HOSEA 10:14 - ALLAH NIHYET MEM TUNGWATU NYA

¹⁴ apino pran cut igkep jide limwa nya ug a. Siceu nya migya kep jide tentara nibousi di jiya coi nya hagom bibindei ba, timek bingwig. Gima noyam kin mpe di Nibou Ndig Salman bindei sar minu ndig Bet-Arbel ei pranti. Mpe dima lene noni co kep munggwom nya kin ipmem bat nya binem-nnai hak.

HOSEA 10:14 ပူးပေါင်းရင်းမြစ်များ

NITRITI 32:11

Ma ateu da bidingwes ngun leu dikindig Esau ninda nsi lewo dittin tut noni. Leu ma noni mikwei ya kep bihwen nahagom bitut sop nya kin munggwom nya cem ug rin e?

NIBOU NDIG NYA GI NICAN 17:16

Lene igyai mun tunggwei ide tuhan Allah nicuk yokti nya hagom. Iba ngkimom-tembaga di indig bijet bibon kwar sapi ningut can bikuk yok bak ba, ibon kwar nisop Asyera cem ikuk yok bak ham mpia-bbed him nya ba, ikuk yok bak kwar Baal cem hagom.

NIBOU NDIG NYA GI NICAN 17:3

Salmaneser di nok nibou ndig mem mben Asyur kon pran bit nibou ndig Hosea ba, bindei timek noni. Noni cuk Hosea bigo belasten bak noni bikwop ari bingwam hagom.

NIBOU NDIG NYA GI NICAN 18:33

Mben ngkiai ide kwar di ikuk yok bak nya hi teu yok bingwes ngun leu dindati tu e?

YESAYA 17:3

Mben Israel ide tentara nibousi di igya coi nya mipror hak ug ba, minu ndig Damsyik de niya binontiti mipror leu noni. Mben Siria di ingwes ngun nya igyaijo ei niwer nikinei-kinauti noyam kin mben Israel. Da di tuhan Di Dinyeng Jei Bibor disimbot dat tu.”

YESAYA 33:14

Mben Sion di ibon sisar nya inghuisi mpig sut ba, ittin bibor. Ipai “Allah nikos tutti nya noyam kin hum di cig-cai bijo ninno bijo kikau. Bit bon ingwes ngun leu hum di cig-cai nok gima kan bi.”

YEREMIA 13:14

Leu api diba yok bibui yam nyen. Midingon nggriu sut ndigpoi nya kin pilei nya bi sren. Midibindei sar yok lewo dingon nem tut yok ba, dingondut yok cem bi. Da di tuhan disimbot dat tu.”

YEREMIA 48:41

Yo dima migyai minu Moab kin tentara nibousi di igya coi nya bigyati. Tentara Moab nya mittin bibor noyam kin sop di sindi ninghim dut bigwam tut munggwom.

HOSEA 10:15

Timiei minu ndig Betel e, mun di buhun dima micut igkep je drek dip mun di kinei nindig bibor di jibon nya. Tirigi ikon pran bit yam mem mpia nipriti rino jide nibou ndig mitug ndei nimai.”

AMOS 3:14

Njap dino dikes hukum ei mben Israel dip drek dip ide sisar ne midinggek nimbar hum dok nya ei minu ndig Betel. Midibindei ba, nimbar hum ndok ninggai di tug bidem nimbar hum dok nuhuisi nya hagom micut ug ei dihyeisi.

AMOS 3:8

Gino singa yau-yau nyen ne tou rima ningwes mba bi i? Gino tuhan Di Ninyeng Jei Bibor mbrap ne tou rima ba nibou coi bitri tut nihyet dima hanyen bi i?

AMOS 9:5

tuhan Di Ninyeng Jei Bibor ba, Sindem Bibor cem ngget dihyeisi dini bibindei ba, ugwa-kwei lene biyai ba, timiei dihyeisi dini yahagom ingon buhun bibor. Dihyeisi dini titut yam dwoi bisri hanyen noyam kin Minyei Nil di dwoi lene sri hanyen.

MIKHA 5:11

Midibindei ba, jide seig ut nya cem timek bingwig leu api midijji jide nung nya ningwig leu je.

NAHUM 3:10

Mbro nok gima lo, siceu nya ikat timiei minu ndig pmem Tebe bibindei ba, isima ei ingkiaisi. Ibui nimunggwom bat nya bimai bidem simpak nahau yamti hagom. Iba lante biteu nibou di inyeng jei nya yahagom ba, iko bibinggok tut leu api ikwas yo dima tut yam biyuubon yok nok awak.

NAHUM 3:12

Ade tentara nibousi di igya coi nya hagom midem kep biei ara di mpung tut ningat di nggwop nya. Gino ikit biei dima ne ningat llet ei yo di ijoi sut igyem nya insi.

HABAKUK 1:10

Tentara Babel iba ighyet bicig nibou ndig nya lene iba yo di inyeng jei nya bikek. Ingwes pri gau bikwop minu ndig di bon tentara nibousi ser yo dima yahagom ikweisi. Tentara dima yok iroi dihyei keyam bikui sur ngug tig nya lene ikui bibindei minu ndig dima timek bingwig.