HAGAI 1:9 - ALLAH NIHYET MEM TUNGWATU NYA

⁹ Jingon ya mem gi jiyai ningat di mpung bipias hagau ei beisi lo, ningat di jiyai rino poi mien bibor he leu api tirigi jittei gi ndima kwei lo, dihi dinnei eisi bidibindei ba, hou di dimiep bindei ba, njita ngwig hak leu je. Nggon rino diyai nok gima i? Diyai nok gima drek dip Ditde Ig di wer igkum kroi lo, bikwop tungwagom-gom ta nibou ei nide ig di ngotti.

HAGAI 1:9 ပူးပေါင်းရင်းမြစ်များ

SAMUEL GI NICAN 21:1

Ei nijam di Daud ninyeng tak kep mben Israel lene ninggum di buhun bibor hwen mben Israel mem nijam ari bingwam nitindur ningai. Leu api Daud hig ser tuhan bindo ningon kanti bak tut ninggum dima. Lene tuhan buhup “Diba ninggum di buhun bibor dima bihwen Israel drek dip Saul kin nide ig bei nsi nya itunggweisi tirigi igyai nimai bak mben Gibeon pima ri.”

SAMUEL GI NICAN 22:16

Tirigi tuhan ba nigga biborti bikon nihyet kep Nide siceu rino muk jou nikiou tau bijo nibreisi ba, dihyei ninghim cem tau.

NIBOU NDIG NYA GI NICAN 19:7

Lewo tuhan mibindei ba, hou ban bei mitibim ei nibou ndig dima nitingou nsi bibindei ba, noni mingkwei hanyen ug ei nitimieisi leu api mitug midut ei sirima.”

AYUB 10:2

Allah e, ma apai kep da au. Ma apai brei bida tut Ade nihwen bit dati!

NIPINGOK NINGONTI 11:24

Bihi ikwas ide mun di ima nya tut hiter apino ide ninyeng tut ndigbanti kum eisi. Bihi ikibut noro yuhui di mbum bibor kum eisi.

NIPINGOK NINGONTI 27:20

Minu nimai nya ide bon ningwakti mem nimai hi kin bu bijo ninno. Nok gima cem tungwatu nya ingut kanti nya ug hon nohonti bi.

NIBA NINGON SRIP HUKTI 1:8

Mun nyeng hagom nos nye ba, bit bon ibohom ndat ninos nyenti dima kan bi. Iput-put nyen lo, igyai ha ut tut mun di ingat dima bi sren. Itingou cut hon mun di imiap tut nya bi sren.

YESAYA 40:7

Tirigi tuhan kes hou di dut bicut lene minta dima mui hak ug ba, mitou cem llet. Igbit ri! Minta dima ne nye di tungwatu nya ri.

YESAYA 5:10

Ningat di ntun miaisi mingat kei bi lene miai ba anggur nghousi di yem hanjop nsi simnai ba, gi ikimut ba anggur ngat eisi ningei midem liter simnai he. Gandum njep di nibuhunti liter sratus gom gi indim mingat ningat liter simnai he.”

YEREMIA 12:13

Ditde limwa nya indim gandum ngan ei miaisi leu api ipi bikos gandum ningat kwei noro ikos mintu-minta he kwei. Icom yahanggwap noro ingat ningat hi bi. Ditde nigga biborti bindei ba, ide gandum ngat ningat hi bi.”

YEHEZKIEL 21:31

Midikes Ditde niggati di cig-cai ei je dip lene midikes je ei nibindei sar mun cig nya indati.

IMAM NYA IDE MIDYAI 19:25

Ug ei ari bingwam gi nimuhwi lene ma jipuk biei ngat dima bijiyem hak ug. Gino jibit dicuk jeti dini igbit lene jide biei nya mingat ningat nindig bibor bikum eisi bu. Dani ne tuhan bidinok jide Allah ri.

HAGAI 1:4

“Ditde limwa jen e, nggon rino jibon nituti mem gima jibong ser ig di sindem binddong kei lo, Ditde Ig wer igkum kroi bijo kikau nok gima i?

HAGAI 1:6

Jindim ningan mang ei miaisi lo, ningat di jiyai poi mien he. Jide njita no rinaha lo, dem mem gima ndei jinggumti bi. Jide ba anggur ngei no rinaha lo, dem mem gima bicut jinggobiausi bi. Jide sinsun no rinaha bijijuk ser jingkek lo, dem mem gima jijuk ser hou di kui jeti bi. Yo di igyai midyai ba, ibiyai imuhup itug ndei imuhup di dem mem gima ibinyohou ide niyaijoti nut bu bi.

MALEAKHI 2:2

Ma jiba jiyai munti nya hagom bikon dinyenga. Gino jikou sut dicuk jeti nya ne midisigion je. Disigion mun di jide limwa nya ikwas tut Da di ibahati tut je cem. Nijit ne disigion mun di ikwas tut je pima hagom tu lewo jipwoi dingon tut dicuk jeti nya bi.

NINDAT KEP TUHAN NICUKTI NYA 28:38

Mijindim ningan mang noro jitug ndei ningat poi mien he lewo hai ceng nya migyem njita kioi jide nya hagom bingwig.

NINGAT-HI-NGAT NYA 2:4

Noro diwok je drek dip gi jingon ngakei Da nok gi nipou tirigi jingon ngakei Da ei nimbie him pima bi.

NINGAT-HI-NGAT NYA 3:19

Disok kep yo di dingon ngakei yok ngkiem ba, dittem yok cem. Gima rino suar jibrim jingkek bijittin ser jide sisar lene jikiek ndam Allah.