HABAKUK 3:10 - ALLAH NIHYET MEM TUNGWATU NYA

¹⁰ Tirigi nungug him nya ingat Na lene ingon digit ba, biget mbras kwei leu mpia-bbed him. Minyei ei dihyei jou nibimbi bong nindig bibor bitti bram yam bidwoi bibor.

HABAKUK 3:10 ပူးပေါင်းရင်းမြစ်များ

IBRANI 11:29

Niba ningon comti bindei ba, mben Israel isigon Muk Ngwoi tereu nok imbut ei ninggati. Noro tirigi mben Mesir ibingon ba, isigon lene minyei kot yahagom bingwig.

MAZMUR 93:3

tuhan e, muk jou di roi sindem bibor nibimbi bong. Muk ndigsi ighyet kui yam.

MATIUS 27:51

Ban mbrawin di ipindur ei Tuhan De Ig rik hacan bipek guhu bipek gimu. Dihyei mun brim ba, hak cem ki hacan.

YEREMIA 4:24

Diyai bong kep nungug tou kin mbigdip di anai nya bidingat lo, hagom ugwa-kwei nindig bibor.

YESAYA 43:20

Mpe dima lene mindhe-ndhe bigbehei nya mikuk yok biDani lene nsien di niten-pos kin ha unta nya mikon dinyeng ei mpe dino dibindei ba, minyei biam nok gi dem ei iggum ndigsi mem Ditde limwa di didimig ei su nya bidut kep.

YOSUA 4:18

Tirigi imam nya ipri ug ei mam bei tu lene Minyei Yordan biam hanyen bisu nindig bibor nok nimbie him pima.

NINGAT-HI-NGAT NYA 20:11

Gima ngwig leu lene dingat banggo mbrei nitiei di nindig bibor kin No di gwam dip. Dihyeisi kin mpia-bbed him pror hak leu No dima Noho bei ba, ingat gima yok bu bi sren.

NINGAT-HI-NGAT NYA 16:12

Malaikati gi nimuhwindagom ug siber mun di jo ei nide bokorti ug ei minyei ndig Efratti apino minyei dima hagom pingge leu lene bon ninggati mem nibou ndig nya di mikwei leu mpia nipriti imbut kak.

NINGAT-HI-NGAT NYA 6:14

Mpia-bbed him cem pror hak nok srat di ikijum ba, nungug nya kin mios nya hagom son leu nijoti.

HABAKUK 3:6

Gino akes hon ba, aya hak lene dihyeisi dini ugwa-kwei. Gino aba ayai nghuisi jik kep mben dihyeisi dini ne inghuisi mpig sut. Nungug him di jo habiei nimbie him ki bingwig ba, nungug tou di jo ninno tu di aya-ya nyen eisi ei nimbie him kimbas ba, sur yam kei.

NAHUM 1:5

Nungug nya ugwa-kwei nyen ei Noho bei lene mbigdip nya cem jet ningwig a. Gino Noni tau kep nye ne dihyei bingmai ba, dihyei kin timiei dihyeisi dini yahagom ingon bingmai.

MIKHA 1:4

Noni bindei ba, nungug nya jet bingwig noyam kin lilin di jet ei humti ei nimig jou. Nungug dima jet ba, kau dop kak bisunggung ug ei mbang briepti nya noyam kin minyei di biam leu mbigdip nya kikau ug ei nimig nya.

YESAYA 55:12

Mijiyai nillei tirigi jehei leu minu Babel. Ngkiai nya miba ingon di kwes kin je behei sut je. Mbigdip nya kin nungug tou nya migyai nillei ba, biei susti nya ittem inda.

MAZMUR 66:6

Noni luei muk ndigsi binok dihyei nggati bu. Nyeni nidigup bat-nidigai bat nya imbut ba, isigon biyuug dihip ei nite hi. Nyeni ningon nggei-hi-nggei sut nibon munti ei mpia pima.

MAZMUR 65:13

Susti nya mpung tut kambir kin domba nya. Abindei ba, nungug tou nya noyam kin no di ningon llei bibor.

MAZMUR 18:15

Noni prindei Nide tibor nya bibuhuk Nide siceu nya apino intek gimahap. Noni ba kigyei ninjeng di srei bitot-tot nyen bibindei ba, inang.

NEHEMIA 9:11

Atin puig mem Ade limwa nya ei muk ngeisi ba, abie tut yok bimbut kak ninggati. Noro minyei dima kot yo di yuhuk bram yok bisar bingwig ei minyei jou dem kep nok tig di cut ug ei muk mpoti.

MATIUS 8:24

Hou di nimig ten bibor cut kros ba, igpong roi nindig bibor bikibor ei ut nsi. Noro Yesus bong mai leu su.

MAZMUR 104:32

Noni tou kep dihyeisi dini nggilun bibindei ba, ugwa-kwei. Noni ngget nungug him bibindei ba, hum mmup brou leu nimbigdip nya.

MAZMUR 148:7

Je di jibong ei dihyeisi dini e, ma jinggei sut tuhan. Je di sroi ei muk jou kin muk ndigsi,