HABAKUK 3:18 - ALLAH NIHYET MEM TUNGWATU NYA

¹⁸ midingon llei bibor kikau lewo Na di tuhan Allah ateu da bidingwes ngun.

HABAKUK 3:18 ပူးပေါင်းရင်းမြစ်များ

AYUB 13:15

Dingon cut leu su! Nna ug! Gino Allah kos tut mem gima yai nimai bida lene dikes danti ei nindati. Mbro nok gima lo, midimbrap gau dibon munti nya ei Noho bei.

FILIPI 4:4

Handei kon ba, jingon llei bibor bikwop mmun-njap drek dip jide ninok gom kin Tuhanti. Ditigtai je mbigom kin bu “Ma jingon llei bibor!”

MIKHA 7:7

Noro nye di iba ingon com tuhan ne iba ingon di nddong bicem kep puig ser ide Allah nikweisi. Noni mimiap kep ide nadi biteu nye ba, ingwes ngun.

YESAYA 61:10

Minu ndig Yerusalem pai “Dillei ngwig sut tuhan niyai munti nya. Noni ba sinsun nda di ninyeng rino niteu leu sisarti kin nibindei sar siceusi nya bijuk da noyam kin no di pinai kin no di sop di imau yonti mem midut niwak yamti.

YESAYA 12:2

Ningat ne Allah ne No di teu da di dingwes ngun rin ba, diba dingon com Noni. Digittin bi lewo Noni sindem tut da. No di teu da di dingwes ngun rino Allah ba. Midipai doia bak.

MAZMUR 25:5

Angginau da ba, abie tut da cem leu binhyepo didimig diyaijoti bit leu angon kanti mem da. Lewo Nani ne Allah di teu da bidingwes ngun leu ditde siceu nya ri. Diba dingon com Na kikau.

PETRUS GI NIGOM 1:8

Mbro nok gino jingat Noni bou jiyai him kwei bipek ammani kep bigyo lo, jingon ngakei Noni. Mbro nok gino jingat Noni bou jiyai him mem nijam dini bi lo, jingon jo kep Noni. Gima rino jingon llei lewo jingon nggei-hi-nngei bibor ba, bit bon jipai sut ei juhui him bi.

MAZMUR 27:1

Doia Daud. tuhan ne nipigati di piga digai da kin No di teu da leu sisar biyai niyaijo nijep bida cem ri. Gima rino dittin tut tungwa hi bi. Noni ne tentara nibousi di diya coi. Gima rino dinghuisi mpig sut mun nyeng hi bi sren.

SAMUEL GI NIGOM 2:1

Lene Hana ngat nadi bipai, “Allah bindei ba, dingon llei bibor. Nide niyai munti nya bindei ba, dingon nggei-hi-nggei. Diba dingon di nggan-triot pa ndip ditde siceu nya lewo tuhan mpu da nijit tu.

NEHEI LEUSI 15:2

tuhan di ya srak ko hagau da sindem bibor ba, Noni rino teu da bidingwes ngun. Noni nok ditde Allah. Dikuk da bidinggei sut Noni. Noni ne didigup bat-didigai bat nya ide Allah ri. Gima rino dikon ninyeng di jei.

MAZMUR 97:12

Je di jingon sren nya e, ma jingon nggei-hi-nggei drek dip mun di tuhan bon mem je bijipai sigyo bak Allah di kwes-kwau.

YAKOBUS 1:2

Disut bat jen, gino mun di buhun di ter leu yam hi gom hi gom cut igkep je lene ma jingon llei sut,

LUKAS 2:30

Dingat No di miteu tungwatu nya leu ide sisar biyai niyaijo nijep biyok bou diyai him tu.

YESAYA 41:16

Mijicig yok leu api ibit hou nimig lene hou sigau bindei ba, ipri didiei. Mpe dima lene jingon minggei-hi-nggei lewo Dani ne jide Allah ri. Mpe dima lene mijinggei sut Da lewo Dani ne mben Israel ide Allah ri.

MAZMUR 85:6

Agga nye bijo ninno bijo kikau e? Agga nye bitut nyende nintun him yamti nya ug bipek ide nintun him yokti bu e?

MAZMUR 33:1

Je di jingon sren e, jikwei ba, iba nimbos-hi-mbos binggei sut tuhan niyai munti nya. Je di jibit tuhan nihyet e, jikwei ba, ikon ninyenga.

MAZMUR 149:2

Je di mben Israel e, ma jiyai nillei drek dip jide No di pai tes je. Je di timiei Sion e, ma jinggei-hi-nggei drek dip jide Nibou Ndig!

MAZMUR 104:34

Dijoi sut gima Noni joi sut doia di tibim ei duhui him lewo Noni bindei ba, dingon llei bibor.

ZAKHARIA 10:7

Mben Israel minok nikon pran cig di sindem bidem kep yo di iba ba anggur ngei di idut ba, ibiyai nillei. Yo di intun him yok nya ei nijam dini ug ei nijam di nidipti bu kikau mibbwe ser ide nibindei timek siceu nyati di diyai biyok dini bi. Igyai nillei drek dip Ditde nibon mun mem yokti.

NINDAT KEP TUHAN NICUKTI NYA 12:18

Ma jeni kin jimunggwom bat nya kin jide awak nya kin yo di intun Lewi him di ibong ei jide minu nya jahagom jiyem kep mun di jipigig sut ei mem tuhan di nok jide Allah ei Nonti Noho bei ei minu ttou nsi gom ngat di Noni ndo ei mem jikuk je biNoni eisi. Lene ma jillei ngwig sut mun di jiyai nya hagom.

NEHEI LEUSI 15:1

Lene Musa kin mben Israel ikon doia bibinggei sut Tuhan bipai, “Dipai doia mem tuhan lewo Noni bindei timek mben Mesir bihigom tu. Noni com kuda nya kin yo di ibri kuda nya yahagom ug ei minyeiti tu.

YOEL 2:23

Je di timiei minu ndig Sion e, ma jiyai nillei bijingon kei bibor kei lewo tuhan di nok jide Allah njei mun di kei nindig bibor bak jeni. Noni bindei ba, mpia but nok gi dem mem bed di biang mpia ngei ba, biget mbras kwei mem bed di biang hou kin es ba, biget but mem bed di biang mpia kwes hanyenti bit leu nok gi Noni kos tut mem je habiei ei nimbie him.

SAMUEL GI NICAN 6:15

Gima rino noni kin mben Israel nindigsi nya yahagom iba nimbos-hi-mbos kin nimiep pun mbreisi nya bimbut tut Brua Gi Preu ug ei minu ndig Yerusalem.

YESAYA 25:9

Mpe dima lene tungwatu yahagom mitri tut biyam “Noni ne ide Allah ningat-ngat ri. Miba ingon com Noni leu api Noni teu nye bingwes ngun. Noni ne tuhan ri. Miba ingon com Noni. Jikwei ba, iba ingon di nggei-hi-nggei bimbos-hi-mbos lewo Noni teu nyeni bingwes ngun tu.”