HAGAI 1:2 - ALLAH NIHYET MEM TUNGWATU NYA

² tuhan Di Sindem Bibor pai bak Nabi Hagai “Yo dini ipai bipia nijam dini bon nikwesti mem iwin Ditde Ig hanyen bigyo.”

HAGAI 1:2 ပူးပေါင်းရင်းမြစ်များ

NIBOU NDIG NYA GI NICAN 12:7

noni hig Imam Yoyada kin imam nindigsi nya kwei bipai biyok “Nggon rino jigikindig Tuhan De Ig nikineisi nya hi bigyo i? Hon kep njap di ammani kui lene disindui sut ba, jiyok mitiei di limwa nya ikwas tut jeni ei bu bi. Noro ma jingges jinda leu mitiei dima hagom leu binhyepo tukan nya ikinyon ei nikinding Tuhan De Ig nikineisi nyati.”

EZRA 4:23

Tirigi Rehum kin Samsai kin isut bat nibou nindigsi nya ikwop srat di Kaisar Artahsasta pas kwei dima rino yahagom yuug ei minu ndig Yerusalem lene ibidip huk limwa Yahudi nya leu binhyepo ikes inda tut midyai niwin minu ndig Yerusalemti.

NEHEMIA 4:10

Mbro nok gima lo, timiei Yehuda nya sindi inso-nso nyen bipai doia, “Mun di buhun di nikon ei ninghat dip bindei ba, ninghuisi wei lewo mumpiang kui sur mpia. Nindei midyai nikinding ngug tig di bikrop ttai minu dini kan bi.”

NIPINGOK NINGONTI 22:13

No di mbris nok nimai ngak kep ig lewo kan “Mindhe singa no lus-lus nyen ei nisai ma kwei ba, mittem sa ug ri.”

NIPINGOK NINGONTI 29:25

Ma akrau angon tut mpe dino hi kkin kep anghapti niku au. Leu gima nahanok mibuhun tak na. Gino aba angon com tuhan lene angwes ngun leu.

NIBA NINGON SRIP HUKTI 11:4

No di ngat lo, hou nimig kui bei iggum ndigsi ndim ningan bi. No di ngat lo, bumbuhui tap bei mpia nikimbasti bet ningon bibou mpia ngei ug e leu api ug kos gandum nitu kwei ei ig gudanti.

NIBA NINGON SRIP HUKTI 3:3

nituti mem igyai nimai bak kin nituti mem ibindei ba, nibok jut hanyen cem ba, nituti mem inggek mun kin nituti mem ingot mun cem ba,

NIBA NINGON SRIP HUKTI 9:10

Ma ata abou ei ade midyai nyati sri lewo tungwatu nya igyai midyai cem ikan-kan nyen cem ingon dor niti cem ingon ki cem ei minu nimai nya ide bu bi. Ba, mporo ador ug ei sirima.

HAGAI 1:1

Darius ninyeng tak kep Persia buug cut ari bingwam gi nican ei njap gi nigom mem bed gi nimuhwindagom lene tuhan sok nihyet ei Nabi Hagai dip. Nisokti dima bak nibou Zerubabel di Sealtiel nipmot ba, ninyeng tak kep mben Yehuda kin Imam Nibou Nindig di ninyeng Yosua di Yozadak nipmot cem.

HAGAI 1:3

Niabiati bu ne tuhan sok nihyet ei Nabi Hagai dip bak Nide limwa nya bipai,

MBEN ISRAEL IMBUT-MBUT NYEN 13:31

Noro nibou nindigsi di ibit Kaleb pima isrep bipai “Dem tut bi! Nyeni isindem mem gima ihwen yok bi. Lewo timiei minu dima isindem bibor dor njiriek nye.”