HAGAI 1:1 - ALLAH NIHYET MEM TUNGWATU NYA

¹ Darius ninyeng tak kep Persia buug cut ari bingwam gi nican ei njap gi nigom mem bed gi nimuhwindagom lene tuhan sok nihyet ei Nabi Hagai dip. Nisokti dima bak nibou Zerubabel di Sealtiel nipmot ba, ninyeng tak kep mben Yehuda kin Imam Nibou Nindig di ninyeng Yosua di Yozadak nipmot cem.

HAGAI 1:1 ပူးပေါင်းရင်းမြစ်များ

NIBOU NDIG NYA GI NIGOM 10:15

Gima ter leu belasten di noni tug ndei leu nitri-nipek mun cig nya kin nibou ndig ngkiai di mben Arab nya kin nibou nya di inyeng tak kep mben Israel de hanjop nsi nya yahagom ikwas tut noni.

NIBOU NDIG NYA GI NIGOM 14:18

Lene limwa Israel ipim kep leu api itig dem igbit tuhan nipaisi di tug hon Nide awak di Nabi Ahia.

NIBOU NDIG NYA GI NICAN 14:25

Yerobeam Nican rino ug pos minu ndig mben Israel ide di ide siceu nya ibindei timek bigyati nya pima titut yam hagom hanyen kikau ug bipek kin puig di ug ei Hamat nite bei mpia nijjai kikau ug bipek kin Igpong Nsim nite bei mpia nibiho. Ba, niyaisi dima dem igbit mben Israel ide tuhan Allah nipreu eisi di tug hon Nabi Yunus di Amitai leu Gat-Hefer nipmot pima.

NIBOHON MBEN ISRAEL GI NIGOM 3:17

Munggwom pinai di intun nibou ndig Yoyakhin him di tentara Babel ikat yok di icom yok ug ei minu Babel ibou muhwindacan ba, inyeng rino Sealtiel, kin Malkhiram kin Pedaya kin Syenazar kin Yekamya kin Hosama kin Nedabya.

NIBOHON MBEN ISRAEL GI NIGOM 3:19

Lene Pedaya yai nipmot bat nya ibou can di inyeng rino Zerubabel kin Simei. Ba, Zerubabel cem yai nipmot bat ibou can di inyeng rino Mesulam kin Hananya. Noni yai nipmisop gom di ninyeng Selomit cem.

EZRA 1:8

Noni kes midyai dini ei Mitredat nindati. No dini ne nibou kintror mem mitiei minu dima di ya kui nibou ndig ri. Noni kwop igbit mun di nibou ndig mitug hanyen biyok nimangti bikes hagom ei Sesbazar di nibou Yehuda gom nindati.

EZRA 10:18

Gini ne daptar tut yo di iwak sop ngkiai nya pima inyeng ri. Yo dini rino ipreu sut gima ikou itnem bat ngkiai nya leu api indig domba nikre ningut gom ei nimbar hum dokti bak tuhan mem ibon midut nibiyai nikos ser ide sisarti. Ipas kep imam nya inyeng bit leu insi de nya ba, yo dima ne Maaseya kin Eliezer kin Yarib kin Gedalya di intun Yesua ninsi de nya him bitut nide adig-ajoi nya di Yozadak nipmot bat nya kin Hanani Zebaja nya di intun Imer ninsi de nya him kin Maaseya kin Elia kin Semaya kin Yehiel kin Uzia di intun Harim ninsi de nya him kin Elyoenai kin Maaseya kin Ismael kin Netaneel kin Yozabad kin Elasa di intun Pasyhur ninsi de nya him.

EZRA 2:2

Ide nibou di igya tut yok di ingkwei hanyen dima yok inyeng rino Zerubabel kin Yesua kin Nehemia kin Seraya kin Reelaya kin Mordekhai kin Bilsan kin Mispar kin Bigwai kin Rehum kin Baana. Gini ne daptar tut nimpung mben Israel insi de nya bikwop imangti di ingkwei hanyen leu ingkiaisi inyenga ri.

