HOSEA 1:4 - ALLAH NIHYET MEM TUNGWATU NYA

⁴ lene tuhan pai bida “Ma ajem ninyeng Yizreel lewo jei bi ne midikes hukum ei nibou ndig Israel dip drek dip nidigup Yehu de mun di yai tunggwei tirigi noni hwen tungwatu nya ei minu ndig Yizreel. Dikos dat bipia midibindei ba, yo di intun Yehu him yahagom imai bingwig.

HOSEA 1:4 ပူးပေါင်းရင်းမြစ်များ

NIBOU NDIG NYA GI NICAN 10:1

Mpe dima lene Ahab nignyon bat nya ibou ningot muhwindacan ibong ei minu ndig Samaria. Gima rino Yehu pinak srat gom bak ndigpoi nya di inyohou Ahab nignyon bat dima yok cem bak yo di inyeng jei kin nibou di ibie tut limwa nya yahagom ei minu ndig Samaria cem. Srat dima nibimbiti nok gini,

NIBOU NDIG NYA GI NICAN 10:17

Tirigi yuug krau Samaria lene Yehu yai nimai bak Ahab nide bat nya yahagom ba, hi di ningwes ngun bi. Mun dima cut igkep Ahab nide bat nya dem igbit mun di tuhan pai bak Elia nipou su.

NIBOU NDIG NYA GI NICAN 15:29

Lene Tiglat-Pileser di nok nibou ndig mem mben Asyur njei ba, hwen minu ndig Iyon kin Abel-Bet-Maakha kin Yanoah kin Kedes kin Hazor kin hanjop Gilead kin Galilea kin Naftali cem hagom mem nijam di Pekah ninyeng tak kep mben Israel. Tiglat-Pileser kat timiei nya yahagom bikri yok hanyen ug ei minu Asyur bisima.

NIBOU NDIG NYA GI NICAN 15:8

Tirigi Nibou Ndig Uzia ninyeng tak kep timiei Yehuda nya mem nijam ari bingwam ningot ningai ba, muhwindaningai tu lene Zakharia di Yerobeam Nican nipmot kui bigwam nok nibou ndig mem mben Israel. Noni bong ei Samaria ba, ninyeng tak kep limwa nya mem nijam bed muhwindagom.

YESAYA 7:14

Nogindini tuhan Nonti mindo bindo di bitto mem je. Sop gwam nitta pilei gom di nghop tu misrek tut nipmot leu api jem ninyeng Imanuel.

YESAYA 8:3

Lo bi lene bed poi bu ditnem nghop. Mpe dino srek tut nipmot lene tuhan pai bida “Ajem apmot ninyeng ‘Nibrim Kep Mun Sinti Cig’ kin ‘Nipos Kep Mun Haninyai Cig.’

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

YEREMIA 20:3

Njap di hyep bu tirigi Pasyhur bindei ba, ikes da leu biei ner di ibikibi kep dimig bidiya-ya nyen lene dipai binoni “tuhan mijem anyeng Pasyhur bu bi noro mijem anyeng ‘Ningon Ttin Bibor Binggi Minu.’

YEREMIA 3:8

Timiei Yehuda nya ingat bipia dikou sut mben Israel di inok sop di ba ningon com Da bu bi. Dibon srat nikou sut yam bidiyai biyok lene dibikes yok drek dip gi icut ei sisar niyem njita tut sop hiterti tu. Noro timiei Yehuda nya ittin tut gima bi ba, yoni cem yuug cut ei sisar di kinei dimati bram bu.

YEHEZKIEL 23:10

Mben Asyur iba yo yai noni bijuk sinsun leu noni apino ya tut nijou hangwangti. Leu api iba singau simeda biyai nimai bak lene ibipos nimunggwom bat nya cem. Niyai munti dima bindei ba, nimpung sop nya ipui kep ninghapti tirima-tirima.

YEHEZKIEL 23:31

Ayai bram akindig niyai kepti. Gima rino midikes hukum ei nani dip noyam kin hukum di dikes ei akindig dip.”

HOSEA 1:6

Jei bi lene Gomer srek tut nipmisop ba, nok nimunggwom gom kin bu. Leu api tuhan pai bida “Ma ajem ninyeng ‘No Di Hi Ngondut Bi’ lewo dingondut mben Israel bidikos ser ide sisar bu bi.

HOSEA 1:9

tuhan pai bida “Ma ajem ninyeng ‘Ditde Limwa Bi’ lewo dihig mben Israel nok Ditde limwa nya bi lene dinok ide Allah bu bi.”

HOSEA 2:13

Midikes hukum ei noni dip bit leu njap ngwa hagom di noni ndig biei nggrai di ui-gwang kei bak Baal lene ba nide mas kin perak bimau nonti buhuk bram pinai di cut tut noni. Da di tuhan disimbot dat tu.”

HOSEA 2:22

Midibindei ba, mpia but leu mpia-bbed him ug ei dihyeisi mu leu binhyepo gandum kin ba anggur kin mini zaitun ngat ningat nindig bibor.

HOSEA 9:17

Allah di diyai midyai mem mirok Nide limwa nya ei drek dip gi ikou sut ingig itingou mem nihyet. Yoni mimbut bibong-bong wai bidem dihyeisi dini bisrig ngkiai nya ikieti.

AMOS 9:8

Da di tuhan Di Dinyeng Jei Bibor diyok diyai kep je di mben Israel di jibon sisar leu api midibindei ba, jitimek bijingwig leu dihyei njek dip. Noro dibindei ba, yo di intun Yakub him yahagom imai bingwig bi. Da di tuhan disimbot dat tu.

MATIUS 1:21

Noni misrek tut munggwom nipinai leu api ma ajem ninyeng Yesus lewo Noni miteu Nide limwa nya leu ide sisar biyai niyaijo nijep biyok.”

LUKAS 1:13

Noro malaikati dima pai bak “Zakharia e, ma angon digit tut au! Allah miap ade nadi tu. Gima rino atnem Elisabet misrek tut munggwom pinai. Suar ajem ninyeng Yohanes.

LUKAS 1:31

Mporo anghop ba, asrek tut amunggwom nipinai lene suar ajem ninyeng Yesus.

LUKAS 1:63

Noni ba ninda ngon biyok bigyai tig pas binoni leu api pas “Ninyeng rino Yohanes.” Yahagom inggap leu tut nindig bibor.

YOHANES 1:42

Leu api noni buwak Simon bikwei ngat Yesus. Yesus ngig niyai kep Simon lene pai bak “Anyeng Simon ba, acig ninyeng Yona. Noro hon kep ammani kui ne ijem anyeng Kefas bu.” (Ninyeng Kefas noyam kin ninyeng Petrus ba, ndo tut nungug tigya.)

YOSUA 19:18

Bitut minu ndig Yizreel kin Khesulot kin Sunem kin Hafaraim kin Sion kin Anaharat kin Rabit kin Kisyon kin Ebes kin Remet kin En-Ganim kin En-Hada kin Bet-Pazes. Minu ndig dini yok hagom jo ei ide dihyei hanjop nsi.