HOSEA 11:7 - ALLAH NIHYET MEM TUNGWATU NYA

⁷ iba ingkek di ndok bikiek yoho ter leu Da cem. Gima rino yoni mitug ndei mun di buhun di micut igkep yok. Mbro nok gino yahara hiter mem gima kwei mpu yok lo, bit bon hi teu yok bingwes ngun kan bi.”

HOSEA 11:7 ပူးပေါင်းရင်းမြစ်များ

MAZMUR 81:11

Dani ne jide tuhan Allah di buwak je kwei leu minu Mesir ri. Gino jahara Da lene midiyai njita di jisuar bije bijiyem.

NIPINGOK NINGONTI 14:14

Yo di isibut nya mibiang ide nisibutti nibuhunti noro yo di ingon kwes kei mitug ndei imuhup drek dip igyai munti di kei bibor.

YESAYA 26:10

Mbro nok gino nibibon yo di isibut nok gi igbit lo, ingon dorti tut igyai munti di igbit nya bi. tuhan e, Ade nikos tutti di sren-srau mbut sindem ei minu dini noro yo dima ibon mun di kinei ba, ibikou sut Ade nisindemti.

YEREMIA 14:7

Ditde limwa nya yahara Da bipai ‘tuhan e, mbro nok gino nyeni ningon hukti tut nyende sisar lo, ma ampu nye bit leu nok apreu ei mem nye tu. Niba ninghim bak Nani mbirimang ba, nibon sisar tut Nani cem tu.

YEREMIA 2:19

Jide sisar mibindei ba, hukum cut igkep je. Jitug ndei nihwen bit jeti drek dip gi jikou sut Da di dinok jide Allah. Nogindini jitug ndei niwei kin nidut drek dip gi jiba jinghim bak Dani bijikon dinyeng bi. Da di tuhan dinok jide Allah Di Ninyeng Jei Bibor ba, Disindem Bibor cem disimbot dat tu.”

YEREMIA 3:11

Leu api tuhan pai bida bipia mbro nok gino mben Israel iba inghim bak Noni lo, ningat ne ide niyai munti nya kei njiriek timiei Yehuda nya di ingon gom tut Noni bi.

YEREMIA 7:25

Dipinak Ditde awak di nabi nya ndam je tirigi po jidigup bat-jidigai bat nya yehei leu minu Mesir pima kikau kwei bipek ammani kep.

YEREMIA 7:26

Noro jingig jitingou mem ighyet bijiyok ngon kep ide nicuk jeti nya bi. Jengkom dini jingkek ndok ba, jaham jimbuk kep Da nindig bibor dor njiriek jidigup bat-jidigai bat nya.”

YEREMIA 8:5

Nggon rino je di jinok Ditde limwa nya jikriek leu pui di nijit ba, jiba jinghim biDa bijo kikau i? Jikrau kep jide kwar nya di jikuk je bak bingkiem ba, jikou sut gi jingkwei hanyen ndam Da.

HOSEA 11:2

Noro tirigi dihig kikep yok ninyen lene ibimbut ninna leu Da leu api imbres yonti leu Da bikum eisi bu. Ditde limwa nya indig mindhe-ndhe ei nimbar hum dokti bak Baal bindig biei nggrai di ui-gwang kei bak kwar nya.

HOSEA 14:4

Bit bon tentara Asyur iteu nye biningwes ngun kan bi. Bit bon kuda pran cem mpu nye kan bi. Nipai bak kwar di nibon bou ninda him nya bipia inok nyende Allah rin bu bi sren. Na di tuhan e, angondut yo dino tungwatu hiter impu yok bi nya.”

HOSEA 4:16

Je di mben Israel e, jingkek ndok bibor! Notou midinyohou je ei abris nghousi nok domba nya i?”

HOSEA 7:16

Idor bit kwar di ikuk yok bak di mbun nisindemti hi bi sren dima yok bijo kikau nok. Idem kep hampiap di drot-drau ba, dem mem gima hi ba ningon com yok bi. Nibou di ide nya iba ingon di jei bimbrap. Gima rino yoni mitug ndei nimai tug hon singau simeda apino mben Mesir ipa ndip yok.”