HABAKUK 2:2 - ALLAH NIHYET MEM TUNGWATU NYA

² tuhan buhup bida bipai “Ma apas kep mun di dimbot kep bina nok igbit ei srat gomti leu binhyepo nibokti jo nibreisi ba, krop kei mem no di kwop.

HABAKUK 2:2 ပူးပေါင်းရင်းမြစ်များ

YESAYA 30:8

Allah cuk da leu binhyepo dipas kep Nide limwa nya igyai munti di mbuk nya ei srat mbum nibiyok ngon kepti di mijo ninno bijo kikau.

YESAYA 8:1

tuhan pai bida “Ma ayai tig pas nindig bibor leu api aba hurup nindig bipas eisi ‘Nibrim Kep Mun Sinti Cig’ kin ‘Nipos Kep Mun Haninyai Cig.’

YEREMIA 30:2

pai bida “Apas mun di dipai bina dini hagom ei srat gomti,

DANIEL 12:4

Leu api malaikati dima pai bida “Daniel e, nogindini ma akibou kep srat dima lene aba lem bikrau kep ser leu binhyepo jo nok kikau ug bipek nijam ningwig honti. Tungwatu nya imang bibor ibingon mem gima inggok tut mun di sindi pek kep lo, icom yahanggwap mikui-kausi he.”

DANIEL 7:1

Mpe di Belsyazar ninyeng tak kep mem ari bingwam gom tu lene dibong mai mem mmun gom leu api dimumpriem bidingat ningat-hi-ngat. Dipas kep ditde mumpriem ei srat meng gomti,

ROMA 15:4

Srat bokti ei Allah Nihyetti hagom ngginau nye. Lewo Allah Nihyet ningginau nyeti bindei ba, yoom ingon ba, biwin ingon cem. Apino igyok ingon mem Allah.

KORINTUS GI NIGOM 14:19

Mbro nok gima lo, tirigi mbusyamei nya idem yam lene dijoi sut gino dipai dihyet nitun muhwi bitibim brei ei duhui him ba, yo di mbusyamei nya imiap igbit leu gi ma diba nihyet mindur bipai dihyet sribu simnai biyok a. Dingon llei sut nok gima leu binhyepo dibingginau yok.

KORINTUS GI NICAN 3:12

Gima rino nibrim ningkek kep tungwatu nya lewo niba ningon com mun di jo kikau buug hon nohonti bi dima.

NINDAT KEP TUHAN NICUKTI NYA 27:8

Suar jiba hurup di sieng kei bipas kep Allah niggai serti nya hagom ei tig po jiba kapur bihwen pima nidip a.”

NINDAT KEP TUHAN NICUKTI NYA 31:19

Nogindini ma apas kep doia dini lene ma angginau mben Israel tut lewo doia dini rinok mun di bindo tut igyai munti nya.

NINDAT KEP TUHAN NICUKTI NYA 31:22

Lene Musa pas kep doia dima mem njap gom ndia leu api ngginau mben Israel tut.

NINGAT-HI-NGAT NYA 14:13

Leu api dimiap nihyet gom di tibim kwei leu gwamti bipai “Apas kep gini. Hon kep nogondini ne yo di inda jo kep midyai di igyai mem Allah di igyai nimai hon kep ammani kui drek dip midyai dima ingon nggei-hi-nggei.” Allah Ninnei buhup “Igbit ri! Yo dima miba ingon di llei bibor bikes inda tut ide midyai di buhun bibor lene ningat di kei di ntun yok him bram yok.”

NINGAT-HI-NGAT NYA 19:9

Lo bi lene malaikati dima cuk da “Ma apas kep srat nok gini ‘Yo dino Allah hig yok kwei mem ibon pesta bit Domba Pmot niwak nitnemti ne ingon nggei-hi-nggei.’ ” Lene binut nihyet gom kin bu bipai “Nihyet dini nijit-jau rin ba, tibim leu Allah nuhui him.”