HOSEA 12:9 - ALLAH NIHYET MEM TUNGWATU NYA

⁹ Ipai biyam ‘Nogindini nyeni ninyeng bibor ba, niba niris munti bitug ndei mitiei nindig bibor! Bit bon tungwa hi dima pai kep nye bipia itug ndei mun di inyeng tut dima yok tug hon ide niris munti kan bi.’

HOSEA 12:9 ပူးပေါင်းရင်းမြစ်များ

NITRITI 25:27

Tirigi munggwom cin dini indig nut tu lene Esau ngim igkei bibong kep susti noro Yakub nibou nddong ba, tot mpia ei ig bei.

SAMUEL GI NICAN 7:2

Lene noni pai bak nabi Natan “Angat i! Dibong kei di gwam kei ei ig nibou ndig di iba biei buom Libanon bingot dini noro Allah De Brua Gi Preu jo nijoti ei prak meng behei gom ngat he.”

EZRA 3:4

Lene ibon midut Njap Ndig Ig Jibei Mpam Meng kin nibon midut bikwop njap ngwa hagom cem bit leu nok nicukti nya di jo tu nicuk yoti,

MAZMUR 49:7

Yo dima isibut ba, iba ingon com ide mun di inyeng tut nya binggei-nggwang tut ide ndigban di nindig bibor cem.

MAZMUR 81:10

Ma ngkiai nya ide kwar hi jo ei jikieti ba, jikuk je bak au.

NEHEI LEUSI 20:2

“Dani ne tuhan bidinok jide Allah rin ba, dibuwak je kwei leu minu Mesir minu po jiyai kep midyai nok awak eisi pima.

NIPINGOK NINGONTI 30:12

Tungwatu nya bihi ikan bipia ingon kwes-kwau noro irom ndok.

YEREMIA 35:7

Niyai miai cem nita njita bou cem nima miai ba anggur nghousi nok ninda rom cem ninyohou ba anggur nghousi cem hagom bi bit leu niggai ser nyeti pima. Tirigi niya-ya nyen ei dihyeisi dini ne ningot ig mem gima nibong niti bi. Suar nibong hak ei prak meng yati nya leu binhyepo ninok ngkiai di ibong timiei ei minu dini kikau he.

YEREMIA 5:27

Yoni inju ndigban di iba niris mun biyai nya kui ig di ide nya dem kep nok no di huk ha di nju ha keyam ei nide bansiti. Igyai munti dima bindei ba, isindem bibor binyeng cem,

HOSEA 11:1

tuhan pai a “Dingondut Israel habiei nimien yo ba, dihig dimunggwom dima kwei leu minu Mesir.

HOSEA 13:4

tuhan pai “Dani ne tuhan bidinok jide Allah rin ba, dibuwak je kwei leu minu Mesir. Dangkom he rino jide Allah lene hi ter hi bi. Dangkom he rino diteu je bijingwes ngun.

HOSEA 2:15

Midingkwei nide miai ba anggur nghousi hanyen binoni bidibindei ba, nide Mbang Briep Ningon Buhunti luei nitta binok dimbou niyok ningon memti. Noni miya um Da ei sirima noyam kin nijam di noni sindi kwei leu Mesir nok sop gwam nitta pilei.

IMAM NYA IDE MIDYAI 19:36

Noro ma jikrau kep meter kin kilo kin brek ngwak di igbit. Dani ne tuhan bidinok jide Allah rin ba, dibuwak je kwei leu minu Mesir.

IMAM NYA IDE MIDYAI 26:13

Dani ne tuhan ba, jide Allah di teu je bijingwes ngun leu minu Mesir leu binhyepo jinok awak bu bi ri. Dibindei dahat nisindemti di co kep je pima tu leu api dibindei ba, jiyati kwes.”

MIKHA 6:4

Dibuwak je kwei leu minu Mesir biditeu je bijingwes ngun leu gi yuubon je nok awak. Dicuk Musa kin Harun kin Miryam leu binhyepo ibie tut je.

MBEN ISRAEL IMBUT-MBUT NYEN 15:41

Dani ne tuhan bidinok jide Allah ri. Dibuwak je kwei leu minu Mesir leu binhyepo dibindei Danti ba, dinok jide Allah. Dani ne tuhan ri.”

YOHANES 7:2

Mpe dima ne tto bou dem mem mben Yahudi ibon pesta kep Njap Ndig Ig Jibei Mpam Meng ri.