Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




HOSEA 12:2 - ALLAH NIHYET MEM TUNGWATU NYA

2 Mun nyeng hagom di mben Israel ibon leu mpia tekti kikau ug bipek mmun bon ninyeng bi ba, mun nyeng hagom di bon ninyeng bi dima niyai munti mibindei sar yok bidem kep hou mpia priti. Ide niris munti kin ide nisibutti kum eisi ei ikieti. Ipreu mun ei bit minu Asyur lene ipwoi mini biyuug sut ug ei minu Mesir leu binhyepo ibijem isut bit yam.”

အခန်းကိုကြည့်ပါ။ ကော်ပီ




HOSEA 12:2
32 ပူးပေါင်းရင်းမြစ်များ  

Noro mpe di gom bu ne Hosea cuk tungwatu nya biyuug ngat So di nok nibou ndig mem mben Mesir leu binhyepo kwei bahati tut noni. Mpe dima cem Hosea kes ninda tut gima go kep belasten bak minu Asyur. Tirigi Salmaneser kan tut Hosea niyai munti dima lene kat noni ba, bindei coi ug ei ig bui nsi.


Noro iris mun bak Noni tug hon ighyet di nok bu tan.


Mun dima cem biyai ningon di ngguk. Ikes dihyeisi dini ei noyam kin gi po isrek kwei pima cem. Mbro nok gino icom yahangwap tut niyon igkep hou nimig lo, itug ndei mindei ngan drek dip i?


Noro tuhan pai “Tirigi diyai midyai di dijoi sut dibon ei Nungug Sion kin minu ndig Yerusalem biput tu ne midikes hukum ei nibou ndig Asyur dip cem drek dip gi kon nonti biningon jei.”


Dinduk mben Asyur mem gima ikwei hwen Ditde limwa nya di ingkwei hanyen leu ide niba ningon com Dati kin gi ibindei bidigga yok. Dinduk mben Asyur kwei mem gima ipos binggimang mun di Ditde limwa nya inyeng tut nya hagom bico kep yok nyen-nyen nok dihyei ndung di ico kep nyen kak puigsi.”


Mpe dima lene tuhan mikes hukum ei nisindemti di ingat rin ei mpia-bbed him nya kin nibou ndig dihyeisi dini nya dip.


Noro buhun bibor mem yo di isibut nya! Midibibon yok noyam kin gi yoni ibibon nindigsi nya.


tuhan tri tut nihyet tut mindhe-ndhe nya di ibong ei iggum ndigsi ndam nite bei mpia nibiho bipai “Yo di igya hacan pima ikak puig ug ei nikineisi ba, ei sirima ne singa kin wou piet kin naga di bon ninyehei ilus-lus nyen. Yo di igya hacan igyai ide mun di nibok kak bibor bak ngkiai di bit bon impu yok kan bi.


Noni mibirop bak Nide siceu nya bit leu ide nibon munti di ibon kep nya. Mben ngkiai di ibong bidem mios di ting nya cem yahagom mingwes ngun leu Nide hukum di kes ei yok dip bi.


Nihyet dima bong mpiati ninno ug bipek kin dihyei nisurti-nipekti. tuhan bon munhyet bit ngkiai nya. Noni mimbus yahagom ingonti leu api kes hukum ei yo di isibut bibor nya dip.’ ”


Midikes hukum ei noni dip bit leu njap ngwa hagom di noni ndig biei nggrai di ui-gwang kei bak Baal lene ba nide mas kin perak bimau nonti buhuk bram pinai di cut tut noni. Da di tuhan disimbot dat tu.”


tuhan pai kep yo di ibong ei minu dini drek dip ide mun di srou yok. Je di mben Israel e, ma jimiap kep nihyet di pai bije “Tungwatu nya bidem minu dini nisurti-nipekti ingon gom tut yam bi ba, ingondut yam bi lene ijoi sut Da bikuk yok biDa cem bi.


Hukum di micut igkep jide limwa nya micut igkep jeni cem! Midikes hukum ei jeni dip bit leu nok jiyai munti di kinei nya nimangti.


tuhan pai bu “Bikwop nituti di ditin ei mem dibindei ba, Ditde limwa Israel ingon kwes hanyen bidiyai nibong kei nigwam keisi hanyen biyok cem lene dingat ide mun di kinei bibor kin ide sisar di ibon nya he. Iris yam bipos ndigban leu tungwatu ei ide ig kin yo di igya-ya nyen kak simpak mem gima ipos ndiyok cem.


Mben Israel di imig dia idem kep hakimoi mbrei di ningon mbum. Nipou yo ne limwa di ide nya yahara mben Mesir kwei bimpu yok. Leu api inang ndam mben Asyur bu!


Wer ingon dorti tut bipia diyok ngon kep mun di kinei bibor di ibon dima yok hagom cem bi sren. Noro ide sisar ngot di ibon nya kieng kep yok apino dingat hagom mungkun kei bou diyai him.”


Mbro nok gima lo, midinduk yok keyam bidikes hukum ei yoni dip yo. Jei bi ne yahara inghuisi di wei drek dip nibou ndig minu Asyur di co kep yok.


Ijoi sut ibon midut nindig mindhe ei nimbar hum dokti bibikuk yok biDa leu binhyepo igyem mindhe di ibui dima ninghui. Lo, Da di tuhan dingon kei sut ide midut di ibon biDa dima bi. Nogindini diyok ngon kep ide sisar ba, midikes hukum ei yok dip drek dip. Midipinak yok hanyen ug ei minu Mesir!


Mben Israel ibit yonti ingon kanti noyam kin keledai nehek di bit nonti ningon kanti. Yoni yuug hara mben Asyur mem gima ikwei mpu yok. Lene iba mitiei bipek nijem nisut bit mben hi ter nya.


tuhan pai “Ikinyon ei ide nibon mun di kinei biborti ei minu ndig Gilgal. Dingon mpo tut yok ei sirigima drek dip ide nibon munti di kinei bibor ba, midijji yok leu Ditde minu dini bidingondut yok bu bi. Nibou di ide nya yahagom ihwen bit Da.


Jibon munti nya kinei bibor bidem gi jibon ei minu ndig Gibea. Allah miyok ngon kep jitunggweisi bikes hukum ei je dip drek dip jide sisar.


tuhan pai “Timiei minu Yehuda ibon sisar ninyen. Ide sisar bindei ba, dikes hukum ei yok dip. Lewo itunggwei Ditde nicuk yokti nya bingkek ndok tut Ditde nipingokti nya. Nung nya di idigup bat-idigai bat nya ikuk yok bak ibindei ba, mben Yehuda israwir.


Mbigdip nya kin dihyeisi dini nikiou nya e, ma jingig jitingou mem tuhan nihyet di pai kep mben Israelti! Lewo Noni mipai kep mben Israel ei nikei noho bei biwit huk yok drek dip.


Lewo Munggwom Tungwatu Nipmot mikwei sut Nicig Nide nikei-kau-keisi kin Nide malaikati nya leu api mibirop hanyen bak tungwatu nya gom gom bit leu nok igyai munti nya.


Lewo Allah mibirop hanyen bak tungwatu nya yahagom bit leu nok igyai kepti nya.


Ma jikrau tunggwei jingonti au. Bit bon hi ris mun bak Allah kan bi. Jibiang njita kwei leu beisi bit leu ningan di jindim ei beisi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