HOSEA 10:2 - ALLAH NIHYET MEM TUNGWATU NYA

² Nogindini suar yo di ingon sren bi dima ibiang ide sisar di ibon nya nibuhunti. Allah mibindei timek nimbar hum dok di ide nya binjei cou tig nibiyok ngon kep ide kwar di ikuk yok bak bitti ningwig yon.

HOSEA 10:2 ပူးပေါင်းရင်းမြစ်များ

NIBOU NDIG NYA GI NIGOM 18:21

Lene Elia ya ei tungwatu pima yok yahagom yoho bei bipai biyok “Jikrau kep jingon canti kikau mem nijam pig bu i? Gino tuhan ne Allah nijit rin lene ma jikuk je bak! Gino Baal ne allah nijit rin lene ma jikuk je bak!” Noro tungwatu pima yok ibuhup bi.

NEHEI LEUSI 23:24

Ma jikuk je bak yo dima ide kwar nya di inyohou yo dima ba, jinggei sut yok au. Tirigi yo dima ibon midut lene jiyai bram igyai kepti nya au. Ma jinggek ide kwar di ikuk yok bak nya ba, jitam hagom binnir-wap lene jinggek ide cou tig nya di ipigig ser bikuk yok bak cem.

NIPINGOK NINGONTI 11:18

No di sibut mitug ndei nimuhup nitrowai. Gino abon mun di igbit ne amuhup di kei-kau mitau bina.

YESAYA 44:18

Yo di igyai nok gima ingkek ndok bibor! Imut igyai ba, ingon ndok ser lewo ingon hukti tut mun di igyai dima haigtu bi.

YEREMIA 43:13

Noni mibindei tig mma di mben Mesir itas pijum bikuk yok bak nya ei Heliopolis bindung-ndiem. Ningat ne noni mindig ig kwar ngot di mben Mesir ide hagom bitimek.”

YEHEZKIEL 14:5

Kwar di ikuk yok bak dima mbres Ditde limwa nya ei minu ting leu Da tu. Noro mpaba dibuhupti dima bindei ba, Ditde limwa nya mingkwei hanyen ndam Da.”

HOSEA 12:11

Dimbrap bit nabi nya ba, diyai ningat-hi-ngat mang bibor biyok. Ditri tut dingon kanti di ditin ei mem je di jinok Ditde limwa nya tug hon nabi dima yok.

HOSEA 3:4

Nok gima cem tut mben Israel. Suar ibet ingon wer ninno mem nijam di ibon ide nibou ndig kin no di bie tut yok ba, ibindei mbut ide midut nya cem bi. Ide cou tig di mindur nya kin ide kwar nya kin ide nung nya di imbot kep mimun tut nidipti bu biyok jo biyok bu bi cem.

HOSEA 7:8

tuhan pai “Mben Israel idem kep roti nindak gom di nikang roti cig kang lo, nite hi mui lene nite hi ngun lewo igyok ingon mem ngkiai di ibong ttai yok nya ikwei mpu yok.

IMAM NYA IDE MIDYAI 26:30

Lene midicok tut mpia di jikuk je kikep bak mun di mipror yon eisi nya di jo bidem mbigdip nya ba, midinggek jide nimbar di jindig kep biei nggrai di ui-gwang kei kikep eisi ba, midicom jide nimai ngut nya ei jide kwar di tti tu pima yok dip cem. Midiba ningon him wei,

MIKHA 5:13

Midiwim jide cou biei di jipigig sut ei mem kwar Asyera di jo bidem jide minu bidibindei ba, jide minu ndig di bon tentara nibousi di igya coi nya timek bingwig.

ZEFANYA 1:5

Midicok tut yo di ikui ug ei ig bou ninjek dip leu binhyepo ikuk yok bak mpia yaisi kin bed mmun kin ham mpia-bbed him nya yahagom poi hak. Midicok tut yo di ikuk yok biDa di iba neheng pai bipia ingon gom tut Da lo, yeheng bitug hon kwar Milkom ninyeng dima hak ug.

ZAKHARIA 13:2

Njap dima dem ne mididip tut kwar di ikuk yok bak nya inyeng leu dihyei dini leu binhyepo hi dima miyok ngon kep ninyeng dima bu bi. Midijji yo di ikon yonti inyeng binok nabi nitrowai nya kin yo di ninnei di kinei ya ingonti nya yahagom.

MATIUS 6:24

“Bit bon tungwagom bon nonti nok awak mem niceu bat nya ibou can kan bi. Lewo miningon mpo tut hi lene miningon gom tut hi. Noni miba nijoi biborti biyai midyai mem hi lene ba ninghen biyai midyai mem hi. Bit bon jinok awak mem Allah kin ndigban di mipror yon cem kan bi.

LUKAS 16:13

Bit bon tungwagom bon nonti nok awak mem niceu bat nya ibou can kan bi. Leu mporo ningon mpo tut hi lo, ningon gom tut hi. Noni miba nijoi biyai midyai mem hi lo, ba ninghen biyai midyai mem hi. Bit bon jinok awak mem Allah kin ndigban di mipror yon cem kan bi.”

YAKOBUS 1:8

Lewo ningon di nddong bi biyai ningon di nggek-nggek nyen tut niyai munti nya hagom.

YAKOBUS 4:4

Mei! Jingon gom tut Allah bi. Jikan tut bipia yo di inggre kin mun di pror yon ei dihyeisi dini iba nitok bak Allah bi e? Tungwa tou rino nggre kin mun di pror yon ei dihyeisi dini lene noni ba nitok bak Allah.

YOHANES GI NIGOM 2:15

Ma jiba joho rok dihyeisi dini tut mun di joti nya au. No di ba noho rok dihyeisi dini ningon ngakei Allah bi.

SAMUEL GI NIGOM 5:4

Njap di hyep bu lene idem yam mem gwam ntuisi bingat lo, kwar Dagon tti ei dihyeisi ei Brua dima nimig him hanyen tu. Noro tini bu ne Dagon nibou kin ninda hacem dahat leu su ba, jo keyam ei dimbou huigya. Lene kwar nititnon jo ter. (