar nya leu binhyepo abipwoi ingona. Da di tuhan Di Dinyeng Jei Bibor disimbot dat tu.

YEHEZKIEL 23:29

Yoni mipos mun di acom amuhup tut nya hagom leu na drek dip ingon di kinei sut na. Agwam tut ajou hangwangti hak nok sop krar ba, yahagom isum igyai ei nati bingat na. Ade nikrar kepti kin ade nicut tut yamti ribindei dino,

HOSEA 10:1

Nipou ne mben Israel idem kep biei anggur di ningat hun tut. Ndigban di inyeng tut kum eisi bimang lene nimbar hum dok di iwin cem kum eisi bimang. Mun nyeng hagom di dem mem yok kum eisi lo, itas cou tig di kei-kau bibiyok ngon kep ide kwar di ikuk yok bak nya.

HOSEA 13:1

Nipou yo ne keret hi ter nya ibou cut bak keret Efraim. Gino keret dima kes nihyet di buhun kwei ne keret Israel nindigsi nya ittin. Noro keret Efraim ibon sisar tug hon gi ikuk yok bak kwar Baal. Gima rino yoni mipror bingwig hak.

HOSEA 2:3

Gino noni nikrar jut kikau lene midijuk nide sinsun bingwig leu noni leu binhyepo ningat ngu noyam kin njap di nipmem srek tut noni. Midibindei ba, noni noyam kin iggum ndigsi di ningat ntun him bi leu api mai ninggobiau.

HOSEA 6:9

Imam nya di ibong ei hanjop dima idem kep nimpung nipos kep ndigban cig di ikkin ser tungwatu di injiriek yok nya. Igyai nimai bak tungwatu nya ei puig di ikak ug ei minu ndig niya coi Sikhem cem! Ibisinggre ba, ibon mun di kinei dima yok hagom.

MIKHA 5:8

Mben Israel mibindei timek ide siceu nya bicok tut yahagom ningwig a.

KORINTUS GI NIGOM 4:5

Gima rino ma jikos tut tungwatu nya ide niyai mun tunggwei si haninyai au. Lewo tto bou dem bigyo. Ma jibet jingon ei mem Tuhan nikwei hanyenti. Noni mimbot kep tut mimun di jo ei nidinditi bipiga digai ingon kanti di jo nding ei ingon bei hagom yo. Mpe dima lene Allah mikos tut mun di kei bak bikwop tungwagom-gom di dem mem gima.