HOSEA 10:12 - ALLAH NIHYET MEM TUNGWATU NYA

¹² Dipai ‘Mben Israel e, ma jiyai miai nijep mem jenti lene ma jindim ningan ningon srenti eisi. Ma jipuk ningat di kei di ntun him jide ningon di ngakei Dati di nijit a. Lewo njap dem mem gima jingkwei hanyen ndam Da di jide tuhan tu. Leu api midikwei bidinjei Ditde mun di kei bije.’

HOSEA 10:12 ပူးပေါင်းရင်းမြစ်များ

MAZMUR 105:4

Jahara Noni apino Noni misindem tut je. Ma jikuk je biNoni bijo ninno bijo kikau.

MAZMUR 72:6

Asindui sut ba, nibou ndig ninyeng tak kepti noyam kin mpia di but kep miai nya kin biget di mbras kep susti.

NIPINGOK NINGONTI 11:18

No di sibut mitug ndei nimuhup nitrowai. Gino abon mun di igbit ne amuhup di kei-kau mitau bina.

NIPINGOK NINGONTI 18:21

Idweb sindem mem gima nyohou ide niyaijoti lene, bindei ide niyaijoti kinei cem. Suar tungwatu nya ibiang ipai munti nya nibuhunti.

NIBA NINGON SRIP HUKTI 11:6

Ma jindim ningan mem njap bigyoti lene ma jikes hon mem mmunti au. Lewo bit bon ikan bidem tut gi hi di nnum kei kin gi hi di ngoi-nga kan bi. Mpaba hacem hei kin gi gohou kei.

YESAYA 30:23

Gino jigimahap ningan ne tuhan mipinak biget kwei leu binhyepo ningan dima hei ba, jibiyai ningat di mpung-pias hagau. Minta iggum ndigsi di ug ninno di nimeng ngun-ngau mijo mem jide mindhe-ndhe nimuhup tu di jihyen kep nya.

YESAYA 31:1

Yo di iba ingon com mben Mesir mem gima impu yok mitimek bingwig! Iba ingon com mben Mesir ide tentara nitu kin ide tentara di ibri kuda pran kin ide kuda pran di isindem kin ide kroba pran di sindem bibor. Noro iba ingon com tuhan di nok mben Israel ide Allah di kwes-kwau ba, yahara Noni mem gima mpu yok bi.

YESAYA 44:3

Midisiber minyei ug ei dihyei ningga biborti leu api midibindei ba, minyei nya biam ei iggum ndigsi. Midiyai nisindemti bak jimunggwom bat nya ba, midinjei mun di kei bak jide nintun him yamti di bram yam nya.

YESAYA 45:8

Tirigi ahwen ade siceu nya bitimek bingwig lene gima noyam kin biget di mbras kwei leu mpia-bbed him lene dihyei dini cigit ba, bindei hei ningon sren-srausi kin nibong kei nigwam keisi bikui mpia tereu nok dihyei ninnumti kin nitou nikiengti. Da di tuhan dibindei ba, mun dini hagom mipek kep.”

YESAYA 48:18

Mijiyok ngon kep Ditde nicuk jeti nya ug ma jide nibong kei nigwam keisi midem kep minyei di pingge bi. Ba, jide ninggei-hi-nggeisi midem kep muk ngei di roi ei ningeisi di kes hon bi sren cem.

YESAYA 5:6

Disindui sut ba anggur dima ba, mintu-minta mijei gau hagom. Dipe nimeng bidohom minta leu bu bi. Noro disindui sut ba, cibou nggwen kin tigau nggwen ceu hagom. Dicuon ser bumbuhui nhyema kwei sut biget ba, but eisi bu bi.”

YESAYA 54:14

Midiwin ade minu ei tig nikiou di ninyeng rino ningon sren-srausi dip ba, mun di cut igkep je kin yo di ico kep je mibong ei minu ting bibor.

