HOSEA 1:7 - ALLAH NIHYET MEM TUNGWATU NYA

⁷ Noro dingondut mben Yehuda kikau. Da di tuhan dinok ide Allah. Tirigi ikon pran bit ide siceu nya lene miditeu yok bingwes ngun leu yok lo, tug hon simeda kin tibor kin kuda pran kin tentara di ibri kuda nya bi.”

HOSEA 1:7 ပူးပေါင်းရင်းမြစ်များ

NIBOU NDIG NYA GI NICAN 19:29

Lene Yesaya pai bak nibou ndig Hizkia “Mun di bindo tut nipek kep mem jeti dima hagom rinok gini. Ari bingwam dini kin ari bingwam di nidipti bu mijikos gandum sisron kwei nok njita mem je. Noro hon kep ari bingwam niningai kui mijiyai miai gandum leu api mijikos gandum nitu kwei leu jide beisi nya ba, jita ba anggur kioi leu api jipuk ba anggur ningat ri.

NIBOU NDIG NYA GI NICAN 19:34

Midicuon ser minu dini niyaisi bidiya ser jide siceu nya cem. Tug hon nisinati dima lene tungwatu nya mikuk yok biDa. Mun po dipreu ei mem Ditde awak di Daud pima mipek kep mem je.”

NIBOU NDIG NYA GI NICAN 19:35

Himmun dima ne tuhan de malaikati gom kwei ya bidem tentara Asyur ide prak meng yati bihwen ibou sribu sratus ningot muhwindaningai sribu muhwi ba, imai. Njap dihyep bu lene nimbiam nya jo sinsiou bidem mpia dima hagom.

NIBOU NDIG NYA GI NICAN 6:18

Tirigi tentara Siria sindi ihwen minu dima lene Elisa ngat nadi bipai “tuhan e, ma abindei ba, tentara dima yok yahagom igyai tu!” Lene tuhan buhup nihyet bibindei ba, yahagom igyai tu.

MAZMUR 33:16

Nibou ndig bindei timek nide siceu nya bingwig tug hon nide tentara ide nisindemti bi. Bit bon nikon kep pran cig hwen nide siceu tug hon nide nisindemti cem bi.

MAZMUR 44:7

Lewo diba dingon com ditde hampiap ba, ditde singau simeda teu da bidingwes ngun cem bi.

NEHEI LEUSI 14:13

Lene Musa buhup “Jidigit tut au! Ma jingon nddong hak ug! Mbigom mijingat notou tuhan miteu je bijingwes ngun bou jiyai him ug ri. Nogindini jingat mben Mesir dima noro jei bi ne mijingat yok bu bi sren.

NEHEI LEUSI 14:30

Njap dima ne tuhan teu mben Israel leu mben Mesir indati leu api ingat nimbiam mben Mesir nya yahagom ingut di kwei piar ei minyei nipimat.

YESAYA 12:2

Ningat ne Allah ne No di teu da di dingwes ngun rin ba, diba dingon com Noni. Digittin bi lewo Noni sindem tut da. No di teu da di dingwes ngun rino Allah ba. Midipai doia bak.

YESAYA 30:18

Mbro nok gima lo, tuhan mem kep ser nituti tirigi Noni ngondut je. Noni tin ei mem gima singat tut je lewo Noni ne tuhan di bon mun di igbit. Yo di iba ingon com Noni igyai ingon di nggei-hi-nggei.

YESAYA 49:6

Noni pai bida, “Ditde awak e, midindo midyai nindig bibor bu bina leu binhyepo akinyon eisi. Abindei ba, yo di intun Yakub him nindigsi nya mingkwei hanyen ndam Dani ba, apui ahyet tut keret Israel nya ide ninyeng jeisi he bi. Noro midibindei ba, ade nipigati piga digai ngkiai nya leu binhyepo yahagom igyai gi teu leu sisar kin niyaijo nijep.”

YESAYA 7:14

Nogindini tuhan Nonti mindo bindo di bitto mem je. Sop gwam nitta pilei gom di nghop tu misrek tut nipmot leu api jem ninyeng Imanuel.

YEREMIA 25:5

Nabi dima yok icuk je leu binhyepo jikes hon jiyaijoti di kinei bibor kin jibon munti di sisar ntun him leu binhyepo jibong kikau ei minu di tuhan yai bijeni kin jidigup bat-jidigai bat nya nok jide minu ninda rom dini.

YEREMIA 25:6

Nabi dima yok icuon ser je leu binhyepo jikuk je bak ngkiai nya ide nung nya bi. Iggai ser je leu binhyepo jikuk je bak kwar di jibon bou jinda him nya cem au. Lewo jiyai munti dima bibon tuhan niggati. Gino jibit tuhan nicukti dima lene Noni kes hukum ei jeni dip bi.

YEREMIA 33:26

nok gima cem midikrau kep Ditde nipreu eisi mem yo di intun Yakub him kin Ditde awak di Daud bijo kikau. Didimig tungwagom leu yo di intun Daud him sindam ba, ninyeng mitak kep yo di intun Abraham kin Ishak kin Yakub him. Midingondut Ditde limwa nya bidibindei ba, ibong kei igwam kei hanyen bu.”

HOSEA 1:8

Tirigi nipmisop kes do bidut bu bi lene ditnem nghop hanyen bisrek tut nipmot gom kin bu.

ZAKHARIA 4:6

Malaikati dima cuk da bidipai sut tuhan nisokti dini bak Zerubabel. “Bit bon agiyai mun bipek kep tug hon tentara nya ide nisindemti kin nanti ade nisindemti cem kan bi. Noro tug hon Dinnei he.

SAMUEL GI NIGOM 17:47

Lene yo di ingat rin ei mpia dini mingat bipia tuhan suar simeda kin micim nya leu binhyepo biteu nide limwa nya bingwes ngun bi. Nongkom kos tut ningon kanti mem pran dini leu api mikes je ei nyeni nindati ug ri.”