HAGAI 2:17 - ALLAH NIHYET MEM TUNGWATU NYA

¹⁷ Dibindei juk hou di dut kin biget di mbras nok tig njep di bindei ningat jide ei miaisi nya hagom sar. Mbro nok gima lo, jittin ser jide sisar bijingkwei hanyen ndam Da bi.

HAGAI 2:17 ပူးပေါင်းရင်းမြစ်များ

NITRITI 42:23

Yusuf miap mun di isimbot kep biyam tut hagom noro nikindig bat nya ikan tut gima bi. Lewo imbrap bit noni tug hon no di kiek nihyet kan.

NITRITI 42:27

Tirigi yuug ei puig sinon rino hi kwek nide kron mem gima bihyen nide keledai lene ngat lo, nide mitiei no jo srig gandum nganti ei kron nuhuig a.

NITRITI 42:6

Yusuf tri gandum ngan bak tungwatu nya leu dihyei nisurti-nipekti hagom lewo noni ne nibou di ninyeng tak kep timiei minu Mesir nya yahagom ri. Gima rino nikindig bat nya ikwei kuk yok ei nimig him ba, iba ingwak bikik mpia.

NIBOU NDIG NYA GI NIGOM 8:37

Tirigi ninggum nindig bibor kin nsuwer ajar hwen yok ba mpia ngei bindei ba, njita hagom mui bingwig cem hai ceng nya igyem njita ei beisi hagom ba, ide siceu injei bihwen yok ba, ninggwen di buhun cut igkep yok cem lene,

NIBOHON MBEN ISRAEL GI NICAN 28:22

Mbro nok gino mun di buhun dima bindin Ahas nindig bibor lo, noni bon kep sisar tut tuhan bikum eisi kikau.

NIBOHON MBEN ISRAEL GI NICAN 6:28

Tirigino ninggum nindig bibor kin nsuwer ajar hwen yok ba, hou di dut hwen njita kioi nya bimui ba, briei ngwoi kin hai ceng cut igkep minu dini lene siceu nya igyon ttai Ade limwa nya ne ninggwen di buhun cut igkep yok cem,

AYUB 36:13

Yo di ikuk yok bak Allah bi dima iku-ku nyen ide nigga biborti. Mbro nok gino Noni kes hukum ei yok dip lo, yahara bak mem gima Noni mpu yok bi.

MAZMUR 128:2

Ma ayem njita leu ade midyai di ayai nya ba, mun nyeng hagom midem mem na lene abong kei agwam kei cem.

MAZMUR 78:46

Noni pinak uyum kin hai ceng nya kwei ba, ibindei sar ningat di inju keyam kui ig gudan kin njita kioi di jo miaisi hagom bisar.

YESAYA 28:2

tuhan mipinak no di sindem bibor di mimbri kui ningkek kwei. Nikwei krosti dem kep nok sigau di yem yok kin biget di mbras nok tig njep kin minyei di su di hwen yok leu api Noni micok tut yok bingwig.

YESAYA 37:27

Yo di ibong ei sirima igyai ideti bi. Idigit tut je ba, nittinti om kep yok bibor. Idem kep minta di hei ei ngoisi kin ig ninjek dip di hou mpia priti di dut bibor cut bikuisi di mui bingwig hak.

YESAYA 42:25

Gima rino Noni kes nigga biborti ei nyeni dip apino itug ndei niwei kin nidut ei pran dicut igkep nyeti. tuhan de nigga biborti noyam kin hum di cig-cai bidem minu Israel nisurti-nipekti. Noro nyeni ingon gidorti tut mun di cut igkep nye nya di bipingok ingonti bi.

YESAYA 62:8

tuhan ba neheng bipreu ei mem yok. Noni miba Nide nisindemti biyai mun dima bipek kep. Noni pai “Midiyai jide gandum bak siceu nya ba, ngkiai nya midut ba anggur ngei di jicom jimuhup tut cem bu bi.

