HOSEA 11:8 - ALLAH NIHYET MEM TUNGWATU NYA

⁸ tuhan pai “Je di mben Israel e, bit bon disindui sut je bidikes je ei kan bi. Mbro nok gino dibindei ba, mben Adma isar bingwig ba, dibibon mben Zeboim kinei lo, gino dibibon je nok gima ne gima dem dingon bi lewo dingondut je nindig bibor!

HOSEA 11:8 ပူးပေါင်းရင်းမြစ်များ

NITRITI 14:8

Lene nibou ndig ibou muhwi leu Sodom kin Gomora kin Adma kin Zeboim kin Bela injei siceu ei mbang briep ndig Sidim leu api ikon pran,

SAMUEL GI NICAN 24:16

Tirigi tuhan de malaikati di bindei nsuwer ajar hwen yo dima kwei krau Arauna di timiei minu ndig Yebus de ig gudan di illet gandum ninjep leu nisina bai kikep eisi ei minu ndig Yerusalem lene tuhan ngat lo, malaikati dima tin ei mem gima bindei sar timiei minu ndig dima cem ri. Lene Noni luei ningonti tut nikos tutti ba, kes ninda tut gi ba nsuwer ajar bihwen yo dima bipai bak malaikati dima “Dem tu! Akes hon hak ug!”

NIBOU NDIG NYA GI NIGOM 3:26

Apino ningwoi-ngwoi di niyaijo nipmem ngig-ngat hara ser “Andigpoi e, ma ayai nimai bak au! Nnaba ayai noni bak sop dima hak ug!” Noni pai nok lewo ngondut nipmot nindig bibor. Noro sop gi hi ce bipai “Mbro nok gino nahacem niyai ningwoi-ngwoi dima tut niyaisi hanyen bi lo, ma asra noni hacan hak ug!”

NIBOU NDIG NYA GI NICAN 13:23

Noro tuhan ngondut Nide limwa nya ba, kos ser igyai munti nya cem. Noni mpu yok bisindui sut ba, isar bi drek dip gi preu di Noni bon bak Abraham kin Ishak kin Yakub. tuhan bbwe ser Nide limwa nya bi sren kikau kwei bipek ammani kep.

NIBOHON MBEN ISRAEL GI NICAN 36:15

Idigup bat-idigai bat nya ide tuhan Allah pinak Nide nabi nya bingkwei-ngkwei nyen kep Nide limwa nya mem gima isok kep yok. Lewo tuhan ningon ngakei yok bitut Nide Ig cem.

MAZMUR 106:45

Allah yok ngon kep Nide nipreu ei mem yokti mem gima bimpu yok ba, ngondut yok lewo Nide ningon ngakei yokti nindig bibor.

YESAYA 16:11

Tirigi dingig diyai kep mun di cut igkep minu Moab kin minu ndig Kir-Heres lene dingon hara kot bidingon nnirwap cem tu.

YESAYA 63:15

Na di tuhan di agwam anai ei Ade ig di kwes-kwau ba, kei-kau-kei cem ei gwamti e, ma ayok ayai kep nye. Angon ngakeisi kin mimbri di kui angkekti kin angon nemti kin angondutti no ritou i? Ma aba angha bak nye bu au.

YEREMIA 18:8

apino mben dima ittin ser ide sisar leu api midiluei dingonti tut yok.

YEREMIA 3:12

tuhan cuk da ba, suar duug pai bak mben Israel “Je di mben Israel di jingon gom tut Da bi e, ma jingkwei hanyen ndam Da. Dingondut je nindig bibor ba, midigga je kikau bi.

YEREMIA 31:20

Na di Israel e, anok dipmot di dingondut kin dingon kieti kin dingon him cem. Bikwop mpe dino dikon dihyet kep na lene diyok ngon kep na ba, dingon ya mem na. Midiba ningon nggriu bibon na.

YEREMIA 42:10

‘Gino jijoi sut jigwam ei jitimieisi kikau ne midibindei timek je bi. Noro midahati tut je. Dibindei bijiya ngkiem kei bijitti bi. Dingon ngguk bibor tut gi dikes mun di buhun ei je dip tu.

YEREMIA 9:6

Nisibut tut yamti jo kep nisibut tut yamti ba, niris mun biyamti jo kep niris mun biyamti. Ibon kep nok gima bijo kikau ba, irok tuhan bibor ei cem.

YEREMIA 9:7

Gima rino tuhan Di Sindem Bibor pai “Midibingon Ditde limwa nya dem kep nok tukan di kwen ngkimom nitu leu binhyepo idem kep ngkimom nitu di pimbai kei. Mindei bu rima dibon bak Ditde limwa di ibon mun di kinei bibor dinok gima i?

NIBWOS-BWOS NYENTI 1:20

Na di tuhan o! Angig ayai kep da tut gi dingon bos-bos nyen cem dingon kku da cem dingon mbris cem tut gi dinjiriek cem tut danti diyai mun tunggwei angon kanti nya nipou pima cem o! Siceu igyai nimai bak tungwatu bidem simpak bou hagom ba, itot nindigsi nya ei ig bei nsi bimai su o!

NIBWOS-BWOS NYENTI 3:32

Niabiati Noni yai ninghuisi wei binye leu lene mingondut nyeni yo. Lewo Noni ba ningon ngakeisi di ug hon nohonti bi bingon ngakei nye kikau.

NIBWOS-BWOS NYENTI 3:33

Ningon ce tut mem gima sindui sut nye ba, itug ndei ninghuisi wei bi.

