HOSEA 13:6 - ALLAH NIHYET MEM TUNGWATU NYA

⁶ Noro tirigi jicoi ug ei minu di nnum kei bijiyem njita bidem njita nyeng hagom bijibong kei jigwam kei bijei bi lene jingon jei ba, jingon prion ser Da cem.

HOSEA 13:6 ပူးပေါင်းရင်းမြစ်များ

NEHEMIA 9:35

Anjei mun di kei bak nibou ndig nya di inyeng tak kep Ade limwa nya tirigi ibong kei igwam kei ei minu di bres bibor ba, nnum bibor po ayai biyok pima. Noro igikes igyai munti di mbuk bibor nya bijo ei leu bikuk yok biNa bi.

MAZMUR 10:4

Yo di ibon sisar nya ingkek ndok tut tuhan lewo iba ingon di jei bikan-kan nyen bipia Allah bon ninyeng mem yok bi.

NIPINGOK NINGONTI 30:9

Leu gino abikum eisi ba, dinyeng bibor lene midikan ei dingonti bipia disuar na di Allah bu bi. Ne gino duhui mbum bibor ne leu ma dinggimang ndiyok lene gima bindei ba, tungwatu nya ingwes pri gau Na.

YESAYA 17:10

Na di minu Israel e, abbwe ser Allah di teu na di angwes ngun kin Allah di noyam kin nungug tig di ngkiem kei di nyohou na tu. Ata njita ei miaisi di apigig ser mem gima akuk na bak kwar ngkiai nya ide cem tu.

YEREMIA 5:7

tuhan pai “Nggon rima dikos ser Ditde limwa nya ide sisar nya i? Iba inghim biDa bikuk yok bak kwar nya tu. Dikwas njita tut yok ba, igyem bindei yok noro ibon sisar nicut tut yamti ba, icem kep sop di ikrar jut nya.

YEHEZKIEL 23:35

tuhan Di Ninyeng Jei Bibor pai “Suar abiang ade nikrar kepti kin ade nicut tut pinai nyati nibuhunti lewo abbwe ser Da ba, aba anghim biDa cem.”

YEHEZKIEL 28:5

Jo nibreisi bipia ade ningon ki tut nitri-nipek munti bindei ba, njap di ammani ne anyeng bibor. Ba, mun di anyeng bibor tut dima bindei ba, angon jei ba, akon nanti cem!”

HOSEA 10:1

Nipou ne mben Israel idem kep biei anggur di ningat hun tut. Ndigban di inyeng tut kum eisi bimang lene nimbar hum dok di iwin cem kum eisi bimang. Mun nyeng hagom di dem mem yok kum eisi lo, itas cou tig di kei-kau bibiyok ngon kep ide kwar di ikuk yok bak nya.

HOSEA 12:8

tuhan pai bak mben Israel “Jidat mben Kanaanti lewo jingon sren bi. Nitri-nipek mun cig nya ingon ya mem gi iba ide nai di igbit bi biris yo di ipek mun leu yok nya.

HOSEA 2:13

Midikes hukum ei noni dip bit leu njap ngwa hagom di noni ndig biei nggrai di ui-gwang kei bak Baal lene ba nide mas kin perak bimau nonti buhuk bram pinai di cut tut noni. Da di tuhan disimbot dat tu.”

HOSEA 2:7

Noni muhuk bram pinai di icut tut noni noro bit bon hatap yok kan bi. Noni minggok ser yok noro ngat yok bou niyai him cem bi. Noni mikan ‘Nnaba singkwei bisibong bit sijjep ndig hanyen lewo noni nyohou sa nok gi kei dor njiriek yo di icut tut sa pima yok.’

HOSEA 4:6

Ditde limwa nya cem ijoi sut Da bikuk yok biDa bi apino mun di buhun micut igkep yok. Je di imam nya cem jijoi sut bijikuk je biDa bi ba, jikou sut Ditde nipingok jeti. Gima rino midikou sut je leu api midisindui sut jipmot bat nya ba, inok Ditde imam nya bu bi.

HOSEA 4:7

Je di imam e, gino jimangti kum eisi bu ne sisar di jibon tut Da bikum eisi bu. Gima rino midibindei ba, tungwatu nya inggei sut je bu bi noro ighyet wer mpiahi tut je.

HOSEA 5:14

Midittem mben Israel kin mben Yehuda noyam kin mindhe singa di ttem mun di yem. Dangkom he rino dibriug-briug nyen yok leu api dikes yok ei bidimbut leu. Gino dittem yok bidikri yok ne bit bon hi teu yok bingwes ngun leu dindati kan bi.

HOSEA 7:14

Ingat nadi mungkun kei biDa bi. Tirigi ingat nadi ne injei yonti ug ei bilen di ibongti ba, iba nipim kui jeisi bingat nadi noyam kin yo di iba ingon com Da bi nya ibon kikepti. Tirigi yahara gandum kin ba anggur ngei ne ibindei yonti bibok noyam kin yo di ikuk yok bak kwar nya ibon kikepti. Ihwen bit Da nijit-jau a!

HOSEA 8:14

Mben Israel inda jo kep nibou ndig de ig nya biwin. Noro ibbwe ser No Di Pai Tes yok. Mben Yehuda ibindei ba, tentara nibousi di igya coi nya jo bidem ide minu ndig nya. Noro midikes hum biyem ide nibou ndig de ig nya kin ide minu ndig nya bitimek bingwig.”

HOSEA 8:4

Ditde limwa nya intu kep Da tut dingon kanti mem yok bi leu api ita ide nibou ndig. Ikon ide nibou nya igbit yonti ingon kanti njiriek dingon kanti mem yok. Igyai ide mas kin perak ba, ibibon kwar di ikuk yok bak. Nibon kwarti ribindei timek yonti hanyen a.

NINDAT KEP TUHAN NICUKTI NYA 32:18

Yoni iba ingha bak No di sindem bibor di teu yok bingwes ngun ba, ingon prion ser ide Allah di yai niyaijo biyok tu.