Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




HOSEA 10:7 - ALLAH NIHYET MEM TUNGWATU NYA

7 Minu ndig Samaria kin nibou ndig mitimek bingwig dem kep biei nnir gom ngat di minyei hwen.

အခန်းကိုကြည့်ပါ။ ကော်ပီ




HOSEA 10:7
9 ပူးပေါင်းရင်းမြစ်များ  

Nabot nyeng tut ba anggur nghousi di jo dideu Nibou Ndig Ahab de ig ei Yizreel.


Noro tuhan de malaikati cuk Nabi Elia di bong Tisbe bipia suar noni ug um yo di Nibou Ndig Ahazia cuk yok pima bihig ser yok, “Allah hi ningat rin ei minu Israel bi apino bitig dino juug hig ser kwar Baal-Zebub ei minu ndig Ekron leu binhyepo ndo igbit tut nibou ndig nibokti di buhun pima e?


Tirigi Nibou Ndig Yotam di Uzia nipmot ninyeng tak kep timiei Yehuda nya mem nijam ari bingwam nyatungwagom ba, can tu lene Hosea di Ela nipmot yok ningon gom bit nindigsi nya bigyai nimai bak Nibou Ndig Pekah leu api kui bigwam nok nibou ndig biya luei nohoti.


Noro mpe di gom bu ne Hosea cuk tungwatu nya biyuug ngat So di nok nibou ndig mem mben Mesir leu binhyepo kwei bahati tut noni. Mpe dima cem Hosea kes ninda tut gima go kep belasten bak minu Asyur. Tirigi Salmaneser kan tut Hosea niyai munti dima lene kat noni ba, bindei coi ug ei ig bui nsi.


Timiei minu ndig Betel e, mun di buhun dima micut igkep je drek dip mun di kinei nindig bibor di jibon nya. Tirigi ikon pran bit yam mem mpia nipriti rino jide nibou ndig mitug ndei nimai.”


Jei bi ne yoni mipai biyam “Ide nibou ndig hi ninyeng tak kep nye bi drek dip nittin tut Allah bi rin. Apo gi nibou ndig gom di ninyeng tak kep nye dima bon ninyeng mem nye e?”


Siceu nya migya kep ig ngot di ingot ei mbigdip Betel di nok mpia di mem ide kwar di mben Israel ikuk yok bak eisi bingwig. Ndia nggwen kin mintu-minta mehei ei nimbar hum dok di ideti. Leu api limwa nya yahara bak nungug nya “Ma jiprioi kep nye o!” Lene yahara bak mbigdip nya “Ma jitti hwen nye o!”


Diba dingon di sibui bindo jide nibou ndig nya leu api diba Ditde nigga biborti bipos yok bingwig hanyen leu je.”


Yo dini inok muk di tti nindig bibor. Ingut kanti di kinei di srou yok noyam kin muk nirai di roi-roi nyen. Inok ham di tte leu nipuig ei mpia-bbed him. Allah tin ei mpia ttou nsi di dindi-kai gom di jo ninno bijo kikau mem yok tu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