EZRA 2:63

Nibou hanjop Yehuda di ninyeng jei gom ggai ser yok apino igiyem njita di imam nindigsi ikwas tut yam di ibui mem gima ibikuk yok bak Allah bi ug a. Lene nok gima kikau bibou imam gom hig ser tuhan tut ba, tuhan buhup nihyet tug hon Urim kin Tumim nipou ug e.

EZRA 3:2

Imam Yesua di Yozadak nipmot kin nisut bat imam nindigsi nya kin Zerubabel di Sealtiel nipmot bitut nide bat nya cem yahagom ikinding tuhan di mben Israel ide Allah de nimbar hum dok hanyen leu binhyepo ibibon midut nya eisi bit leu nok Allah de awak di Musa pas ei nide Srat Nicukti.

EZRA 3:8

Ikinyon ei niwin tuhan De Igti hanyen ei bed gi nican ba, ari bingwam gi nican niabiati ingkwei hanyen kwei ei minu ndig Yerusalem tu. Yo di igyai kep midyai dima inyeng Zerubabel kin Yesua kin isut bat mben Israel kin imam nya kin keret Lewi nya kin yo po ibong ingkiaisi pima yok yahagom. Keret Lewi nya di ide njap ug ei ari bingwam nyatungwagom nima kui inyeng tak kep yo di iwin tuhan De Ig ba, ipingok ingonti tut.

EZRA 4:2

Gima rino yuug ngat Zerubabel kin nibou insi de nya ba, ipai ingon kanti biyok “Ma jisindui sut ba, nyeni cem niya bit je biwin tuhan De Ig dima. Lewo nyeni cem nikuk nye bak Allah noyam kin jeni. Nibui mindhe-ndhe ba, nibikuk nye bak Noni habiei mpe di po Esar-Hadon di nibou ndig Mben Asyur buwak nye kwei bikes nye ei minu dini nimbie him pima tu.”

EZRA 4:24

Limwa Yahudi ikes inda tut niwin tuhan De Ig bijo hak tu ba, igiwin nut bu bi kikau ug bipek nijam di nibou ndig Darius ninyeng tak kep Persia mem ari bingwam can tu.

EZRA 5:1

Mpe dima lene nabi cin di Hagai Zakharia nya di icig ninyeng Ido ikiju bimbrap tug hon tuhan Allah Israel ninyeng bak limwa Yahudi nya di ibong ei hanjop Yehuda kin minu ndig Yerusalem.

EZRA 5:3

Noro Tatnai di nibou hanjop Efrat-Bei-Mpia-Nikimbasti kin Syetar-Boznai igya tut isut bat nya bikwei ei minu ndig Yerusalem haninyai ba, ihig ser limwa Yahudi nya “Tou rino cuk je di jiwin Tuhan De Ig dini ba, jibibon nimbumbati di jo niti cem i?”

EZRA 6:14

Midyai niwin tuhan De Ig di nibou mben Yahudi ibindei mbut dima mbut sindem bibor tug hon Nabi Hagai kin Nabi Zakharia di iwin kep ide limwa nya ingonti. Limwa nya ikinding hagom biput haninyai bit leu nok Allah Israel kin nibou ndig Kores kin Darius kin Kaisar Artahsasta ei minu Persia cem ide nicuk yoti.

NEHEMIA 12:1

Daptar dini tibim tut imam nya kin Lewi nya di ingkwei hanyen leu ingkiaisi pima bit Zerubabel di Sealtiel nipmot kin Imam Nibou Ndig Yesua kwei inyeng.

NEHEMIA 12:10

Yo di intun Imam Nibou Ndig Yesua him pijum inyeng rino Yesua kin Yoyakim kin Elyasib kin Yoyada kin Yonatan kin Yadua.

NEHEMIA 5:14

Mpe dima lene Nibou Ndig Artahsasta ninyeng tak kep Persia habiei leu nijam ari bingwam nyatungwagom kikau ug bipek ari bingwam ningot ningai ba, can tu. Dinok nibou hanjop Yehuda mem nijam ari bingwam simnaibrimigcan dima lo, dani kin ditde adig-ajoi nya nibrim njita di ibahati tut da di nibou hanjop mem nijam dima bi sren.

