HOSEA 2:1 - ALLAH NIHYET MEM TUNGWATU NYA

¹ Gima rino ma ajem ade bat mben Israel inyeng “Allah De Limwa nya di tuhan Ngondut Yok.”

HOSEA 2:1 ပူးပေါင်းရင်းမြစ်များ

NITRITI 22:17

Gima rino midinjei mun di kei nindig bibor bak nani ba, dibindei ba, ade nintun him yamti di bram yam nya imangti dem ham mpia-bbed him kin iggum ei muk nipimat cem nimangti. Yoni migya kep bihwen ide siceu nya yahagom bitimek.

YEREMIA 31:33

Noro tini bu ne dipreu ei mem mben Israel nok gini. Dipwoi Ditde niggai serti nya ei ibou ngwakti bidipas kep dicukti nya ei ingonti. Dinok ide Allah lene yoni inok Ditde limwa nya.

YEREMIA 32:38

Mpe dima lene Ditde limwa nya rino yoni ba, dinok ide Allah.

YEREMIA 51:5

Mbro nok gino mben Israel ibon sisar tut Da tu lo, Da di tuhan Di Disindem Bibor cem Di Kwes Bibor bidinok mben Israel ide Allah cem midikes mben Israel kin timiei Yehuda nya ei bi.

YEHEZKIEL 11:20

Leu api yoni iba ingon di gom bibit didimigsi kin dicukti nya hagom. Yoni minok Ditde limwa nya lene dinok ide Allah.

YEHEZKIEL 36:11

Midikum ei jide limwa kin jide mindhe-ndhe nyati ba, imang bibor dor njiriek nimangti ei nimbie him pima. Ba, ide nintun him yokti nya imang bibor. Midisindui sut ba, ibong nyahan ei minu dima noyam kin gi nipou hanyen. Midibindei ba, jiyemti kin jimati dem mem je dor njiriek gi juum nipou yo a. Apino yoni mikan tut bipia Dani ne tuhan ri.

YEHEZKIEL 36:28

Mpe dima lene mijibong ser minu di diyai bak jidigup bat-jidigai bat nya. Mijinok Ditde limwa nya lene dinok jide Allah.

YEHEZKIEL 37:27

Midibong bit yok bidibon Danti nok ide Allah leu api yoni inok Ditde limwa nya.

HOSEA 2:2

tuhan pai “He dimunggwom bat jen e, jipmem nok ditnem bu bi lene Dani dinok nijjep bu bi. Gima rino ma jipai kep noni ei nikei noho bei leu binhyepo noni mikes hon ba, cut tut pinai nya ariwace ba, nikrar jut bu au.

HOSEA 2:23

Midita Ditde limwa nya ei ide minu leu api yoni mibong kei migwam kei eisi. Midindo brei bou igyai him bipia dingon ngakei yo di dijem inyeng ‘Yo Di Hi Ngondut Bi’ pima. Midipai sut yo di dijem inyeng ‘Ditde Limwa Bi’ pima inyeng ‘Jinok Ditde limwa nya.’ Leu api ibuhup ‘Nani ne nyende Allah ri.’ ”

ZAKHARIA 13:9

Timiei minu dini nittou nsi gom he rima ingwes ngun ug a. Ba, midibindei kwes yo dima noyam kin mas kin perak di iba hum bikwen di pimbai. Lene yoni ingat nadi biDa bidibuhup ighyet. Midipai biyok bipia yoni ne Ditde limwa nya rin ba yoni cem mipai jit bipia Dani ne ide tuhan Allah ri.”

KORINTUS GI NICAN 4:1

Niyai kep midyai dini tug hon Allah nisingat tut nyeti lene ningon cut leu bi.

TIMOTIUS GI NIGOM 1:13

Mbro nok gino dikucang Noni ba, dihwen bit Noni bidihyet tigut Noni nipou su lo, Noni singat tut da lewo kan bipia dingon tindur ba, dikan tut diyai munti nya dima bi.

PETRUS GI NIGOM 2:10

Nipou ne jeni cem Allah de limwa nya rin bi. Noro tini bu ne jeni cem Nide limwa nya ri. Nipou ne jingon mbum tut Allah nisingat tut jeti noro tini bu ne jiyai Nide nisingat tut jeti ei jingonti tu.