HOSEA 14:1 - ALLAH NIHYET MEM TUNGWATU NYA

¹ Midikes hukum ei mben Samaria dip drek dip gi ikiek imig jou tut Da. Timiei minu dima ikon pran noro mitug ndei nimai. Ide siceu nye minjei ningwoi-ngwoi nya hagom ug ei pimbien behei bimai leu lene iriu sop di inghop tu nya yahagom ba, inghop tigwau bitau ug.”

HOSEA 14:1 ပူးပေါင်းရင်းမြစ်များ

NIBOU NDIG NYA GI NICAN 8:12

Hazael hig ser “Andigpoi e, nggon rino apim i?” Lene Elisa buhup “Dipim lewo dikan tut gi mporo ayai mun kinei bibor tut mben Israel. Mporo aya kep ide minu ndig di bon ngug tig jo ser nya ba, andig bingwig ba, ayai nimai bak ide pinai pilei di ubbu nya cem aom ku ide munggwom ngwoi nya ikimam ba, asrat ide sop di itta buhun nya inghop tut munggwom biyem mpia ei dihyeisi cem.”

YESAYA 19:22

tuhan mimbas mben Mesir noro Noni mibindei ba, ikei hanyen. Yoni mikiek ndam tuhan leu api Noni mibuhup ide nadi bibindei ba, ikei hanyen yo.

YEREMIA 2:19

Jide sisar mibindei ba, hukum cut igkep je. Jitug ndei nihwen bit jeti drek dip gi jikou sut Da di dinok jide Allah. Nogindini jitug ndei niwei kin nidut drek dip gi jiba jinghim bak Dani bijikon dinyeng bi. Da di tuhan dinok jide Allah Di Ninyeng Jei Bibor ba, Disindem Bibor cem disimbot dat tu.”

YEREMIA 4:1

tuhan pai “Ditde mben Israel jen, gino jijoi sut jingkwei hanyen lene ma jingkwei hanyen ndam Da. Ma jicom kwar di dingon mpo tut nya nipou ug e. Leu api jiba jingon gom bibit Da.

NIBWOS-BWOS NYENTI 5:16

Mun di bindei ninggap leusi jo bu bi ba, mun di buhun cut igkep nye lewo nibon sisar tu o!

YEHEZKIEL 16:46

Akindig rino minu ndig Samaria ei nite bei mpia nijjai bitut nide minu mien nya. Akinjoi rino minu ndig Sodom ei nite bei mpia nibiho bitut nide minu mien nya.

YEHEZKIEL 33:11

Ma apai biyok bipia deheng bitug hon Danti di tuhan Di Dinyeng Jei Bibor cem Allah di niyaijo cem dinyeng bipia dingon kei drek dip no di mbuk nitug midutti bi. Noro dijoi sut gino noni ttin ser nide sisar leu binhyepo hek tut niyaisi. Je di mben Israel e, ma jimbres jenti leu sisar hagom. Nggon rino jingon llei sut gi jitug ndei nimai i?

YEHEZKIEL 33:14

Gino disok kep no di mbuk bipia jei bi ne noni mitug ndei nimai apino noni mbres nonti leu sisar biyai kep mun di kei bibor kin mun di igbit,

HOSEA 10:12

Dipai ‘Mben Israel e, ma jiyai miai nijep mem jenti lene ma jindim ningan ningon srenti eisi. Ma jipuk ningat di kei di ntun him jide ningon di ngakei Dati di nijit a. Lewo njap dem mem gima jingkwei hanyen ndam Da di jide tuhan tu. Leu api midikwei bidinjei Ditde mun di kei bije.’

HOSEA 12:6

Allah dima ne tuhan Di Ninyeng Jei Bibor ri. Ninyeng rino tuhan. Suar tungwatu nya ikuk yok biNoni tug hon ninyeng tuhan dima.

HOSEA 12:8

tuhan pai bak mben Israel “Jidat mben Kanaanti lewo jingon sren bi. Nitri-nipek mun cig nya ingon ya mem gi iba ide nai di igbit bi biris yo di ipek mun leu yok nya.

HOSEA 13:9

Je di mben Israel e, midibindei ba, jitimek bijingwig! Lene tou rikwei mpu je i?

HOSEA 4:8

Mun di jinyeng tut dima kum eisi bu tug hon Ditde limwa nya ide sisar di ibon nya. Gima rino gino ibon sisar kwop ne jijoi sut igyai munti dima.

HOSEA 5:5

Ingon di jei bibor jo nibreisi bou diyai him nok mun di bindo tut igyai munti di kinei bibor nya. Ide sisar bindei ba, icut leu api mben Yehuda icut bram yok bu cem.

HOSEA 6:1

Mben Israel ipai biyam “Jikwei ba, yahagom ingkwei hanyen ndam tuhan. Noni yai ninghuisi wei binye noro bindei ba, ikei hanyen. Noni bindei ba, ibok-ba noro Noni ba perban bingot kep hagom hanyen.

HOSEA 9:13

tuhan e, dingat siceu nya di yuhuk-huk nyen Ade limwa nya imunggwom bat nya ba, igyai nimai biyok.

HOSEA 9:7

Nijam nikes hukum ei tungwatu nya dipti tau su. Njap dima ne njap nibuhup jide nibon munti nya hanyen bije ri. Tirigi nijam dima dem ne mben Israel ingkek kan hukum dima! Jipai biyam “Nabi di ninnei bie tut no bbwe bibor. Mirei bon noni!” Jipai gima lewo jingon kinei sut da ba, jide sisar nindig bibor cem.

AMOS 1:13

tuhan pai “Timiei minu Amon ibon sisar ninyen. Ide sisar bindei ba, dikes hukum ei yok dip. Lewo tirigi ikon pran bit timiei minu Gilead ba, ibipos ide dihyei hanjop nsi hi kin bu leu yok lene israt sop mben Gilead di inghop tu nya ba, inghop tigwau bimai ug.