HABAKUK 1:9 - ALLAH NIHYET MEM TUNGWATU NYA

⁹ Tentara dima yok igya bidem ide siceu nya itimieisi lene iba ingon di mbuk bibon yok lene ibindei ba, tungwatu nya yahagom idigit tut ikweisi. Tungwatu di bit bon hi kwop imangti kan bi nya icut bak yoni lene siceu nya ikat yok biyuug sut.

HABAKUK 1:9 ပူးပေါင်းရင်းမြစ်များ

ROMA 9:27

Lene Nabi Yesaya simbot dat tut mben Israel bipai “Mbro nok gino mben Israel imangti dem kep iggum ei muk nipimat lo, ibou poi he migyai niteu leu sisarti kin niyaijo nijep.

HABAKUK 1:6

Midiyai nisindemti bak mben Babel di iten-pos bimbuk bibor cem. Yoni sindi injei siceu bimbut bidem dihyei nisurti-nipekti leu binhyepo ikon pran bit mben dihyeisi dini bihwen yok.

HOSEA 13:15

Mbro nok gino mben Israel ibong kei igwam kei noyam kin minta di nnum kei lo, midibindei ba, hou di wam bibor di cut kwei leu mpia nipriti bindei ba, ide minyei bousi nya hagom pingge bingwig. Hou dima mipijuk mun di bon ninyeng hagom bingwig leu yok.

HOSEA 1:10

Mben Israel midigek kep mpia ba, imangti noyam kin iggum ei muk nipimat nimangti apino bit bon tungwatu nya ikwop imangti ba, inai ide minu nijeisi cem kan bi. Nogindini Allah hig yok “Jinok Ditde limwa nya bi.” Noro jei bi ne Noni hig yok “Dani ne Allah Di Niyaijo rin ba, jinok dimunggwom bat nya!”

YEHEZKIEL 19:12

Noro nigga kep mun cig nya yohom binjei ug ei dihyeisi. Hou mpia priti kuisi bibindei ba, ninjem di ngun-ngau mui hak. Ninda nya dahat bimui leu api indig kep hum.

YEHEZKIEL 17:10

Ningat ne biei dima ya bingkiem lo, mehei kikau ba, bindig nut ug e? Gino hou mpia nipriti kuisi lene mimbriong bi e? Mimui ei niyati di ha krubri gi nigom nita eisi pima bi e?”

YEREMIA 34:22

Midiyai bindo biyok leu binhyepo tentara nya ingkwei hanyen kwei ei minu ndig dini. Leu api yoni mihwen minu ndig dini ba, igyai bigyati leu api indig bitimek. Dibindei ba, minu ndig ngot di jo ei minu Yehuda dem kep iggum ndigsi di hi bong ser bu bi. Da di tuhan disimbot dat tu.”

YEREMIA 25:9

‘Midinduk ngkiai nya yahagom kwei leu nite bei mpia nijjai kin Ditde awak Nebukadnezar di nok nibou ndig mem minu Babel cem kwei. Midiya tut yo dima mem gima ikon pran bit minu Yehuda bitut nide limwa nya kin ngkiai nya di ibong ttai yok yahagom. Midibindei sar timiei Yehuda kin ngkiai nya di ibong ttai yok yahagom lene midisindui sut ba, ijjem bijo ninno bijo kikau. Yo di ingat ditde niyai munti dima idigit tut ba, igyai ngkek ttin. Da di tuhan disimbot dat tu.

YEREMIA 15:8

Jide minu dima mpung tut kibom nya ba, imangti dor njiriek iggum di jo muk nipimat nimangti. Diyai nimai bak jide pinai pilei nya bimai hanyen ei ipilei yo apino ipmem bat nya ingon ngguk tut yok. Dibindei ba, nihwen mun cig gom hwen yok mem mpia njap apino ittin ba, ingon digit bibor.

YEREMIA 4:11

Nituti dem leu api hi mipai bak timiei Yehuda nya kin timiei minu ndig Yerusalem bipia hou umbrek di dut micut kwei leu iggum ndigsi ba, sindi kui ndam yok. Hou dima ne hou nitu he di miep pas ntam di bit nimig rin bi.

YEREMIA 4:7

Nihwen kep mben cig gom sindi mbut kwei mem gima bindei sar timiei Yehuda nya dem kep nok singa di hei leu niku no eisi. Noni minggek minu ndig ngot di jo ei minu Yehuda binggek sinsiou apino hagom midem kep nok ha ngunti ri.

YESAYA 27:8

tuhan kes hukum ei Nide limwa nya dip tug hon gi com yok ug ei ingkiaisi. Noni ba hou sibut di cut kwei leu mpia nipriti bijji yoni.

MAZMUR 139:18

Gino didem mem gima dikwop angon kanti nimangti ne nimangti dor njiriek iggum di bigbibor nimangti. Tirigi dida diyai dibinut bu bidikan-kan nyen tut Nani.

AYUB 29:18

Ei nijam dima ne diyok dingon mem gima duug krau ditde njap di jei apino dinnei mikimbas nyahan ei danti ditde ig.

NIJAM NIKEI NYA 7:12

Lo bi lene mben Midian kin Amalek kin ngkiai nya di ibong bidem iggum ndigsi yahagom ikieng kep mbang briep dima dem kep nok hai ceng nya di igyem mpia ei dihyei ninjek dip. Ide unta nya cem imangti noyam kin iggum ei muk nipimat nimangti.

NITRITI 41:49

Gandum ngan di imbus keyam dima kum eisi nindig bibor ba, bit bon Yusuf kwop nide kilo nimangti kan bi. Lewo nimangti dem kep iggum ei muk nipimat nimangti.

NIBOU NDIG NYA GI NICAN 12:17

Mpe dima lene Hazael di nok nibou ndig mem mben Siria hwen minu ndig Gat leu ba, yai biyati tu. Lene noni kos tut bipia mihwen minu ndig Yerusalem cem.

DANIEL 11:17

Leu api nibou ndig minu Siria tin ei nide tentara nya yahagom mem gima injei bihwen minu ninyeng tak kepti ei nite bei mpia nibiho titut yam. Ningon kanti mem gima bindei timek nide siceu dima tug hon gi igyok ingon gom kin gi ndo nipmisop bak nibou ndig minu Mesir ba, bindei timek nide ninyeng tak kepti. Noro ningon kanti di tin ei dima pek kep bi.

HABAKUK 1:17

Iba ingon di nggriu kan bi bimem inghat tut ide simeda bibiyai nimai bak mben dihyeisi dini kikau e?