HABAKUK 2:5 - ALLAH NIHYET MEM TUNGWATU NYA

⁵ Ninyeng tut ndig ban nindig bibor ris mun bak no di nyeng tut. Yo di idrui bou ngwak yahagom ingon jei ba, ingon bos-bos nyen. Yoni inoyam kin minu nimai nya ide di ningon cut hon yo di imai nya imangti bi sren. Gima rino tentara Babel ikon pran bit mben dihyeisi dini bijo-jo yam dip bipos ndigban mem yonti.

HABAKUK 2:5 ပူးပေါင်းရင်းမြစ်များ

NIBOU NDIG NYA GI NICAN 14:10

Na di Amazia e, abindei timek mben Edom tu apino angon jei sut ayaisi dima. Gino abindei timek siceu lene gima dem bi e? Handei kon ba, agwam hak ei ig bei! Apriet kin munhyet di mibindei ba, mun di buhun micut igkep nanti kin ade limwa nya hanyen mem mindei i?”

MAZMUR 138:6

Mbro nok gino akei-kau-kei lo, angig ayai kep yo di ikinei-kinau nya. Bit bon yo di ingon jei nya iku yonti nding leu ayai him kan bi.

NIPINGOK NINGONTI 20:1

No di dut pes di pu no ningkek ndok lewo nidut pesti bindei ba, tungwatu nya iliriem yam ba, ibui yam drek dip.

NIPINGOK NINGONTI 21:24

No di llei-lau ba, nggei-nggwang cem llei sut ba nihyet yai hiter cem ningkek ndok.

NIPINGOK NINGONTI 27:20

Minu nimai nya ide bon ningwakti mem nimai hi kin bu bijo ninno. Nok gima cem tungwatu nya ingut kanti nya ug hon nohonti bi.

NIBA NINGON SRIP HUKTI 5:10

No di nyeng di kum ei ndigbanti bindei ba, yo di inggiuk huk noni imangti kum eisi sindam. No dima tug ndei mun di kei drek dip ndigban dima bi. Noro gi kan tut he rino noni nyeng.

YESAYA 14:6

Nibou ndig di isibut dima yok iba ide niggati bico kep yo di icut biyok nya ba, ihwen bit yok bijo kikau.

YESAYA 16:6

Timiei Yehuda nya ipai biyam “Nimiap tut minu Moab nikon nontiti tu. Nikan tut bipia yoni ingon jei ba, ikon yonti. Ighyet nok bu tan ba, ipaisi nya isuglai mun he.”

YESAYA 2:17

Yo di inggei sut yonti inyeng micut ba, yo di ingon jei mikuk yok bak tuhan lewo suar tungwatu nya yahagom ikon Nongkom ninyenga.

YESAYA 21:5

Dingat njita pesta kin banggo mem yo di ijem yok kwei igwamti cem di itin ei su. Leu api igyem njita bibidut ndia ngei. Leu api nicukti gom tibim kros kwei bipai “Nibou tentara jen! Jitin ei jide mun di jibipukep tibor ninggwenti nya di jibicuon jiyaisi!”

YESAYA 5:14

Minu nimai nya ide hap niji bininsi bet mem gima pinde pinjoi ndig di inyeng jei ei minu ndig Yerusalem nya bitut limwa di igyai nillei ei pestati dima yahagom.

YESAYA 5:8

Buhun bibor mem je di jipek ig nya bijiyai miai di hiter nide leu binhyepo jibikum jide mun di jinyeng tut nya bu! Jei bi ne minu dima bon nibresti mem nindigsi nya bi. Leu ba, je dima he mijibong ser.

YEREMIA 25:9

‘Midinduk ngkiai nya yahagom kwei leu nite bei mpia nijjai kin Ditde awak Nebukadnezar di nok nibou ndig mem minu Babel cem kwei. Midiya tut yo dima mem gima ikon pran bit minu Yehuda bitut nide limwa nya kin ngkiai nya di ibong ttai yok yahagom. Midibindei sar timiei Yehuda kin ngkiai nya di ibong ttai yok yahagom lene midisindui sut ba, ijjem bijo ninno bijo kikau. Yo di ingat ditde niyai munti dima idigit tut ba, igyai ngkek ttin. Da di tuhan disimbot dat tu.

YEREMIA 50:29

tuhan pai “Jicuk yo di ikri tibor kan nya ba, icoi minu Babel biprindei yok ba, imai ug. Bikwop yo di ikri tibor kan nya ma jinjei sut yok bijiyon ttai minu ndig dima. Ma jisindui sut tungwagom binang ba, ningwes ngun au. Ma jibirop ide nibon munti nya hagom. Ma jibibon yok bit leu ide niyai munti nya. Lewo ibon mun kinei-kinau tut Da di Allah mben Israel Di Dikwes-kwau tu.

YEREMIA 51:39

Tirigi ingon kui mem gima igyem njita lene miditin ei njita mem yok. Midibindei njita dima pu yok ba, ibou ngwakti sibui kikau ba, ibibong mai lene igikiju hanyen bu bi.

HABAKUK 1:15

Mben Babel iba simper bibrim tut tungwatu nya noyam kin gi ibrim tut wau nya. Ipip tut tungwatu nya ei ide jala nyati lene inggei ngwig sut yok!

HABAKUK 1:17

Iba ingon di nggriu kan bi bimem inghat tut ide simeda bibiyai nimai bak mben dihyeisi dini kikau e?

HABAKUK 2:4

Ma apas kep ‘Yo di imbuk bibor mingwes ngun bi noro yo di ingon sren nya migyai niyaijo drek dip ide ningon gom tut Allahti.’ ”

TESALONIKA GI NIGOM 4:11

Ma jita jibou ei ningon di jo nyahanti kin nibiang jenti jide minaisi ba, jibitug ndei mun di jisuar nya tug hon gi jinda jo kep jide midyai nya. Gima hagom bit leu nok gi nicuk je tut nipou su.

YAKOBUS 4:6

Mbro nok gima lo, nisingat tutti di Allah yai binye sindem bibor dor njiriek bu. Bit leu nok gi ipas ei Allah nihyetti “Allah timbe tut yo di ingon jei noro singat tut yo di iba ibou coi mem yam.”