HABAKUK 2:8 - ALLAH NIHYET MEM TUNGWATU NYA

⁸ Jipos ndigban nindig bibor leu mben mang bibor ei dihyeisi dini noro yo gi hi di ingwes ngun nya mikwei pos jide ndigban bingwig leu je drek dip gi jihwen mun bijimbuk tut mben dima yok bitut ide minu ndig nya cem.

HABAKUK 2:8 ပူးပေါင်းရင်းမြစ်များ

YESAYA 33:1

Nyeni ide siceu nya mitimek bingwig! Mbro nok gino hi pos ide ndigban leu yok bi lo, ipos nyende ndigban tu. Mbro nok gino hi bakilak yo bi lo, ibakilak nye tu. Noro mpe dino nituti di ipos ndigban ba, ibakilak tungwatu nya ngwig hon nohonti tu lene hiter mipos ide ndigban ba, ibakilak yok.

HABAKUK 2:17

Jiwim baham tindurti ei Libanon tu. Gima rino tungwatu nya miwim jeni drek dip. Jibui mindhe-ndhe nya ei bahamti dima bingwig su. Gima rino mindhe-ndhe nya mibindei ba, jingon ttin nindig bibor. Mun dini yok hagom micut igkep je drek dip gi jihwen mun bijimbuk tut minu dima yok bitut ide minu ndig nya kin timiei minu ndig dima yok.

YEREMIA 27:7

Ngkiai nya yahagom miyoom yonti binok awak mem noni kin nipmot kin nignyon kikau ug bipek mpe dino nide ninyeng tak kepti bicut kep. Leu api mben Babel miyoom yonti binok awak mem mben di isindem bibor nya kin nibou ndig di inyeng jei bibor nya.

NINGAT-HI-NGAT NYA 6:10

Iba ighyet nindig bahara “Na di Tuhan di Sindem Bibor cem di kwes-kwau cem di ningon gom cem e, njap pig bu leu api ambus tungwatu dihyeisi ingonti ba, akes hukum ei yok dip drek dip gi ihwen nye i?”

ZAKHARIA 14:12

tuhan mikes nsuwer ajar di buhun bibor ei mben di ikon pran bit timiei Yerusalem nya yahagom dip. Nsuwer ajar dima bindei ba, igyai njep kin idweb kin ingut titut yam hagom jet ba, mpiei.

ZAKHARIA 1:15

Noro digga ngkiai nya di ikan bipia ibong kei igwam kei nya. Lewo tirigi po disindui sut ba, Ditde niggati jo kep Ditde limwa nya bigyo ne ngkiai dima yok ikum ei ninghuisi di weiti bak Ditde limwa nya.

HABAKUK 2:10

Noro jiyaisi dima bindei ba, jide bat nya immai sut yonti. Jibindei ba, mun di buhun bibor cut igkep jenti drek dip gi jiya kep mben di dihyeisi dini imang bibor bitimek bingwig tu.

YEREMIA 51:48

Tirigino minu Babel cut ug ei ngkiai nya di ikwei leu nite bei mpia nijjai di ibindei timek yok indati ne mun nyeng hagom ei mpia-bbed him kin dihyeisi dini mimbos-hi-mbos bigyai nillei ba, ingon kei kep.

YEREMIA 51:44

Midikes hukum ei mben Babel ide kwar Bel dip ri. Midibindei ba, noni mingkwei mun ngot di pos tu nya hagom hanyen leu api ngkiai nya hi mikuk no bak bu bi. Minu Babel de ngug tig nya hagom lus tu.

YEREMIA 51:24

tuhan pai “Nogindini dibirop bak minu Babel kin timiei Babel nya tut ide niyai mun kineisi di bitut minu ndig Yerusalem hagom hanyen ba, jingat gima bou jiyai him a.

YEREMIA 51:13

Minu dima nyeng bibor ba, nide minyei pmem nya mang. Noro ttou bou dem ba, niyaijo ningwig honti tau kep tu.

YEREMIA 51:8

Noro minu Babel cut bikimbo kros hak. Ma jipim tut noni bijinggok obat mem nibokti nya. Leu hi rima kei hanyen e?

YEREMIA 50:37

Ma jibindei sar ide kuda kin kroba pran nya bitut tentara ningot kep yok nya hak ug! Yoni inghuisi jet bibor! Ma jicok tut Babel de mun di nyeng tut nya bijipos nide ndigban nya hagom!

YEREMIA 50:28

Yo di inang leu minu Babel biyuug ei minu ndig Yerusalem ipui sut notou ide tuhan Allah birop bak mben Babel drek dip ide nibon munti bitut tuhan De Ig.)

YEREMIA 30:16

Noro tini bu ne midipinde yo di ipinde je yahagom. Ngkiai nya mikat jide siceu nya yahagom bikri yok ug ei ingkiaisi. Midico kep yo di ico kep je bidipos ndigban leu yo di ipos jide ndigban yahagom.

YESAYA 47:6

Nipou yo ne digga Ditde limwa nya leu api duubon yok nok Ditde limwa nya bi. Apino dikes yok ei andati ug a. Leu api agingondut yok bi ba, aco kep ndigpoi koi nya kinei-kinau.

YESAYA 33:4

Ide siceu nya inoyam kin hai ceng di ngwig kep yok bipos ide ndigban bingwig leu yok.

MAZMUR 137:8

Je di mben Babel e, mijimai bijiwer nimbiam! No di birop kin hukum hanyen bije dem igbit jide nikinei sut nyeti ne ningon nggei-hi-nggei.

YEREMIA 50:14

Je di jikri tibor kan e, jidimig jide nimpung tentara nya leu binhyepo jinjei siceu bijiyon ttai minu Babel leu api jicoi bijihwen. Jikri jide tibor bijikes ndam minu Babel bihigom lewo ibon sisar tut Da tu.

YEHEZKIEL 28:16

Abou ngwak sibui sut nitri-nibipek mun apino gima bindei ade nimbuk biborti kin nibon sisarti ug a. Apino dicom na leu Ditde nungug di kwes ba, malaikati di ya ser na jji na leu mpia di tig permata di jimjit kei dima joti a.

YEHEZKIEL 39:10

Ba, suar yuug ei miaisi mem gima irop biei bi suar yuug ei bahamti mem gima iwim biei di mui cem bu bi. Lewo minggwen di nimbiam imai leu dima yok mang bibor bidem mem gima ibindig kigkep huma. Yoni mipos ndigban bicat ningwig leu yo di nipou yo ipos ide ndigban ba, icat ningwig leu yok hanyen bu. Da di tuhan Di Dinyeng Jei Bibor disimbot dat tu.”

AMOS 3:10

tuhan pai “Timiei minu ndig Samaria iba mun di igyai tunggwei sut yam bipos ndigban nindig bibor leu tungwatu nya binju hagom ei ig nibou ndig nya ide. Bit bon iba ingon gom biyai mun nyeng gom kan bi.

OBAJA 1:15

“Njap di Da di tuhan digwam nok nikei bidimbus ngkiai nya yahagom ingonti dideu su. Midibuhup mun di mben Edom ibon bak yonti hanyen. Ingkek kan bipia mun di ibon micut igkep yok hanyen.

NIPINGOK NINGONTI 22:23

Lewo tuhan mimbrap gau yok tut ide munhyet bikus yo di isrep huk yok innei leu.