HABAKUK 2:3 - ALLAH NIHYET MEM TUNGWATU NYA

³ Ma apas kep nimbot kepti dima lewo tto bou dem mem nipek kepti bigyo. Jei bi ne tto bou dem leu api nimbot kepti dima mipek kep mem je dem igbit dipaisi. Mbro nok gino tto bou dima dem bigyo lo, ma amem ser nitausi! Dipreu ei mem na bipia mun dima mipek kep lene binyen bi.

HABAKUK 2:3 ပူးပေါင်းရင်းမြစ်များ

NIBOU NDIG NYA GI NICAN 6:33

Nipou tirigi Elisa kes nihyet bigyo lene nibou ndig dima kwei krau bipai “tuhan bindei ba, mun di buhun bibor dini cut igkep nye! Nggon rino dibet dingon mem gima Noni yai nibou bingondut nye i?”

MAZMUR 102:13

Noro tuhan e, Nani ne Nibou Ndig dijo ninno bijo kikau ri. Tungwatu nya ide nintun him yamti di bram yam nya migyok ngon kep Na.

MAZMUR 27:14

Ma ayok ngon mem tuhan ba, akum ei ade niba ningon comti. Ma angon cut leu au. Ma aba angon com tuhan!

NEHEI LEUSI 12:41

Hammi tirigi ari bingwam sratus bitai ningot ningai dima ngwig leu su rino tuhan de limwa nya bikwop ide mben yahagom imbut bihigom leu minu Mesir.

YESAYA 30:18

Mbro nok gima lo, tuhan mem kep ser nituti tirigi Noni ngondut je. Noni tin ei mem gima singat tut je lewo Noni ne tuhan di bon mun di igbit. Yo di iba ingon com Noni igyai ingon di nggei-hi-nggei.

YESAYA 7:4

Acuk noni bipia tindei ser siceu nya noro ma ningon jo nyahan. Ma noni ttin tut yok ba, ningon buhun au. Lewo Nibou Ndig Pekah kin Nibou Ndig Rezin bitut tentara Siria yahagom ide niggati noyam kin bui priot can di tti tut nimmup he.

YESAYA 8:17

tuhan ku No binding leu Nide limwa di intun Yakub him nya igyai him noro diba dingon com Noni bidiyok dingon mem Noni.

YEREMIA 27:7

Ngkiai nya yahagom miyoom yonti binok awak mem noni kin nipmot kin nignyon kikau ug bipek mpe dino nide ninyeng tak kepti bicut kep. Leu api mben Babel miyoom yonti binok awak mem mben di isindem bibor nya kin nibou ndig di inyeng jei bibor nya.

YEHEZKIEL 12:25

Da di tuhan Di Dinyeng Jei Bibor dimbrap bit mben Israel bu ba, mun di dipai nya hagom micut igkep yok ba, miditum dingon tut gima bu bi. Je di nimpung naham nimbuk kep Allah e, ma jingig jitingou mem! Dibindei mbut mun nyeng hagom di disok kep je tut nya mem nijam di jiyaijo yo dini. Da di tuhan Di Dinyeng Jei Bibor disimbot dat tu.”

YEHEZKIEL 30:9

Mpe di njap dima dem ba, minu Mesir timek tu lene midipinak tungwatu nya di ibri kibar minyei nya mem gima yuug bigyai mben Sudan ingon di digit biyok lewo ikan tut minu Mesir nicutti bi. Ba, gima mibindei ba, igwam nittinti. Ningat ne njap dima dideu su!”

DANIEL 10:14

Dikwei mem gima diba ningat-hi-ngat gom kin bu biyai angon di huk niti tut mun di pek kep mem ade mben nya ei nidipti bu.”

DANIEL 11:27

Leu api nibou ndig cin dima igwam meja gom bigyem njita bit yam. Noro iba ingon kanti di kinei bibor biris mun ei yamti. Ingon kanti di ikos tut nya cut hacan lewo ngon bou dem bigyo.

