HOSEA 13:11 - ALLAH NIHYET MEM TUNGWATU NYA

¹¹ Diba dingon di sibui bindo jide nibou ndig nya leu api diba Ditde nigga biborti bipos yok bingwig hanyen leu je.”

HOSEA 13:11 ပူးပေါင်းရင်းမြစ်များ

NIPINGOK NINGONTI 28:2

Gino mben hi ibon kep mun di mbuk bibor ne ide nibou ndig nya igya luei yam hoti kikau. Noro gino nibou ndig gom ningon ki ne ninyeng tak kep limwa nyati sindem bibor ba, jo ninno cem.

HOSEA 10:3

Jei bi ne yoni mipai biyam “Ide nibou ndig hi ninyeng tak kep nye bi drek dip nittin tut Allah bi rin. Apo gi nibou ndig gom di ninyeng tak kep nye dima bon ninyeng mem nye e?”

HOSEA 10:7

Minu ndig Samaria kin nibou ndig mitimek bingwig dem kep biei nnir gom ngat di minyei hwen.

HOSEA 3:4

Nok gima cem tut mben Israel. Suar ibet ingon wer ninno mem nijam di ibon ide nibou ndig kin no di bie tut yok ba, ibindei mbut ide midut nya cem bi. Ide cou tig di mindur nya kin ide kwar nya kin ide nung nya di imbot kep mimun tut nidipti bu biyok jo biyok bu bi cem.

HOSEA 8:4

Ditde limwa nya intu kep Da tut dingon kanti mem yok bi leu api ita ide nibou ndig. Ikon ide nibou nya igbit yonti ingon kanti njiriek dingon kanti mem yok. Igyai ide mas kin perak ba, ibibon kwar di ikuk yok bak. Nibon kwarti ribindei timek yonti hanyen a.

SAMUEL GI NIGOM 10:17

Lene Samuel hig mben Israel yahagom kwei ba, imbus yam ei Mizpa.

SAMUEL GI NIGOM 10:19

Dinyeng tak kep je ba, diteu je leu mun di cut igkep je kin mun di buhun tak je bijingwes ngun tu. Noro tini bu lene jikou sut Da ba, jisuar jide nibou ndig gom. Nna ba dice tut jingon kanti dima. Gima rino ma jahagom jikwas yam bit leu nok jide keret kin jide pung di jintun him nya cem leu api jikwei ya ei tuhan Noho bei.’ ”

SAMUEL GI NIGOM 12:1

Mpe dima lene Samuel pai bak mben Israel “Diyai hagom bit leu nok jingon kanti tu. Dita jide nibou ndig tu.

SAMUEL GI NIGOM 12:13

Nogindini ma jahagom jingat i! No dini ne nibou ndig di jidimig ei su ri. Jibidip huk da tut nibou ndig gom leu api tuhan ta noni mem je tu.

SAMUEL GI NIGOM 15:26

Lene Samuel buhup “Midibit na di Andigpoi bi! Angkek ndok tut Allah nicuk nati. Gima rino Noni kou sut gima na di Andigpoi anok nibou ndig mem mben Israel.”

SAMUEL GI NIGOM 16:1

Bed poi ser lene tuhan hig ser Samuel “Apig api akes hon ba, angon ngguk tut Saul bu bi i? Dikou sut noni nok nibou ndig mem mben Israel. Gima rino ma apwoi ampou tut mini zaitun leu api ambut tut ug ei Betlehem ba, anggok ser Isai lewo didimig nipmot hi ei nok nibou ndig bu.”