HABAKUK 3:3 - ALLAH NIHYET MEM TUNGWATU NYA

³ Nani Allah Di Kwes-Kwau di kwei leu minu Edom rin ba, akwei leu nungug him Paran cem. Ade nikei-kau-keisi nggai kep mpia-bbed him bibindei ba, tungwatu dihyeisi dini hagom inggei sut Nani.

HABAKUK 3:3 ပူးပေါင်းရင်းမြစ်များ

NITRITI 21:21

Lene nipmem ug buwak sop Mesir hi ba, ndo bak nok nitnem.

NITRITI 36:11

Lene Elifas nitnem yai nipmot bat nya ibou muhwi binoni ba, inyeng rino Teman kin Omar kin Zefo kin Gaetam kin Kenas.

NIBOU NDIG NYA GI NIGOM 11:18

Ikiju bijo leu Midian ba, yuug ei Paran lene ibou poi bu ibicom yam bit yok ei sirima. Leu api yahagom ibit yam biyuug ei minu Mesir bingat nibou ndig mben Mesir. Lene nibou ndig dima ndo ig mem gima ibongti ba, pek dihyei hanjop nsi gom mem yok leu api kwas njita di igyem kin mun di isuar nya tut yok cem.

MAZMUR 113:4

tuhan ninyeng tak kep ngkiai nya yahagom ba, ninyeng jeisi jo anai dor njiriek mpia-bbed him.

MAZMUR 148:13

Nna ba yoni yahagom inggei sut tuhan! Lewo ninyeng jei dor njiriek ninyeng nindigsi nya hagom. Nide nikei-kau-keisi kieng kep mpia-bbed him kin dihyeisi dini.

MAZMUR 3:2

tuhan e, ditde siceu di iba nitok bida imang bibor. Yo di ihwen bit da cem imang bibor.

MAZMUR 3:4

Noro Na di tuhan rino anok mun di dibipuk kep ser tibor ninggwenti nya. Abindei ba, dicut ditde siceu nya ba, abiwin kep dingonti cem.

MAZMUR 4:4

Ma jiyok ngon kep bipia Tuhan dimig yo di ingon kwes nya ei mem Nonti tu. Mpe dino dahara tuhan lene Noni miap ditde nadi.

MAZMUR 48:10

Nikan-kan nyen tut angon ngakei nyeti tirigi nikuk nye bak Nani ei Ade Ig.

MAZMUR 68:17

Nggon rino Nungug Basan di bon ninggram him nya mang bibor ningon kinei sut Mbigdip Sion i? Allah dimig Mbigdip Sion binok Nide mpia di bong eisi ri. tuhan mibong ei mpia dima bijo ninno bijo kikau.

MAZMUR 9:16

Ngkiai nya di ikan tut Nani bi nya icut ug ei jui di yonti itig eiti ba, ico bon di yonti indin eiti bisrou yok.

MAZMUR 9:20

tuhan e, akiju ba, agwam nok nikei mem ngkiai nya ba, asindui sut yok ba, yaham imbuk kep Nani au!

NEHEI LEUSI 20:18

Tirigi yo dima imiap kru di nisu bong kin pun mbrei di nimbi bong kin kigyei di ninjeng srei kin hum mmup di brou kui leu nungug dima lene yahagom ittin tut nindig bibor binghuisi mpig sut. Lene yoom yonti bigya minu ting.

YESAYA 31:1

Yo di iba ingon com mben Mesir mem gima impu yok mitimek bingwig! Iba ingon com mben Mesir ide tentara nitu kin ide tentara di ibri kuda pran kin ide kuda pran di isindem kin ide kroba pran di sindem bibor. Noro iba ingon com tuhan di nok mben Israel ide Allah di kwes-kwau ba, yahara Noni mem gima mpu yok bi.

YESAYA 6:3

Lene yahagom ighyet kui yam bipai, “tuhan Di Sindem Bibor kwes-kwau o! Kwes-kwau o! Kwes-kwau o! Dihyeisi dini mpung tut nikei-kau-keisi o.”

YESAYA 64:3

Tirigi po ajuk kwei pima lene abon mindur di buhun bibor di nyeni nikan tut nipou ei bi. Leu api nungug nya ugwa-kwei ei Aho bei.

YEREMIA 49:7

tuhan Di Sindem Bibor pai sut mben Edom “Mben Edom ipmem bat nya imiep ingon ba, ingon ki bi cem e? Bit bon yo di ipingok kep ingonti ipingok ingonti bu kan bi e? Ide ningon ki pror leu yok tu e?

YEHEZKIEL 43:2

bidingat lo, nisieng-siausi di piga kei di bindo tut Allah Israel ningat di kwei leu nite bei mpia nipriti. Dimiap Allah nihyet di dem muk ndigsi tirigi tti tignam nibimbiti pimo. Lene Allah de nisieng-siausi bindei ba, dihyeisi dini piga kei.

AMOS 1:12

Gima rino midipinak hum di cig-cai ug ei minu ndig Teman leu api hum miyem timiei minu ndig Bozra ide tentara nibousi di igya coi ba, hagom timek bingwig.”

OBAJA 1:9

Nikon pran cig nya ei minu ndig Teman yahagom ingon ttin bibor lene tentara mben Edom yahagom mimai nimbiam ningwig a.”

HABAKUK 2:14

Nintin kimbo tut Allah kin Nide nisindemti mikieng kep dihyeisi dini nisurti-nipekti dem kep nok muk ndigsi di mpung tut minyei.

MBEN ISRAEL IMBUT-MBUT NYEN 10:12

Leu api mben Israel ikiju bimbut bit leu ide nimpung nya leu iggum ndigsi Sinai sindam. Lene bumbuhui ya niyati binddong mpe di yoni yuug krau iggum ndigsi Paran.

NINDAT KEP TUHAN NICUKTI NYA 33:2

“tuhan tau kwei leu Nungug Sinai. Noni kiju leu minu Edom nok mpia di pri bipiga digai Nide limwa nya nok mpia di com kwei leu Paran cem. Nide malaikati nya ibou sribu simnai igya tut Noni lene hum di cig-cai ya kui ninda com.

NINDAT KEP TUHAN NICUKTI NYA 5:24

Ba, ipai ‘Ide tuhan Allah ndo tut Nide nisindemti di nindig bibor kin Nide nikei-kau-keisi tirigi nimiap nihyet di tibim kwei leu hum njengti. Njap di ammani nyeni ningat bou niyai him bipia mbro nok gino Allah mbrap bit tungwatu nya lo, igyaijo yo lene imai drek dip bi.

SAMUEL GI NIGOM 25:1

Mpe di gom bu lene Samuel niyaijo ngwig hon leu api mben Israel yahagom induk yam bipim kep ba, ingon ngguk tut noni nindig bibor. Lene itig ei nide biyati ei minu ndig Rama. Gima leu lene Daud ug ei iggum ndigsi Paran.