YEHEZKIEL 33:11

Ma apai biyok bipia deheng bitug hon Danti di tuhan Di Dinyeng Jei Bibor cem Allah di niyaijo cem dinyeng bipia dingon kei drek dip no di mbuk nitug midutti bi. Noro dijoi sut gino noni ttin ser nide sisar leu binhyepo hek tut niyaisi. Je di mben Israel e, ma jimbres jenti leu sisar hagom. Nggon rino jingon llei sut gi jitug ndei nimai i?

YEHEZKIEL 6:9

ibong ei ingkiaisi. Tirigi igwam ei ingkiaisi lene yoni migyok ngon kep Da bingon huk niti bipia dikes hukum ei yok dip ba, dibinim kep yok cem drek dip gi ingon gom tut Dani bi ba, iba inghim biDa lene iba kwar di ikuk yok bak nya biluei Da cem. Leu api ingon him wei sut yonti njem hanyen tut mun nyeng hagom di kinei bibor kin gi suwok bibor di ibon tu nya.

HOSEA 6:4

Noro tuhan pai “Je di mben Israel kin Yehuda nya e, dinggon ndei je i? Jingon di ngakei Da pren-pren nyen haninyai noyam kin bumbuhui kin nggou di pren mem njap tekti.

HOSEA 7:1

tuhan pai bu “Bikwop nituti di ditin ei mem dibindei ba, Ditde limwa Israel ingon kwes hanyen bidiyai nibong kei nigwam keisi hanyen biyok cem lene dingat ide mun di kinei bibor kin ide sisar di ibon nya he. Iris yam bipos ndigban leu tungwatu ei ide ig kin yo di igya-ya nyen kak simpak mem gima ipos ndiyok cem.

AMOS 4:11

Dibindei ba, jibihi jitug ndei nimai noyam kin mben Sodom kin Gomora di itug ndei nimai. Yo di ingwes ngun leu jikieti nya noyam kin no di nide bat iteu leu ig di hum yem. Mbro nok gima lo, jigingkwei hanyen ndam Da bi.

AMOS 7:3

Lene tuhan luei ningonti bipai “Mun di angat dima micut igkep yok bi.”

AMOS 7:6

Lene tuhan luei ningonti bipai “Mun di angat dima cem micut igkep yok bi.”

MIKHA 5:3

Mpe dino no di ninyeng jei dima kwei krau ne ninyeng mitak kep nide limwa nya tug hon nisindemti kin mimbri di kui ningkek di kwei leu tuhan di nide Allah Nongkom. Nide limwa nya ingon mijo nyahan lewo tungwatu dihyeisi dini hagom mikuk yok bak Nide ninyeng jeisi.

ZEFANYA 2:9

Da di tuhan diyaijo ba, dinyohou minu Israel de limwa nya. Gima rino midicok tut mben Moab kin Amon nya nipwoi leu ide minu noyam kin gi dicok tut minu ndig Sodom kin Gomora nya. Minu dima yok mimpung tut jui nsim bousi kin mpia ninggek sinsiousi di war nggig-nggwen com niti he nya. Ditde limwa niken-ken di ingwes ngun nya micut igkep timiei minu dima bipos ndigban leu yok bigyai dihyei di ide nya bigyati.”

MATIUS 23:37

“Ayo! Je di timiei minu ndig Yerusalem nya e, jikimukep nabi nya ba, jiba tig bihwen yo di Allah cuk yok kwei ndam je cem. Dipi bidinggriou jahagom bit leu nok kuke di kieng ninyehei gau nimien nya noro jikou sut Da.

NINDAT KEP TUHAN NICUKTI NYA 29:22

Ei nijam di nidipti bu lene jide nintun him di bram yam nya kin ngkiai nya leu minu ting nya mingat mun di buhun dima yok kin ninghuisi wei di tuhan bindei bihwen jide minu cem.

NINDAT KEP TUHAN NICUKTI NYA 29:23

Jide miaisi nya hagom mporo wer iggum ndigsi di belerang kin nsim ut kep. Dem mem ita mun eisi bi lene minta cem hei ei sirima bi. Jide minu midem kep minu ndig Sodom Gomora nya kin Adma Zeboim nya di tuhan bindei sar tirigi nigga biborti cig-cai.

NINDAT KEP TUHAN NICUKTI NYA 32:36

tuhan teu Nide limwa nya tirigi Noni ngat bipia isindem bi. Noni ngondut Nide awak nya tirigi Noni ngat bipia inghuisi jet.

PETRUS GI NICAN 2:6

Nok gima cem tut Sodom kin Gomora. Allah ba hum bidip tut minu cin dima nok bindo di bindo tut mun di micut igkep yo di isibut nya.

YUDAS 1:7

Ma jiyok ngon kep minu ndig Sodom kin Gomora kin minu mien di gahai nya. Lewo timiei minu dima yok igyai bram malaikati dima yok igyai kepti nya bicut tut yam. Pinai yonti icut tut yam ba, sop yonti icut tut yam apino yahagom itug ndei hukum ei hum njengti di bit bon hi mu kan bi. Ba, gima nok mun di bisok kep bijo nibreisi mem yo di yahagom.

NINGAT-HI-NGAT NYA 11:8

imai leu api ingut mijo sinsiou kak simpak ei minu ndig di ide Tuhan mai ei biei salibti nipou su. Minu ndig dima ninyeng nibiti nindati ne minu ndig Sodom kin Mesir.

NINGAT-HI-NGAT NYA 18:18

Tirigi ingat hum di yem minu ndig dima nimmup di brou lene iba ighyet nindig bibor bahara “Minu ndig hiter nok Babel di ninyeng jei dima bi sren o!”

NIJAM NIKEI NYA 10:16

Leu api icom kwar nya hagom. Leu lene ikuk yok bak Allah hanyen bu. Apino Allah ngig niyai kep yok bingat mun di buhun tak yoni lene ngondut yok.