DANIEL 11:35

Nibou di ingon ki pima ibou poi igyai nimai noro imaisi dima bindei ba, map kui ide limwa nyati bu bi noro ingon kwes kei. Mun dini yok mbut kikau ug bipek nijam ningwig honti di Allah kos tut tu.

DANIEL 8:17

Leu api Gabriel di ya doho bei dima son dideu da apino didigit tut nindig bibor biditti ug ei dihyeisi. Noni pai bida “Na di tungwatu di ayaijo kikau bi e, suar akan tut bipia ningat-hi-ngat dima bindo tut nijam ningwig honti ri.”

DANIEL 8:19

“Midindo brei bina tut mun di mipek kep ei nidipti bu tug hon Allah de nigga biborti. Lewo ningat-hi-ngat di angat pima ndo tut nijam ningwig honti ri.

DANIEL 9:24

Allah kos tut bipia ug ei nijam ari bingwam nitindur sratus bitai ningot muhwindatai ne Noni kwek asut bat mben Israel nya kin jide minu ndig di kwes-kwau dima leu sisar kin mun di mbuk nya ri. Noni kos ser sisar leu api ta ninyeng tak kepti di sren-srau di jo ninno bijo kikau leu binhyepo ningat-hi-ngat bitut nimbot kepti dima dem igbit ba, Nide limwa nya ipiga tuhan De Ig di kwes-kwau hanyen ei mem Noni.

MIKHA 7:7

Noro nye di iba ingon com tuhan ne iba ingon di nddong bicem kep puig ser ide Allah nikweisi. Noni mimiap kep ide nadi biteu nye ba, ingwes ngun.

ZEFANYA 3:8

Noro ma jingon sok kep jenti! Jigwam hak bibou njap dima dikiju nok No di pai kep je ug e. Lewo dikos tut mem gima diba mben nya kin ninyeng tak kepti nya bicom yam leu api dikes Ditde nigga biborti ei yok dip tu. Ditde nigga biborti di nok hum di cig-cai miyem dihyeisi dini titut yam bitimek bindung-ndiem.

MBEN ISRAEL IMBUT-MBUT NYEN 23:19

Allah kin tungwatu nya inoyam bi. Noni luei ningonti nyen ba, ris bak tungwatu nya kan bi. Noni yai hagom bit leu nok nipreu eisi tu! Tirigi Noni mbrap lene dem igbit nipaisi!

LUKAS 2:25

Mpe dima lene Simeon no bong ei Yerusalem. No dini ningon sren bittin tut Allah lene mem kep ser tto bou tirigi Allah miteu mben Israel. Ninnei Gi Kwes cem ningat rin bit noni,

KISAH 1:7

Yesus buhup, “Dicig Nongkom kos tut nituti kin nikwesti mem mun dima yok hagom. Noni ce tut mun dima yok jo ei nibreisi mem je bigyo lewo jem bou nikos tutti dima mem Nonti.

KISAH 17:26

Noni ripo pai tes tungwagom nok ide pung di intun him lene bindei ba, tungwatu nya ibong bidem dihyeisi dini nisurti-nipekti. Nipou tirigi Noni pai tes yok bigyo ne Noni nyohou kos tut ide nijam di igyaijo kin mpia ttou nsi di ibong eisi cem.

GALATIA 4:2

Tirigi mahan bigyo lene nide andigpoi nya igyok igyai kep niyai munti nya bittei nibou nok nibou di kos tut mun di bitut noni hagom bibou tto bou di nicig preu ei mem noni dem ug e.

PETRUS GI NICAN 2:3

Guru dini yok ingon pri kep mitiei nindig bibor. Ibrim mitiei leu je tug hon mumpui di itri tut bije bit leu yonti ingon kanti nya. Noro Nikei di mikes hukum ei yok dip tin ei mem yok mimbrek tu. Ba, No di mibindei cut yok niyai nggrop nggan.

PETRUS GI NICAN 3:9

Mbro nok gino tungwatu nya ikan bipia Tuhan binyen tut mun di Noni preu ei mem nye biyai binye bi lo, Noni om ningon tut je lewo joi sut tungwatu nya isar bi. Noni joi sut yahagom ittin ser ide sisar bikiek ndam Allah.