HOSEA 14:5 - ALLAH NIHYET MEM TUNGWATU NYA

⁵ tuhan pai “Midinduk Ditde limwa di israwir tu nya hanyen kwei ndam Da leu api midiba dingon titut yam bingondut yok. Dingon misibui sut yok bu bi.

HOSEA 14:5 ပူးပေါင်းရင်းမြစ်များ

SAMUEL GI NICAN 23:4

noyam kin mpia njap di piga bibor kei mem nijam di mpia kwes ba, noyam kin mpia njap di bindei ba, mintu-minta sieng kei mem nijam di mpia but nggilei cem.”

NIBOU NDIG NYA GI NICAN 19:30

Timiei Yehuda nya di ingwes ngun bimai bigyo mibong kei migwam kei dem kep nok biei nya di com nigau ug ei dihyei jou bingat ningat mang.

AYUB 29:19

Dinok biei di com nigau ug ei minyei nibiamti ba, nggou kui nindati bindot cem.

MAZMUR 133:3

Ba, dem kep nggou di tinim kwei leu Nungug Hermon ba, biyam ug ei nungug tou Sion. tuhan bindei juk Nide mun di kei kwei leu Sion ba, gima ne niyaijo nijep di jo kikau ri.

MAZMUR 72:16

Abindei ba, ig gudan ei nide dihyei nisurti-nipekti hagom mpung tut gandum ba, miai nya ngat ningat mang bibor bidem nungug tou nya hagom. Abindei ba, dihyei bon ninnumti di kei bibor dem kep nok nungug Libanon ninda dip nya. Asindui sut ba, nide limwa nya idigek kep mpia dem kep nok minta di kieng kep dumti.

MAZMUR 72:6

Asindui sut ba, nibou ndig ninyeng tak kepti noyam kin mpia di but kep miai nya kin biget di mbras kep susti.

MAZMUR 80:9

Nyeni ne ba anggur ninjem di ahom leu minu Mesir rin ba, apwoi ba, ambut tut. Tirigi ajji ngkiai nya bingwig leu itimieisi lene ata ba anggur ninjem dima ei mpia dima hanyen.

MAZMUR 92:12

Dingat ditde siceu nya di ikiju kep da di ihwen da icut bou diyai him. Dimiap tut ingon kanti di kinei di ikos tut mem dani cem tu.

MAZMUR 92:13

Yo di ingon sren nya yehe nok nibiop di hei binnum kei noyam kin dui sraba ba, ide nimeng nggrou dem kep buom Libanon.

NIPINGOK NINGONTI 19:12

Nibou ndig di gga bibor ba nihyet di noyam kin mindhe singa niyausi bibuhup. Noro nisingat tut tungwatu nyati noyam kin ham mbon di llet kwei mem mpia ngeisi.

DIUN MIMUN 2:16

“Ditde no di ningon ngakei da ngwam kep da ba, dani cem dingwam kep noni. Noni jem nide domba nya ei bakung tou nghousi,

DIUN MIMUN 4:5

Ado hacem dem kep andai pmot can kin rusa pmot can di igyem minta ei bakung tou nghousi ri.

YESAYA 12:1

Njap ngon bou midem leu api mijipai doia dini. tuhan e, dipai sigyo biNa lewo agwam ser dingon. Nipou yo ne agga da noro tini bu ne Ade niggati cut tu.

YESAYA 18:4

tuhan pai bida “Midicap leu dibongti di jo anai ug ei bijehei mu bidicap brei bou diyai him nyahan kin gi kwes noyam kin nggou di cut nding mem mmun di hou dut kui mem nijam nikos ningat kui ig gudanti. Diba diyai di kwes-kwau bicap bidem mpia di com nimig kwes kei mem mpia ngket.

YESAYA 26:19

Ade limwa di imai su nya migyai niyaijo hanyen ba, ingut di mai su nya mikiju hanyen. Yo di nitig yok tu nya mikiju hanyen bimbos-hi-mbos. Awin Ade limwa di imai mimbrek ngan tu nya ba, ayai niyaijo hanyen biyok noyam kin nggou di kwek dihyei ninghuisi.

YESAYA 27:6

Mben Israel midem kep biei di nigau huk dihyeiti di ndig nut cem ba, ningat mikieng kep dihyeisi dini ninjek dip mem nijam gima kwei.

