HOSEA 13:2 - ALLAH NIHYET MEM TUNGWATU NYA

² Keret Efraim dima no ibon sisar kikau kwei bipek ammani kep. Iba perak bibon kwar nya bikuk yok bak. Kwar dima yok intun tungwatu nya ide nikan-kan nyenti him leu api tungwatu ibon bou inda him. Itri tut “Ma jibon midut nindig mindhe ei nimbar hum dokti ba, jibikuk je bak kwar dini yok!” Mbenjen! Yo dima imei kwar sapi pmot cem!

HOSEA 13:2 ပူးပေါင်းရင်းမြစ်များ

NIBOU NDIG NYA GI NIGOM 19:18

Noro midinyohou mben Israel ibou sribu muhwindacan bingwes ngun lewo ingon gom tut Da lene ikuk yok bak Baal bi ba, imei nide kwar cem bi sren.”

NIBOHON MBEN ISRAEL GI NICAN 28:13

Bipai ser yok “Ma jibuwak yo di isima dima yok kwei au! Nyeni ibon sisar tut tuhan ba, sisar dima nindig bibor lene dem mem gima itug ndei hukum drek dip. Nogindini jijoi sut mem gima jibon mun di bikum ei ide nitunggweisi bu!”

NIBOHON MBEN ISRAEL GI NICAN 33:23

Noro Amon niyai munti nya ter leu nicig niyai munti nya lewo Amon om nonti ei tuhan Noho bei ba, ngkwei hanyen ndam Noni bi. Nide sisar di bon nya dor tunggwei nicig nibon sisarti cem.

MAZMUR 2:12

Ma jiba jingwak bikik mpia ei tuhan nimig him. Gi bi ne Noni migga bibor kros ba, mibindei sar jahagom kros bihigom. Bikwop tungwa tou rino ya coi tuhan ne no dima ningon nggei-hi-nggei!

YESAYA 1:5

Nggon rino jaham jimbuk kep Noni ninno tu i? Jijoi sut gima tuhan ba hukum di buhun bibor hi kin bu bihwen je e? Jibou bok-ba lene jingon kinei ba, jibou buwei cem tu.

YESAYA 30:1

tuhan pai “Mun di buhun bibor micut igkep yo di inyeng tak kep timiei Yehuda nya lewo yaham imbuk kep Da. Ibit ingon kanti nya di noyam kin dingon kanti mem yok bi. Yoni kin ngkiai nya ipreu kep yam njiriek dingon kanti mem yok. Tug hon nisinati dima ne ikum ei ide sisar nimangti.

YESAYA 44:11

Ningat ne yo di ikuk yok bak kwar nya mimmai sut yonti. Neheu kep kwar cig nya inok tungwatu dihyeisi dini he. Gino jicuk yok ug ei nikei noho bei ne yoni mittin tut ba, immai sut yonti.

YESAYA 45:20

tuhan pai “Je di timiei ngkiai nya di jingwes ngun e, ma jinduk yam kwei! Yo di ittei yam kui-juk nyen tut ide kwar nya bingat nadi bak ide kwar di bit bon teu yok bingwes ngun kan bi yahagom ingon mbum bibor.

YESAYA 46:6

Tungwagom kwek nide bangdop bisiber nide mas leu api bakilo nide perak nibuhunti. Noni yai mitiei poi bak nibon kep kwar cig gom leu binhyepo ba mas kin perak pima bibon kwar mem noni. Lene noni kuk no bak binggei sut.

YESAYA 46:8

Je di jaham jimbuk kep Da e, ma jiyok ngon kep gini bijiba jingon bisrip huk.

YEREMIA 10:4

Leu api iba mas kin perak bimau kwar dima lene iba paku bipek kin nikiou leu binhyepo tti bicut ug ei dihyeisi au.

YEREMIA 10:8

Yo dima yahagom ibbwe ba, ingon mbum cem. Lewo iba biei nitu bibon ide kwar di ngginau yok tut mun di bon ninyeng kan bi.

YEREMIA 8:5

Nggon rino je di jinok Ditde limwa nya jikriek leu pui di nijit ba, jiba jinghim biDa bijo kikau i? Jikrau kep jide kwar nya di jikuk je bak bingkiem ba, jikou sut gi jingkwei hanyen ndam Da.

