HAGAI 2:7 - ALLAH NIHYET MEM TUNGWATU NYA

⁷ Midibindei ba, ngkiai nya yahagom ide minu ugwa-kwei leu api ittei ndigban di ide nya hagom kwei ei minu ndig dini leu binhyepo Ditde Ig mpung tut ide mun di inyeng tut nya hagom.

HAGAI 2:7 ပူးပေါင်းရင်းမြစ်များ

NITRITI 22:18

Mben dihyeisi dini hagom mporo mijoi sut gima dinjei mun di kei bak yoni bit leu nok dinjei mun di kei bak ade nintun him yamti di bram yam nya drek dip gi abit Ditde nicuk nati tu pima.”

NITRITI 3:15

Midibindei ba, na di wou kin no di sop jiba nitok biyam apino yo di intun nani him kin yo di intun no di sop him miba nitok biyam bu kikau. Nipmot mporo mitam abou ngwak lene mporo nani ma aham imig kien.”

NITRITI 49:10

Yehuda mikrau nibou ndig de tom ei nindati ba, nide nintun him yamti di bram yam nya inyeng tak kep ide limwa nya bijo ninno. Mben nya migo belasten binoni bikuk yok ba, iba ingwak bikik mpia ei noho bei.

NIBOU NDIG NYA GI NIGOM 8:10

Tirigi imam nya yehei leu tuhan De Ig rino bumbuhui ttou gom juk kwei bimpung kei ei ig bei.

NIBOU NDIG NYA GI NIGOM 8:11

Leu api tuhan de nikei-kau-keisi piga bumbuhui dimati bibindei ba, bit bon imam nya icoi hanyen bibon midut nya kan bi.

MAZMUR 80:1

Doia Asaf mem no di bie tut doia nimpung bit leu nihyet nibikiek Mitou Bakung.

MAZMUR 85:9

Dimiap kep tuhan Allah Nihyet di tibim kwei. Gino nyeni ingkwei hanyen bibon kep sisar bu bi lene Allah preu sut nibong kei nigwam keisi binye di inok Nide limwa nya.

YESAYA 2:19

Mpe di tuhan kiju bibindei ba, dihyei ugwa-kwei ne tungwatu nya minang ba, yuug ei nungug nya biku yok ei hak mihyeti kin jui nsi ei dihyei jou nya cem leu binhyepo ingwes ngun leu tuhan niggati kin Nide nisindemti di nindig bibor nicig-caisi. Mpe dima cem yoni micom ide kwar di ikuk yok bak nya di iba perak kin mas bibon ei ba, ncup kin hakom nya mitot yaham eisi.

YESAYA 60:4

Ma amian ttai na ba, ayok ayai kep mun di sindi pek kep mem na! Ade limwa nya imbus yam ei su ba, sindi induk yam kwei ndam na. Apmot bat nya no ikwei leu minu ting kwei lene tungwatu nya yuusap apmisop bat nya kwei.

YESAYA 60:7

Mben Kedar kin mben Nebayot mijem ide domba nya kwei mem ade midut nindig domba nikre ei nimbar hum dokti di bindei ba, tuhan joi sut na. Lene Noni miba Nide nikei-kau-keisi bimau Nide Ig bimpung kei.

YEHEZKIEL 21:27

Midibindei timek minu ndig dini bibor. Apino miwer ig kum kroi tirima-tirima. Noro mun dima micut igkep yok bi bibou no di dimbus ei mem gima dibikes hukum ei minu ndig dini dip tau kwei ug e.”

YEHEZKIEL 31:16

Mpe dino dicom biei dima ug ei minu nimai nya ide lene nitti ug ei dihyeisi nibimbiti biyai mben nya bingon ttin bibor. Biei ei miai Eden kin biei di kei bibor kei ei minu Libanon di minyei bindei ba, nggrou kei nya hagom di ijuk ug ei minu di jo dihyei jou ngat nipou su nya ingon kei sut biei dima nittiti.

YEHEZKIEL 38:19

Midiba Ditde nigga biborti bisimbot dat bipia hammi njap dima tau rino ngkit di buhun bibor micut igkep minu Israel.

YEHEZKIEL 44:4

Leu api no dima buwak da ba, nuug ei dimbou pmem di jo ei nite di birok kik mpia nijjai ei Tuhan De Ig. Tirigi dimian huk Ig dima lene dingat lo, nisieng-siausi di piga kei di bindo tut tuhan di ningat rin ei sirima piga bidem Nide Ig titut yam. Leu api dinjei danti ug ei dihyeisi bidikuk da bidiba dingwak bikik mpia,

HAGAI 1:8

Nogindini ma jikui ug ei nungug tou nya bijikut bum kwei mem gima jibiwin Ditde Ig leu api dingon mikei sut jiyai munti dima. Tug hon nisinati dima ne mijikuk je biDa nok gi dem hanyen bu. Ma jingig jiyai kep mun di cut igkep je nya!

MALEAKHI 3:1

tuhan Di Sindem Bibor buhup “Midicuk tungwagom di tri tut dihyet bibie leu binhyepo tin puig mem Da. Leu api tuhan di jipai bipia jingon mem kep ser dima mitau kros ei Nide Ig. No di dipinak di jipai bipia jinggei ngwig sut mikwei tri tut Ditde gi preu.”

LUKAS 19:47

Yesus ngginau tungwatu nya di ingat rin ei Tuhan De Ig bikwop njap-njap. Imam nindig nya kin guru Puig Yahudi nicukti nya kin nibou mben Yahudi nya yahagom imem kep ser nituti mem gima igyai nimai biNoni.

LUKAS 2:27

Mpe di gom, lene Ninnei Gi Kwes bie tut noni ug ei Tuhan De Ig lene Yusuf kin Maria yuusap Yesus ningwoi-ngwoi kwei mem gima ibon midut sunat biNoni bit leu nok Puig Yahudi niggai serti.

LUKAS 2:46

Njap ningai ser lene ittau kep Noni ei Tuhan De Ig. Noni gwam bit guru Puig Yahudi nicukti nya bingig nitingou mem ighyet ba, hig ser yok ninyen cem.

LUKAS 20:1

Mpe di gom bu tirigi Yesus ngginau tungwatu nya bitri tut Allah de Nihyet Di Kei ei Tuhan De Ig lene imam nindig nya kin guru Puig Yahudi nicukti nya kin nibou mben Yahudi nya ittau kep Noni ba,

LUKAS 21:38

Ba, njap bigyoti lene tungwatu nya yahagom induk yam kwei ei Tuhan De Ig hanyen leu binhyepo ingig itingou mem Yesus ningginau yoti.

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

GALATIA 3:8

Allah nihyet tri tut mun di mipek kep ei niabiati bu bipia Allah miyai ngkiai nya ingon kwes kin Noni tug hon ide niba ningon com Noti. Gima rino Allah nihyet mbot kep tut Nihyet Di Kei bak Abraham “Tungwatu dihyeisi dini hagom migyai gi kei tug hon nani.”

KOLOSE 2:9

Lewo mun di bitut Allah hagom ningat rin ei Kristusti mem nijam di Noni ningat rin nok tungwatu ei dihyeisi dini.