YESAYA 35:2

Iggum ndigsi miba ningon di llei bibor bipai doia bimbos-hi-mbos lewo mpia dima miluei nitta binok nikei-kau-keisi noyam kin Nungug Libanon ba, mibon ninnumti noyam kin ngoi dumti nya ei Nungug Karmel kin mbang briep Saron. Tungwatu nya yahagom mingat tuhan nikei-kau-keisi kin ninyeng jeisi kin Nide nisindemti bou igyai him.

YESAYA 44:3

Midisiber minyei ug ei dihyei ningga biborti leu api midibindei ba, minyei nya biam ei iggum ndigsi. Midiyai nisindemti bak jimunggwom bat nya ba, midinjei mun di kei bak jide nintun him yamti di bram yam nya.

YESAYA 45:8

Tirigi ahwen ade siceu nya bitimek bingwig lene gima noyam kin biget di mbras kwei leu mpia-bbed him lene dihyei dini cigit ba, bindei hei ningon sren-srausi kin nibong kei nigwam keisi bikui mpia tereu nok dihyei ninnumti kin nitou nikiengti. Da di tuhan dibindei ba, mun dini hagom mipek kep.”

YESAYA 57:18

Dingat igyai munti nya tu noro midibindei ba, ikei hanyen. Midikrau inda bidicen yok cem. Dibimpu yok bidigwam ser yo di ingon ngguk nya ingon cem.

YESAYA 57:19

Midibindei yo di yahagom bitut yo di ibong dideu kin yo di ibong ting cem mibong nyahan. Midibindei ba, Ditde limwa nya ikei hanyen.

YEREMIA 3:22

Je di jiba jinghim bak tuhan jahagom e, ma jingkwei hanyen ndam Noni! Noni mibindei ba, jikei hanyen bijingon gom tut Noni. Leu api jipai “I, nogindini nikwei ndam tuhan lewo Noni ne nyende Allah ri.

YEREMIA 32:41

Dijoi sut nibon mun di kei bak yoni bidibindei ba, ibong ei minu dini bijo ninno bijo kikau.

HOSEA 6:3

Gima rino ma jikwei ba, ita ibou ei gi ingon jo kep Noni hanyen. Noni mittau kep nye hanyen noyam kin mpia di com mem njap tekti kin biget di but kwei ei dihyeisi dini mem bed di biang biget ningwigsi.”

MIKHA 5:7

Mben Israel di isima ei ingkiaisi minok mindhe singa di lus-lus nyen srig mindhe-ndhe bigbehei nya ikieti bisrig domba di igyem kep abris nggrup ei abris nghousi ikieti cem. Singa dima cut igkep domba dima yok ba, ham yok lene bibrig-brig nyen yok bingwig. Bit bon hi teu domba nya leu singa nuhui kan bi.

MIKHA 7:18

tuhan e, Allah hi ter noyam kin Nani bi. Akos ser Ade limwa di ingwes ngun leu ingkiaisi nya ide sisar. Angon sibui sut yok kikau kan bi. Noro ajoi sut ando Ade ningon ngakeisi di ug hon nohonti bi bak nyeni.

MATIUS 6:28

Nggon rino jingon bos-bos nyen tut sinsun di jijuk i? Ma jingig jiyai kep mitou igbit susti. Lewo mitou yai midyai binap sinsun mem nonti bi.

LUKAS 12:27

Ma jiyok jiyai kep mitou igbit susti. Mitou dima yai midyai binap sinsun cem mem nonti bi. Noro Nibou Ndig Salomo di nyeng bibor juk sinsun di kei bibor di noyam kin mitou dima bi!

EFESUS 3:17

Handei kon ba, Kristus gwam nyahan ei jingonti tug hon jide niba ningon com Noniti. Ma jicom jigau ei ningon ngakei yamti ba, ningon di ngakei yam mpung ei jingonti,

NINDAT KEP TUHAN NICUKTI NYA 32:2

Dipingok jeti nya midem kep nok mpia di but leu api minok nggou di kieng kep dihyei ninjek dip. Dihyet rinok biget di mbras mem njita kioi binok mpia ngkoi mem mintu-minta cem.