HABAKUK 3:2 - ALLAH NIHYET MEM TUNGWATU NYA

² tuhan e, dimiap tut Ade midyai nya leu api dinggap leu tut nindig bibor. Nnaba ayai kep midyai di nindig bibor pima hanyen mem nijam dini. Mbro nok gino nibindei ba, angon sibui sut nye lo, ma angondut nye.

HABAKUK 3:2 ပူးပေါင်းရင်းမြစ်များ

EZRA 9:8

Noro nyende tuhan Allah e, sindi asingat tut nye ba, akwek nyeni nibou poi leu gi yuubon nye nok awak pima leu api abindei ba, nibong kei nigwam kei ei mpia di apigig sut pijum ei dini ba, ayai niyaijo nijep binyeni cem.

AYUB 42:5

Ei nipou pima ne dikan tut mun di hiter nya ipingok dingonti tut he. Noro tini bu ne dingat angat bou diyai him tu.

MAZMUR 119:120

Didigit lewo dittin tut Nani ba, didigit tut Ade nikos tutti nya.

MAZMUR 25:6

tuhan e, ayok ngon kep Ade nisingat tut nyeti kin angon ngakei nyeti di ando binye ei nimbie him ngat kwei bipek ammani tu.

MAZMUR 38:1

Doia Daud di Daud pai tirigi ibon midut nibiyok ngon kepti.

MAZMUR 44:1

Nimpung Korah ide doia ningginausi mem no di bie tut doia nimpung.

MAZMUR 71:20

Ayai ninghuisi wei di buhun bibor mang bibor bida noro angkwei mimbri di kui dingkek hanyen bida ba, awin da bidikiju hanyen leu nimai jui cem.

MAZMUR 78:38

Noro Allah ngondut Nide limwa nya bikos ser ide sisar leu ba, bindei sar yok bi. Noni om kep niggati bitak kep ningon sibui sut yokti bikwop.

MAZMUR 85:6

Agga nye bijo ninno bijo kikau e? Agga nye bitut nyende nintun him yamti nya ug bipek ide nintun him yokti bu e?

YESAYA 53:1

Tungwatu nya ibuhup “Tou riba ningon com mun di tibim ei nyeni itingou nsi i? Tou riningon dor niti tut tuhan ningon kanti tug hon mun di timon nye dini i?

YESAYA 54:8

Dinghek na lai-lai de drek dip dingon di sibui sut na nindig bibor noro midingon ngakei na bu bijo ninno bijo kikau.” Nihyet dima tibim kwei leu Allah di teu na ba, angwes ngun nuhui him tu.

YESAYA 63:15

Na di tuhan di agwam anai ei Ade ig di kwes-kwau ba, kei-kau-kei cem ei gwamti e, ma ayok ayai kep nye. Angon ngakeisi kin mimbri di kui angkekti kin angon nemti kin angondutti no ritou i? Ma aba angha bak nye bu au.

YESAYA 66:2

Dangkom dipai tes mun dima yok hagom bou dinda him! Dijoi sut yo di iba ibou coi mem Da kin yo di ittin ser ide sisar kin yo di ittin tut Da kin yo di ibit dihyet.

YEREMIA 10:24

tuhan e, ambas nye lo, ma ambas nye bibor biniyai nidut bibor au. Ma akes hukum ei nye dip ei mpe dino agga bibor au. Lewo nyeni nahagom minisar biningwig ug ri.

YEREMIA 10:7

Tou rino kuk no bak Na di anok nibou ndig mem ngkiai nya yahagom i? Ningat ne adem mem gima ikuk yok biNani nok gi igbit a. tuhan e, yo di ingon ki nya di isrig ngkiai nyati bitut nibou ndig di ide nya cem hi dem mem ibinai kin Nani bi sren.

