HOSEA 11:2 - ALLAH NIHYET MEM TUNGWATU NYA

² Noro tirigi dihig kikep yok ninyen lene ibimbut ninna leu Da leu api imbres yonti leu Da bikum eisi bu. Ditde limwa nya indig mindhe-ndhe ei nimbar hum dokti bak Baal bindig biei nggrai di ui-gwang kei bak kwar nya.

HOSEA 11:2 ပူးပေါင်းရင်းမြစ်များ

NIBOU NDIG NYA GI NIGOM 12:33

Tirigi tto bou pima dem tu lene noni ug ei minu ndig Betel bibon midut nibiyok ngon kep njap ndig di noni kinyon eisi pima ei nimbar hum dokti mem mben Israel.

NIBOU NDIG NYA GI NIGOM 18:19

Nogindini ma anduk mben Israel yahagom ba, ikwei um da ei Nungug Karmel. Ma abuwak nabi Baal nya ibou sratus bitai ningot muhwi kin nabi Asyera ibou sratus bitai di nibou ndig sop Izebel hati tut yok nya cem yahagom kwei.”

NEHEMIA 9:30

Aba angon di jo nyahan sok kep yok bikwop ari bingwam hagom sindam ba, Ade Ninnei pingok ei ingonti tug hon nabi nya ighyet cem noro Ade limwa nya itingou nam ser. Gima rino asindui sut yok ba, icut bak tentara ngkiai.

YESAYA 65:7

drek dip ide sisar kin idigup bat-idigai bat nya ide sisar. Ibon mun kinei sut Da tug hon gi indig biei nggrai di ui-gwang kei bak ide kwar di ikuk yok bak kikau nya ei nungug tou di ide ig kwar yati nya. Midibuhup biyok bit leu ide nibon munti di ibon ei nijam gi nipou pini jug.”

YEREMIA 18:15

Noro Ditde limwa nya ingon prion ser Da leu api indig biei nggrai di ui-gwang kei bak kwar nya. Ikinoi kak puig timiei di suar imbut kak nya lene ite leu puig timiei nya ba, israwir kak puig di hi dime kep bisur yam bigyo cem tu.

YEREMIA 35:13

Da di tuhan Di Disindem Bibor di Allah Israel dicuk na ba, aug ngat timiei Yehuda kin minu ndig Yerusalem nya ba, atri tut disokti dini biyok. Da di tuhan dihig ser jeni “Nggon rino jigimiap dihyet ba, jigibit Ditde nicuk jeti nya bi i?

YEREMIA 44:5

Noro jikou sut gima jimiap kep dihyet. Jingig jitingou mem bi. Jikou sut gi jikes hon nibon midut di kinei bibor nya tug hon gi jinding mindhe-ndhe ei humti ba, jibikuk je bak kwar nya.

HOSEA 11:7

iba ingkek di ndok bikiek yoho ter leu Da cem. Gima rino yoni mitug ndei mun di buhun di micut igkep yok. Mbro nok gino yahara hiter mem gima kwei mpu yok lo, bit bon hi teu yok bingwes ngun kan bi.”

HOSEA 2:13

Midikes hukum ei noni dip bit leu njap ngwa hagom di noni ndig biei nggrai di ui-gwang kei bak Baal lene ba nide mas kin perak bimau nonti buhuk bram pinai di cut tut noni. Da di tuhan disimbot dat tu.”

HOSEA 4:13

Jindig mindhe-ndhe nya ei kwar nya ide nimbar hum dokti ei mbigdip nya. Jindig biei nggrai di ui-gwang kei ei biei ndig di nimeng nggrou nya nibehei lewo mpia dima bon mpia di mbum-bra. Apino jipmisop bat nya ibon yonti nok sop di ikrar jut nya lene jignyot bat nya ibon yonti nok sop di icut tut pinai nya ariwace.

HOSEA 4:17

Mben Israel iba yoho rok kwar nya ba, gima brim ingona. Jisindui sut yok ba, igyai igbit yonti ingon kanti.

ZAKHARIA 1:4

Ma jiyai kep jidigup bat-jidigai bat di nipou nya igyai kepti nya au. Nipou yo ne nabi nya itri tut dihyet bak yoni leu binhyepo imbuk bibor bibon sisar bu au. Noro igimiap kep dihyet ba, ice tut bibit bi.

ZAKHARIA 7:11

Noro Ditde limwa nya ingkek ndok ba, idat kep itingou ser leu ba, igimiap dihyet bi.

LUKAS 13:34

Ayo! Je di mben Yerusalem e, jikimukep nabi nya! Jiba tig bihwen yo di Allah cuk yok kwei ndam je! Dipi bidinggriou jahagom bit leu nok kuke di kieng ninyehei gau nimien nya noro jikou sut Da.

YOHANES 3:19

Noni tug ndei hukum bitig dino nipigati piga digai dihyeisi dini tu noro tungwatu nya ijoi sut nidinditi nindig dor njiriek nipigati lewo igyai munti nya hagom kinei bibor.

KISAH 7:51

Disut bat jen, jingkek ndok bibor! Nggruk bibor mem gima jibit Allah nihyet cem! Jitingou nam ser Allah nihyet! Jeni kin jide pung di jintun him nya jahagom jisrep tut Allah Ninnei ninno tu!

NIJAM NIKEI NYA 10:6

Jei bi lene mben Israel ibon sisar tut tuhan hanyen bu. Iba inghim bak tuhan nihyet lene ikuk yok bak bu bi. Noro ikuk yok bak kwar Baal kin Asytoret kin kwar di mben Siria kin Sidon kin Moab kin Amon kin Filistin ikuk yok bak nya.

NIJAM NIKEI NYA 2:13

Lewo ikuk yok biNoni bu bi lo, ikuk yok bak Baal kin Asytoret kin kwar nindigsi nya.

NIJAM NIKEI NYA 3:7

Jei bi lene mben Israel ibon sisar tut ide tuhan Allah. Ibbwe ser Noni apino ikuk yok bak kwar di inyeng Baal kin Asyera.