YESAYA 55:6

Ma jingkwei hanyen ndam tuhan lewo Noni bon nikwesti mem je ba, jingat nadi bak Noni lewo Noni dideu je.

YEREMIA 50:4

tuhan pai “Mpe dima lene mben Israel kin Yehuda yahagom iba nipim bittei yam kwei binggok ide Allah di Dani.

YEHEZKIEL 34:26

Midinjei mun di kei bak yoni bidisindui sut ba, ibong ttai Ditde mbigdip di kwes-kwau. Tirigi isuar biget ne midibindei ba, mpia but mem yok ei minu dip dima.

HOSEA 12:6

Allah dima ne tuhan Di Ninyeng Jei Bibor ri. Ninyeng rino tuhan. Suar tungwatu nya ikuk yok biNoni tug hon ninyeng tuhan dima.

HOSEA 14:1

Midikes hukum ei mben Samaria dip drek dip gi ikiek imig jou tut Da. Timiei minu dima ikon pran noro mitug ndei nimai. Ide siceu nye minjei ningwoi-ngwoi nya hagom ug ei pimbien behei bimai leu lene iriu sop di inghop tu nya yahagom ba, inghop tigwau bitau ug.”

HOSEA 6:3

Gima rino ma jikwei ba, ita ibou ei gi ingon jo kep Noni hanyen. Noni mittau kep nye hanyen noyam kin mpia di com mem njap tekti kin biget di but kwei ei dihyeisi dini mem bed di biang biget ningwigsi.”

HOSEA 8:7

Tirigi Ditde limwa nya igimahap ningan hou he ne yoni mipuk ningat hou sigau ri! Ide miai gandum len bi. Ba, gima bindei ba, igyai tepun mem ide njita cem bi. Noro tirigi miai dima len leu api ngkiai nya mikwei yem tepun dima bingwig leu yok.

AMOS 5:15

Suar jingon mpo tut mun di mbuk bibor bijingon ngakei mun di kei bibor. Suar jahati tut nikei nikos tutti di sren kei nya. Mpaba tuhan mingondut mben Israel nindigsi di imai bigyo drek dip jiyai munti dima e?

AMOS 5:4

tuhan pai bak mben Israel “Ma jingkwei hanyen ndam Da leu api mijiyai niyaijo.

AMOS 5:6

Ma jingkwei hanyen ndam tuhan leu binhyepo jiyai niyaijo. Gino jingkwei hanyen ndam Noni bi ne Noni mijuk kwei noyam kin hum di cig-cai biyem mben Israel bingwig. Bit bon timiei minu ndig Betel nya imu hum dima kan bi.

AMOS 5:8

tuhan Nonti rino pai tes ham Kartika kin Belantik ei mpia-bbed him. Noni bindei ba, nidinditi luei nitta binok nipigati hanyen leu api ninjapti luei nitta binok mmun hanyen bu. Noni tau muk ngei bisiber ug ei mam bei. Ninyeng rino tuhan.

LUKAS 13:24

“Ma jigruap mem gima jicoi kak dimbou hui di kom lewo tungwatu nya imang bibor igruap mem gima icoi kak dimbou hui di kom noro bit bon icoi bi.

KISAH 2:18

Miduhug Dinnei bikwop ei Ditde awak pinai nya kin sop nya ingonti ei nijam ningwig honti dima apino itri tut dihyet bak tungwatu nya.

KORINTUS GI NICAN 9:10

Allah tin ei njita ngan mem no di yai miai kin njita di igyem cem. Noni mitin ei njita ngan di jisuar mem jide miai ngoisi hagom cem leu api mibindei ba, ningat mang bibor ntun him. Tug hon nisinati dima ne Noni bindei ba, ningat mang bibor ntun jide ningondut yamti him.

YAKOBUS 3:18

Yo di ingon ngakei nibong kei-nigwam kei ne indim ningan ningon kwes kin yamti kin ningat di kei ntun.