HOSEA 10:1

Nipou ne mben Israel idem kep biei anggur di ningat hun tut. Ndigban di inyeng tut kum eisi bimang lene nimbar hum dok di iwin cem kum eisi bimang. Mun nyeng hagom di dem mem yok kum eisi lo, itas cou tig di kei-kau bibiyok ngon kep ide kwar di ikuk yok bak nya.

HOSEA 10:5

Timiei minu ndig Samaria nya ittin. Yoni kin imam di ide nya di igyai midyai mem kwar sapi di iba mas bibon ei Betel ingon ngguk bipim. Lewo ide kwar di ikuk yok bak ninyeng jeisi sar yon tu.

HOSEA 11:2

Noro tirigi dihig kikep yok ninyen lene ibimbut ninna leu Da leu api imbres yonti leu Da bikum eisi bu. Ditde limwa nya indig mindhe-ndhe ei nimbar hum dokti bak Baal bindig biei nggrai di ui-gwang kei bak kwar nya.

HOSEA 11:6

Ide siceu nya mikon pran bit yok ei itimieisi binggek dimbou pmem nya hagom leu binhyepo ihwen Ditde limwa nya bibindei ba, itimek bingwig. Mun dini yok hagom micut igkep yok drek dip igyai munti nya hagom di bit leu yonti ingon kanti ba,

HOSEA 14:3

Ma jingkwei hanyen ndam tuhan lene ma jingat nadi “tuhan e, ma akos ser nyende sisar hagom ba, angig atingou mem nyende nadi leu api mininggei sut Na bit leu nok gi nipreu ei mem Na tu.

HOSEA 2:8

Atnem pai jit bipia Dani rino diyai gandum kin ba anggur ngei kin mini zaitun kin mas kin perak binoni di bikuk no bak Baal bi sren.

HOSEA 4:17

Mben Israel iba yoho rok kwar nya ba, gima brim ingona. Jisindui sut yok ba, igyai igbit yonti ingon kanti.

HOSEA 8:4

Ditde limwa nya intu kep Da tut dingon kanti mem yok bi leu api ita ide nibou ndig. Ikon ide nibou nya igbit yonti ingon kanti njiriek dingon kanti mem yok. Igyai ide mas kin perak ba, ibibon kwar di ikuk yok bak. Nibon kwarti ribindei timek yonti hanyen a.

HOSEA 8:5

Dingon mpo tut kwar sapi nikre di timiei minu ndig Samaria iba mas bibon di ikuk yok bak a. Digga yoni bibor. Ibindei ba, map kui yokti kikau tug hon kwar dima ug bipek apig bu i?

HOSEA 8:6

Nibibon mas cig mben Israel gom bon kwar di ikuk yok bak ei Samaria! Gima ne Allah nijit rin bi ba, suar ibindei timek hak ug!

MBEN ISRAEL IMBUT-MBUT NYEN 32:14

Lene nogindini jeni cem jingkek nddok nok jicig bat nya! Jeni ne nimpung nibon sisar rin ba, jibinduk tuhan nigga biborti kep mben Israel hanyen bu!

ROMA 11:4

Notou Allah buhup Nabi Elia nihyet i? Noni buhup “Dwai, dinyohou tungwatu nya ibou sribu muhwindacan di ikuk yok bak kwar Baal bigyo di inok Ditde limwa nya yo.”

ROMA 2:5

Noro jingkek ndok bijingon tindak cem. Gima rino jikum ei jide hukumti mem Njap Ningwig Honti ei mpe dino Allah mindo ningon di sibui sut sisarti brei bak tungwatu nya bikes hukum di sren-srau ei yok dip.

2 TIMOTIUS GI NICAN 3:13

yo di isibut kin yo di iris mun ei hiterti nya mibikum ei ide mun di kineiti ba, ibiris bak tungwatu nya kikau lo, yonti cem micut bak yo di iris mun biyok nya ri.

SAMUEL GI NIGOM 10:1

Lene Samuel hit mini zaitun ampou gom bikiber ei Saul nibou nggram him leu api mei noni bipai binoni “tuhan ta nani nok nibou ndig mem Nide limwa di mben Israel. Anyeng mitak kep Nide limwa nya ba, anyohou yok leu ide siceu di isibut nya yahagom. Mun di bindo tut gi Noni ta nani nok nibou ndig mem Nide limwa nya rinok gini.