HOSEA 12:7 - ALLAH NIHYET MEM TUNGWATU NYA

⁷ Gima rino je di jintun Yakub him e, ma jiba jingon com jide Allah ba, jingkwei hanyen ndam Noni. Ma jinyohou ningon ngakei Allahti kin ningon srenti. Ma jigwam nyahan ba, joom jingon bibou jide Allah kiju ba, brim ningkek mem je ug e.

HOSEA 12:7 ပူးပေါင်းရင်းမြစ်များ

NITRITI 49:18

tuhan e, dimem kep ser tto bou tirigi akwei teu da hak!

NIPINGOK NINGONTI 11:1

tuhan ningon mpo tut no di ba kilo nitrowai biris mun bak tungwatu nya. Noro ningon kwes kin no di ba kilo di igbit bitri ndiyok tut yok.

NIPINGOK NINGONTI 16:11

tuhan joi sut nitri-nipek kep mun cig nya igyai munti nya di iba ningon srenti biyai mun bitut mun di ibinai cem ibakilo cem.

YESAYA 3:5

Tungwatu nya yonti mico kep yam nyen. Pilei nya igimiap ndigpoi nya ighyet bi lene nikinei-kinau nya igikuk yok bak ndigpoi ndig nya ba, igibit ighyet bi.

YESAYA 56:1

tuhan pai bak Nide limwa nya “Ma jibon mun di igbit di dem igbit Ditde nicukti nya. Leu ariman bu ne midihwou teu je bijingwes ngun rin ba, dingon sren-srausi jo brei bou tungwatu nya yahagom igyai him.

YEHEZKIEL 16:3

tuhan Di Ninyeng Jei Bibor cuk da leu binhyepo ditri tut nisok ei da dip dini bak minu ndig Yerusalem “Na di minu ndig Yerusalem e, asrek ei minu Kanaan. Acig mben Amori. Lene apmem mben Het.

YEHEZKIEL 22:29

Yo di inyeng tut ndigban nya iris mun ba, ipos mun cem. Iba ide nisibutti biyai yo di yuhui mbum nya bipos mun di kei leu ngkiai nya mem yonti.

YEHEZKIEL 28:5

Jo nibreisi bipia ade ningon ki tut nitri-nipek munti bindei ba, njap di ammani ne anyeng bibor. Ba, mun di anyeng bibor tut dima bindei ba, angon jei ba, akon nanti cem!”

HOSEA 14:2

Je di mben Israel e, ma jingkwei hanyen ndam tuhan di nok jide Allah. Jide sisar bindei ba, jicut tu.

YOEL 2:12

tuhan pai “Nogindini ma jiba jingon titut yam bingkwei hanyen ndam Da. Ma jisindui njita mem nituti poi bijingon ngguk tut jide sisar ba, jiyai nggwei kibor cem.

AMOS 2:7

Ico kep yo di inghuisi jet kin yo di isindem bi birok yo di yuhui mbum ei itta. Nicig-nipmot yahacem ibimangkrei dinyeng di dia-diau kei tug hon gi igyem njita tut ide sop awak gom.

AMOS 3:9

Ma jitri tut nihyet di disok ei jeni dip bak yo di ibong ser ig nibou ndig nya ide ei minu Mesir kin minu ndig Asdod bijipai biyok “Ma jinduk yam kwei ei nungug tou nya di jo ttai minu ndig Samaria leu binhyepo jicap timiei minu ndig dima ide nimbuk tut yamti kin mun di ibon tunggwei sut yamti bou jiyai him.”

AMOS 4:1

Je di sop timiei minu Samaria e, jimiap kep dihyet! Jinoyam kin sapi Basan niwek di pap-nap kei! Jico kep yo di inghuisi jet bijipos ndiyok leu yo di yuhui mbum nya lene jicuk jijjep bat nya bitin ei pes di jidut kikep mem je cem!

AMOS 5:11

Jico kep nuhui mbum nya bijipos ide gandum ngan cem leu yok. Gima rino mijibong ser ig di kei bibor kei di jingot mem jenti bijidut ba anggur ngei leu miai ba anggur nghousi nya di jita mem jenti cem bi sren.

MIKHA 2:1

Buhun bibor mem yo di igyai ngkiem ei ibongti mem mmun bigyok ingon gom mem igyai munti di kinei bibor! Yo dima ikinyon ei gi igyok ingon gom tut igyai munti di kinei dima ei njap tekti.

MIKHA 7:2

Yo di ingon sren kin yo di ingon gom tut Allah yahagom ipror bingwig leu minu dini. Yahagom ibet ingon mem nituti tirigi ihwen mun. Yahagom itig ndep jui mem yam.

ZAKHARIA 14:21

Yoni mibet yengkuong ngot di jo ei minu ndig Yerusalem kin yengkuong ngot di jo bidem minu Yehuda hagom pijum ei mem tuhan Di Ninyeng Jei Bibor binok Nide bu. Limwa di ibui mindhe bindig ei nimbar hum dokti bak tuhan miba yengkuong dima bingei mikwau di ibikuk yok bak tuhan. Nijam dima tau ne nitri-nipek mun cig ingat rin ei tuhan Di Ninyeng Jei Bibor De Ig bi sren.

ZAKHARIA 5:8

Malaikati dima pai “Sop dini bindo tut sisar di kinei bibor ri.” Pai nok rino om sop dima hanyen ei bansiti lene ba nibeng bikibou kep.

ZAKHARIA 7:9

“Ditri tut nicukti dini yok bak Ditde limwa nya mimbrek ngan tu. ‘Suar jahati tut nikei nikos tutti di sren kei nya ba, jingon nggriu sut yam. Suar jingon kwes kin yam cem.

MALEAKHI 3:5

tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”

YOHANES 2:16

Lene Noni pai bak nitri hakimoi cig nya “Ma jikon jide hakimoi nya leu mpia dini! Ma jibibon Dicig De Ig dini nok kios bousi au!”

YAKOBUS 5:4

Jitak kep awak di igyai miai nya imuhup leu yok bijiyem imuhup bingwig su. Suar jintu kep mun di yoni inso je tut! Jide awak di igyai njita kwei leu beisi nya ighyet tibim kikau ug ei Allah Di Sindem Bibor nitingou nsi tu.

SAMUEL GI NIGOM 12:3

Nogindini diya hak ei joho bei. Gino dipigau hanjop hi tu lene ma jipai kep da bou tuhan kin nibou ndig di Noni ndo ei su igyai him. Gino dimbrai hiter de sapi kin keledai lene ma jipai igbit. Gino diris hi bidimbuk tut hi ba, hi ba mitiei bingot kep da cem lene ma jipai igbit leu binhyepo dingkwei mun dima yok hanyen bak niceu.”