YEREMIA 29:10

tuhan pai “Tirigi nijam ari bingwam ningot muhwindacan dem mem minu Babel tu lene midingig diyai kep je hanyen bu. Ba, midiyai mun bipek kep Ditde nipreu ei mem jeti bidibuwak je hanyen kwei ei jitimieisi dini.

YEREMIA 46:28

Je di Ditde limwa nya e, ma jittin au. Midikwei teu je bijingwes ngun. Midibindei sar ngkiai nya di dibindei ntek gimahap je ug eisi nya yahagom hak ug. Noro midibindei sar jeni bi. Ningat ne mijingwes ngun leu hukum bi. Noro midikes hukum di igbit di dem mem dikes ei jeni dip hak ba, bit leu dikos tutti. Da di tuhan disimbot dat tu.”

NIBWOS-BWOS NYENTI 3:32

Niabiati Noni yai ninghuisi wei binye leu lene mingondut nyeni yo. Lewo Noni ba ningon ngakeisi di ug hon nohonti bi bingon ngakei nye kikau.

DANIEL 8:17

Leu api Gabriel di ya doho bei dima son dideu da apino didigit tut nindig bibor biditti ug ei dihyeisi. Noni pai bida “Na di tungwatu di ayaijo kikau bi e, suar akan tut bipia ningat-hi-ngat dima bindo tut nijam ningwig honti ri.”

HABAKUK 3:1

Lene Nabi Habakuk ngat nadi bipai bipia,

HABAKUK 3:16

Tirigi dimiap kep mun dini yok ne dinghuisi mpig sut biduhui ngkek bingmai-bingmai gwai ba, dittin. Dinghuisi jet ba, disindem bi leu api dimig ndrat mpia bidem dimbutti nya. Midibet dingon nyahan mem nituti di Na di tuhan akes hukum ei yo di ikon pran bit nye dip.

ZAKHARIA 1:12

Lene malaikati dima pai “tuhan Di Sindem Bibor e, agga minu ndig Yerusalem kin minu ndig ngot ei minu Yehuda bibor kikau mem ari bingwam ningot muhwindacan tu. Agga yok bibor nok gima ba, akos ser ide nitunggweisi nya bi ug bipek apig bu i?”

YOHANES 10:10

Ninggimang kep mun cig gau sar bimbrai domba nya leu api bui nok mikwau bidigou binggek tut domba nya. Noro dikwei leu binhyepo tungwatu nya igyai niyaijo nijep di mpung kin pias-hagau ei ingonti.

ROMA 10:16

Tungwatu nya imiap Nihyet Di Kei dima noro yahagom ijoi sut bi. Lewo Nabi Yesaya pai “Na di Tuhan e, tou riba ningon com nyeni nihyet i?”

FILIPI 1:6

Diba dingon com bipia Allah di kinyon ei midyai di kei bibor diniti ei jingonti miyai kep midyai dima kikau bibou put hon ei Njap Di Kristus Yesus kwei hanyen.

IBRANI 11:7

Niba ningon comti bindei ba, Nuh ngig nitingou mem mun di Allah sok kep noni tut mun di mipek kep ei nidipti bu di bit bon noni ngat bou niyai him kan bi. Noni bit Allah nihyet ba, bibon kibar di bindei ba, noni kin nide bat nya yahagom ingwes ngun leu minyei di su. Apino tungwatu dihyeisi dini hagom itug ndei hukum noro Allah pai sut Nuh bipia ningon sren lewo ba ningon com Allah.

IBRANI 12:21

Mun di ingat bou igyai him dima bindei ba, idigit tut bibor apino Musa pai “Didigit tut bidittin bibor.”

NINGAT-HI-NGAT NYA 15:4

Tuhan e, tou rino ttin tut Nani bi i? Tou rino kou sut gima tri tut anyeng di jei bibor i? Nangkom akwes-kwau. Tungwatu dihyeisi hagom mikwei kuk yok ei amig him binggei sut Na lewo ayai munti nya di sren-srau jo nibreisi ba, yahagom ingat bou igyai him tu.”