YESAYA 9:13

Gima rino tuhan kes hukum ei nibou mben Israel bitut ide limwa nya yahagom dip mem njap gom ngat he. Noni kwam minu Israel bicom nibou kin nipu ei.

YEREMIA 3:24

Nikuk nye bak Baal di nok kwar di biyai nimmai bindei ba, nimunggwom bat nya isar ningwig leu nye. Ba, mindhe-ndhe nimuhup tu nok sapi kin domba nya di nidigup bat-nidigai bat nya ibrim ingkek tut di nipou yo nya cem sar leu nye tu.

YEREMIA 5:3

Ningat ne tuhan ningon ya mem yo di iba ingon gom bibit Noni. Noni bui je tu noro jisem tut Noni. Noni bindei bijinem-nnai noro jikou sut nide nipingok jeti. Jingkek ndok ba, jikou sut gi jittin ser jide sisar.

AMOS 4:6

Dani rino dibindei di ninggum nindig bibor hwen bidem jide minu ndig nya hagom. Noro ninggum dima bindei ba, jigingkwei hanyen ndam Da bi.

HAGAI 1:11

Dibindei ba, mpia ngei-ndung cut igkep jide dihyei kin nungug tou nya kin miai gandum nitu kin miai ba anggur nghousi kin miai biei zaitun nghousi kin njita di hei ei dihyei njek dip kin tungwatu kin mindhe-ndhe nimuhup tu nya kin miyai di jiyai nya ba, hagom mui ningwig a.”

HAGAI 1:6

Jindim ningan mang ei miaisi lo, ningat di jiyai poi mien he. Jide njita no rinaha lo, dem mem gima ndei jinggumti bi. Jide ba anggur ngei no rinaha lo, dem mem gima bicut jinggobiausi bi. Jide sinsun no rinaha bijijuk ser jingkek lo, dem mem gima jijuk ser hou di kui jeti bi. Yo di igyai midyai ba, ibiyai imuhup itug ndei imuhup di dem mem gima ibinyohou ide niyaijoti nut bu bi.

HAGAI 1:9

Jingon ya mem gi jiyai ningat di mpung bipias hagau ei beisi lo, ningat di jiyai rino poi mien bibor he leu api tirigi jittei gi ndima kwei lo, dihi dinnei eisi bidibindei ba, hou di dimiep bindei ba, njita ngwig hak leu je. Nggon rino diyai nok gima i? Diyai nok gima drek dip Ditde Ig di wer igkum kroi lo, bikwop tungwagom-gom ta nibou ei nide ig di ngotti.

HAGAI 2:16

Mpe dima lene jipi bijuug yok jiyai kep gandum nitu di jinju keyam lene jikan bipia mijiket gandum nitu kilo sratus can lo, gi jiket ne kilo sratus gom hak ri. Jipi bijuug tau ba anggur ngei liter sratus gom leu tong ba anggur ngeisi lo, gi jitau kwei ne liter ningot bitai he ri.

MALEAKHI 3:11

Midibindei ba, muhum misui jide njita bu bi. Ba anggur ningat nindig bibor mintun jide ba anggur him.

NINDAT KEP TUHAN NICUKTI NYA 28:22

tuhan mibindei ba, ninggwenti di kieng kep tungwatu nya yahagom micut igkep jeni ba, jidwoi-dwoi nyen ba, jingkek dut bibor cem. Noni mibindei ba, ngei ndung cut bihwen mun di hagom bi ngak-cai cem hou di bindei ngkiong mun nyeng hagom mihwen jide gandum di ningat ntun him tu hagom bikinei bingwig. Mun di buhun bibor dima yok micut igkep je kikau ba, jibisar kep.

NINGAT-HI-NGAT NYA 2:21

Dibon nituti mem gima noni ttin ser nide sisar bikiek ndam Allah noro noni kou sut. Noni kes hon bi noro bon sisar nicut tut yamti kikau.