NEHEMIA 7:7

Ide nibou di ibie tut yok di ingkwei hanyen leu ingkiaisi kwei dima inyeng rino Zerubabel kin Yesua kin Nehemia kin Azarya kin Raamya kin Nahamani kin Mordekhai kin Bilsan kin Misperet kin Bigwai kin Nehum kin Baana.

NEHEMIA 8:9

Tirigi Nicukti dima tibim ei yo dima itingou nsi lene ingon huk niti leu api ipim nggruet. Lene Nehemia di nok nibou hanjop dima kin imam Ezra di ningon ki tut Nicukti dima kin Lewi nya di ingginau Nicukti dima bak ide limwa nya yahagom ipai bak yo dima “Njap di ammani ne njap di ipigig sut ei mem tuhan. Gima rino ma jingon ngguk ba, jipim au.

NEHEI LEUSI 4:13

Noro Musa srep bipai “Tuhan e, dahara mem Nani. Ma apinak da ug ei minu Mesir hanyen au. Noro ma apinak hiter bu.”

HAGAI 1:12

Leu api Zerubabel kin Yosua igya tut ide limwa di mben Israel yahagom di ingkwei hanyen leu ingkiaisi ei Babel ibit Hagai di tuhan pinak kwei ndam yok tut nihyet di pai nya. Igyai mun ba, ibibit tuhan nicuk yokti nya lewo ittin tut Noni.

HAGAI 1:14

tuhan pingok ei Nibou Zerubabel kin Imam Nibou Nindig Yosua kin yahagom di ingkwei hanyen leu ingkiaisi kwei ingonti leu binhyepo yahagom impu yam tut midyai niwin tuhan Di Sindem Bibor di ide Allah De Ig.

HAGAI 1:15

Ikinyon ei ig dimati biwin ei njap nyatungwagom bitai mem bed gi nimuhwindagom ei ari bingwam gi nican di Nibou Ndig Darius ninyeng tak kep yokti.

HAGAI 1:2

tuhan Di Sindem Bibor pai bak Nabi Hagai “Yo dini ipai bipia nijam dini bon nikwesti mem iwin Ditde Ig hanyen bigyo.”

HAGAI 1:3

Niabiati bu ne tuhan sok nihyet ei Nabi Hagai dip bak Nide limwa nya bipai,

HAGAI 2:10

Darius ninyeng tak kep Persia ba, ug cut ari bingwam gi nican ei njap gi nigom mem bed gi nimuhwindatai lene tuhan Di Sindem Bibor sok nihyet ei Nabi Hagai dip hanyen bu,

HAGAI 2:20

Ug cut njap nyatungwagom bitai ei bed gi nimuhwindatai ne tuhan yai nisokti gi nican bak Nabi Hagai,

HAGAI 2:21

mem gima noni tri tut hanyen bak Nibou Zerubabel. tuhan pai “Jei bi ne midibindei ba, mpia-bbed him kin dihyeisi dini ugwa-kwei rin,

HAGAI 2:4

Mbro nok gima lo, ma jahagom jingon cut leu au! Ma jinda jo kep midyai niwin ig dimati lewo midimpu je kikau.

ZAKHARIA 1:1

Tirigi Nibou Ndig Darius ninyeng tak kep Persia buug cut ari bingwam gi nican ei bed gi nimuhwindaningai ne tuhan sok nihyet dini bida di Nabi Zakharia di Berekhya nipmot ba, Ido nignyon.

ZAKHARIA 3:1

tuhan ba ningat-hi-ngat bindo Imam Nibou Ndig Yosua tirigi ya ei tuhan de malaikati noho bei bida. Bilis di tin ei mem gima pai kep Yosua ya kui nitta.

MALEAKHI 1:8

Gino jibui mindhe di niyai tu kin gi nggwen kin gi lit cem mem Da lene jikan bipia jibon mun tunggwei sut dingon kanti bi e? Gino jibingon niyai mindhe dima bak nibou ndig lene ningon mikei sut je e, he ba ningon di nggriu biyai je e, he notou i?”

LUKAS 3:27

Ba, Yoda ntun Yohanan him ba, Yohanan ntun Resa him ba, Resa ntun Zerubabel him ba, Zerubabel ntun Sealtiel him ba, Sealtiel ntun Neri him.