HOSEA 13:9 - ALLAH NIHYET MEM TUNGWATU NYA

⁹ Je di mben Israel e, midibindei ba, jitimek bijingwig! Lene tou rikwei mpu je i?

HOSEA 13:9 ပူးပေါင်းရင်းမြစ်များ

NIBOHON MBEN ISRAEL GI NICAN 28:23

Ahas bindei ba, mun di buhun bibor cut igkep nonti kin nide limwa nya tug hon gi bui mindhe-ndhe bindig ei nimbar hum dokti bak mben Siria po ibindei timek noni tu pima ide kwar di ikuk yok bak nya hanyen. Lewo kan “Mpaba mben Siria ide kwar nya impu nibou ndig mben Siria. Ba, gino sa sibui mindhe bisindig ei nimbar hum dokti bak kwar dima ne hi rima mimpu sani cem a.”

MAZMUR 146:5

No di ba ningon com Yakub de Allah binok nide tuhan Allah di mpu noni ne ningon nggei-hi-nggei.

MAZMUR 33:20

Nyeni niba ningon com tuhan lewo Noni ya srak ko hagau nye binyohou nye.

MAZMUR 46:1

Nimpung Korah ide doia mem no di bie tut doia nimpung. Iba doia Alamot bibrim.

NIPINGOK NINGONTI 6:32

Noro notou mem no di yem njita tut hiter nitnem i? No dima bibon nonti ninyeng kinei! Ningon mbum bibor!

NIPINGOK NINGONTI 8:36

Tungwa tou rino tau kep da bi mibimangkrei nonti niyaijoti. No di ningon mpo tut da ningon ngakei nimai.”

YESAYA 3:11

Noro buhun bibor mem yo di isibut nya! Midibibon yok noyam kin gi yoni ibibon nindigsi nya.

YESAYA 3:9

Ikon yontiti dima bindo tut ide nibon munti di kinei ri. Ibon sisar brei hak noyam kin gi mben Sodom ibon di nipou cem. Buhun bibor mem yok! Yonti ibindei ba, mun di buhun cut igkep yonti hanyen.

YEREMIA 2:17

Jenti jibindei ba, mun dini yok hagom cut igkep je. Jikes Da di tuhan di dinok jide Allah ei ba, jiba jinghim bak Dani tirigi dinyohou bie tut je kak jimbutti ei pui sinon.

YEREMIA 2:19

Jide sisar mibindei ba, hukum cut igkep je. Jitug ndei nihwen bit jeti drek dip gi jikou sut Da di dinok jide Allah. Nogindini jitug ndei niwei kin nidut drek dip gi jiba jinghim bak Dani bijikon dinyeng bi. Da di tuhan dinok jide Allah Di Ninyeng Jei Bibor ba, Disindem Bibor cem disimbot dat tu.”

YEREMIA 4:18

Je di timiei Yehuda e, jenti rino jibindei di mun di buhun dima cut igkep je ug a. Jide niyaijoti di kinei kin jide nibon munti di kinei rino bindei di ninghuisi wei dima biam jingonti a.

YEREMIA 5:25

Noro jide sisar dima yok rino bigen ser mun di kei dima yok hagom dino jingat jingwes eisi bi a.

HOSEA 13:4

tuhan pai “Dani ne tuhan bidinok jide Allah rin ba, dibuwak je kwei leu minu Mesir. Dangkom he rino jide Allah lene hi ter hi bi. Dangkom he rino diteu je bijingwes ngun.

HOSEA 14:1

Midikes hukum ei mben Samaria dip drek dip gi ikiek imig jou tut Da. Timiei minu dima ikon pran noro mitug ndei nimai. Ide siceu nye minjei ningwoi-ngwoi nya hagom ug ei pimbien behei bimai leu lene iriu sop di inghop tu nya yahagom ba, inghop tigwau bitau ug.”

HOSEA 7:14

Ingat nadi mungkun kei biDa bi. Tirigi ingat nadi ne injei yonti ug ei bilen di ibongti ba, iba nipim kui jeisi bingat nadi noyam kin yo di iba ingon com Da bi nya ibon kikepti. Tirigi yahara gandum kin ba anggur ngei ne ibindei yonti bibok noyam kin yo di ikuk yok bak kwar nya ibon kikepti. Ihwen bit Da nijit-jau a!

HOSEA 7:15

Mbro nok gino Dani rino dibindei di indig ba, diyai ide nisindemti biyok lo, igyok ingon gom mem ihwen biDa.

MALEAKHI 1:12

Noro jingwes pri gau Da tirigi jikan bipia Ditde nimbar hum dok bon ninyeng bi. Ba, jiba jide njita di kinei di jikon eisi bikuk je biDa.

MALEAKHI 1:13

Jipai ‘Mun dini yok hagom buhun tak nye.’ Ba, jikoi jihwap tut Da. Jijem mindhe di jimbrai kin gi lit kin gi nggwen cem kwei mem jibikuk je biDa. Jikan bipia dice tut jiyai munti dima e?

MALEAKHI 1:9

Je di imam nya e, nogindini ma jahara Allah leu binhyepo ngondut nye. Noni mibuhup jide nadi bi. Suar jibiang jide nitunggwei sut Noni nibuhunti.

NINDAT KEP TUHAN NICUKTI NYA 33:26

“Je di mben Israel e, kwar di jikuk je bak hi noyam kin jide Allah bi. Lewo Allah ya bidem mpia-bbed him ba, ttau bumbuhuiti kwei leu binhyepo kwei bimpu je.

NINDAT KEP TUHAN NICUKTI NYA 33:29

Je di mben Israel e, ma jingon llei bibor! tuhan teu je tu. Mben nindigsi ei dihyeisi dini hi noyam kin jeni bi. Lewo tuhan Nongkom rinok jide simeda kin jide mun di jibipukep ser tibor ninggwenti nya. Noni miya srak ko hagau je leu api jide siceu nya micut bije. Yoni mikwei kuk yok ei jimig him ba, miyahara ser je noro mijico kep yok bingwig hak ug.”