HABAKUK 3:13 - ALLAH NIHYET MEM TUNGWATU NYA

¹³ Akinyon ei Ade midyai dimati leu binhyepo akwek Ade limwa nya ba, ateu nibou ndig di adimig ei su ba, ningwes ngun. Abindei timek no di bie tut yo di imbuk bibor nya leu api ahwen nide limwa nya cem ba, itimek bingwig.

HABAKUK 3:13 ပူးပေါင်းရင်းမြစ်များ

MAZMUR 110:6

Noni mikes hukum bidem ei ngkiai nya dip bibindei ba, ingut di wer nimbiam mikui sur mpia. Noni mibindei sar nibou ndig dihyeisi dini hagom ningwig a.

MAZMUR 105:15

“Ma jihwen bit Ditde awak di dimig ei su nya ba, jimbuk tut Ditde nabi nya cem au.”

MAZMUR 105:26

Noni pinak Nide awak di Musa kin Harun di Noni dimig yok ei su nya.

MAZMUR 99:6

Musa kin Harun inyeng tibim kin Nide imam nya ba, Samuel ne no di ngat nadi bak Noni ri. Yo dima yahara tuhan lene Noni buhup ighyet.

MAZMUR 77:20

Ambut ei muk di tti bibor ningwa dip. Asigon muk di jut bibor lo, hi gingat amig ceti nya bi.

MAZMUR 68:7

Noni yai mpia di mem nibongti bak yo di igwam biyongkom di ingwes kinyon nya bibongti. Noni kwek yo di isima nya leu ig bui nsi apino igwam ingon di kei a. Noro suar yo di ikiek imig jou tut tuhan ibong ei dihyei di ngak-cai di ngoi-nga cem.

MAZMUR 28:8

tuhan yai nisindemti bak Nide limwa nya biya srak ko hagau Nide nibou ndig di Noni dimig ei su. Tuhan nok tentara nibousi di noni ya coi.

MAZMUR 20:6

Leu api miniba ningon di nggei bimbos-hi-bos tirigi abindei timek ade siceu nya biniba kendera bikon ide Allah ninyeng cem. Handei kon ba, tuhan buhup igbit mun di ahara No tut nya hagom.

YOSUA 11:12

Yosua yai minu ndig dima yok hagom biyati. Lene kat nibou ndig nya biyai nimai biyok bit leu nok tuhan de awak di Musa nicuk noti.

YOSUA 11:8

Apino tuhan bindei ba, tentara Israel ihwen yok bibindei timek yok leu api yuhuk bram nindigsi nya kikau ug ei minu ndig Misrefot-Maim kin Sidon nite bei mpia nijjai kikau ug bipek kin Mbang Briep Mizpa nite bei mpia nipriti. Pran dima cig-cai kikau ba, tungwagom ngat leu siceu dima yok niyaijo ei cem bi ba, yahagom imai ningwig hak.

YOSUA 10:42

Yosua nya iba nikon pran sindam dima bibindei sar nibou ndig dima yok yahagom. Lene ibindei sar minu ndig di ide di inyeng tak kep nya cem leu api igyai bigyati. Lewo tuhan Allah Israel hati tut tentara Israel bikon pran tut yok.

YOSUA 10:24

igya hak ei Yosua noho bei. Lene Yosua nduk tentara Israel yahagom kwei leu api hig nibou tentara di injei bit noni bikon pran nya kwei leu binhyepo ico kep nibou ndig dima yok inggibi kin mpia.

YOSUA 10:11

Hammi tirigi tentara Amori inang leu tentara Israel bijuk leu nitinggoisi pima rino tuhan bindei ba, biget es mbras nok tig nindig bibor bitot yok kak puig sinon kikau bipek Azeka. Tentara Amori imang bibor imai tug hon biget es leu gi imai tug hon tentara Israel di ihwen yok nya.

YESAYA 63:11

Mpe dima lene igyok ngon kep nijam timiei Musa po tuhan de awak pima leu api ihig yam ser “tuhan po bie tut Nide limwa nya ide nibou nya di imbut ei muk nikieti pima no ritou i? tuhan po kes ninnei ei Musa dip pima no ritou i?

SAMUEL GI NICAN 5:20

Gima rino Daud nya yuug ei Baal-Perasim bikon pran bit tentara Filistin ei sirima apino yahagom icut bak noni. Lene noni simbot dat “tuhan njei ditde siceu ide tentara nibousi di igya coi dem kep nok minyei di su nindig bibor bihwen ditde siceu nya bingwig.” Leu gima rino tungwatu nya ijem mpia dima ninyeng Baal-Perasim.

MAZMUR 137:7

tuhan e, ma ayok ngon kep mben Edom igyai munti mem njap po mben Babel inggek minu ndig Yerusalem bingwig pima. Mpe dima lene ipai cuk yam “Jikwei ba, inggek minu ndig dima. Inggek minu ndig Yerusalem hagom bipek kin nikiou nya cem!”

YESAYA 64:1

tuhan e, ma abindei ba, mpia-bbed him rik hacan leu binhyepo akinyon kwei ei dihyeisi dini. Abindei ba, nungug nya ugwa-kwei ei Aho bei,

YEHEZKIEL 13:14

Ditin ei mem gima didindei jide ngug tig di jiba cet kapur he bihwen dima bitti yon ba, dinggek bikinei-kinau leu api nikiou mijo brei bou jiyai him. Ngug tig dima milus bihwen je biyai nimai bak jahagom. Leu api jikan tut bipia Dani ne tuhan ri.

AMOS 9:1

Dingat lo, tuhan ya kui nimbar hum dok bipai “Ma abui Ditde Ig nidihim ninggrupti nya tignam bibor ba, abindei nikiou ugwa-kwei. Abindei ba, nidihim nya ttek bicut ug ei dihyeisi mu bitot tungwatu nya ibou nggram him. Midibindei ba, tungwatu nindigsi di imai bi nya itug ndei nimai tug hon pran di cut igkep yok. Bit bon hi nang leu biningwes ngun kan bi.