HABAKUK 1:8 - ALLAH NIHYET MEM TUNGWATU NYA

⁸ Ide kuda pran mbut sindem dor njiriek macan tutul ba, iten-pos dor njiriek serigala di nggum bibor. Tentara Babel nibri kuda cig dima yok ikwei leu ting bibor ba, ide kuda nya injou mbrap bit dihyei. Ba, ikweisi noyam kin hacam krubri di dwop-dwop nyen di cut bisus mun di yem.

HABAKUK 1:8 ပူးပေါင်းရင်းမြစ်များ

AYUB 9:26

Diyaijoti tunggwei da haninyai dem kep kibar di mbut sindem ei minyei ngwa dip ba, dem kep hacam di dwop juk bisus mun di yem cem.

YESAYA 11:14

Yahacem minjei siceu ndam mben Filistin di ibong nite bei mpia nicutti ba, ihwen bipos mben di ibong bei mpia nipriti nya ide ndigban cem. Yoni mibindei timek mben Edom kin mben Moab ba, mben Amon ibou micut biyoni.

YEREMIA 4:13

Jingat i, siceu itau kwei ba, idem kep bumbuhui di tap a. Kroba pran di ide nya dem kep hou sigau di cut a. Kuda di ide nya idor sindem dor njiriek ha krubri cem. Ayo! Buhun bibor mem nyeni o! Nyeni yahagom isar ug rin o!

YEREMIA 48:40

tuhan pai “Mben ngkiai gom mikwei bisus minu Moab noyam kin ha krubrig di cut bikieng ninyehei bisus mun di yem.

YEREMIA 5:6

Gima rino singa di lus-lus nyen kwei leu bigbehei nya mikwei ttem yok biyai nimai biyok. Lene nsien bigbehei di lus-lus nyen kwei leu iggum ndigsi nya mikrau nikwai tut yok birik-rik nyen ingkek. Macan di nillikti mimbut-mbut wai binggok mun di yem dideu minu ndig nya. Ba, mindhe macan dima mittem bikwop no di hei leu minu ndig. Mun dima yok hagom cut igkep yok lewo ibon sisar mang bibor ba, iba inghim bak Allah nyen-nyen cem tu.

YEREMIA 50:42

Yo di isibut bibor di igikan tut nikos ser sisarti bi ikiju tut ide hampiap kin micim. Ide kuda di ibri di dor mem gima ibihwen mben Babel nya nibimbiti dem kep muk di tti a. Injei siceu ba, ikinyon ei nikon pran bit mben Babel tu.

NIBWOS-BWOS NYENTI 4:19

Yo di igyon igkep nye imbut sindem bibor ba, ide nimbut sindemti dor njiriek ha krubri nidwopti cem o! Igyon igkep nye ei nungug him kin iggum ndigsi o!

YEHEZKIEL 17:12

“Ahig ser naham nimbuk kep Allahti di nijit cig dima yok bipia ingon huk niti tut nihyet nibiti nindati dima e? Apai biyok bipia nibou ndig minu Babel kwei ei minu ndig Yerusalem bikat nibou ndig Yehuda bitut yo di igya kui noni di ibong ei minu ndig dima yahagom buug sut ug ei minu Babel tu.

YEHEZKIEL 17:3

di Da di tuhan Di Dinyeng Jei Bibor dipai mem yok tut ha krubri di nindig bibor ningut gom di bon ninta kei-kau-kei ba, ninyehei nyan ba, sindem cem. Ha dima kon ninyehei bidimba ug ei nungug him ei minu Libanon bikot biei buom gom ninggrupti,

YEHEZKIEL 26:11

Nimpung tentara di ibri kuda dima miba singau simeda biya kep ade timiei nya kak puig sinon ba, ibiyai nimai biyok. Inggek ade cou nindig nibiyok ngon kep di aba tig biwin di nindig bibor di ngkiem kei nya leu api hagom mitti ug ei dihyeiti.

HOSEA 8:1

tuhan pai “Ma jibindei bimbi pun mbrei tut mun di buhun a! Siceu injei bicoi Ditde minu mem gima ihwen ba, ihwenti dima noyam kin hacam di cut di sus mun di yem a! Ditde limwa nya itunggwei Ditde nipreu ei bit yokti bisrep tut Ditde ningginausi nya cem tu.

NAHUM 2:5

Nibou tentara hig nide limwa nya bikiju kwei leu api ihwen siceu noro indrat mpia kikik. Iba ibinang bibisau ndam ngug tig biyohok ig jibei ser siceu nya ide tibor ninggwenti bicuon ser yo di ikrau dihim di ibihwen dimbou pmem ei ngug tig.

ZEFANYA 3:3

Nibou di inyeng jei ei minu ndig dima idem kep singa di yau-yau nyen. Nikei nya idem kep serigala di nggum. Iduhwen bibor apino igibet ndia njum gom bijo ei mem njap di hyep cem bi.

MATIUS 24:28

Lewo ha di nindig krop di yem kep mun di mpiei nya ingat rin ei nimbiam nijoti.”

LUKAS 17:37

Yo di igya kui Yesus ihig ser Noni “Tuhan e, mun dini yok hagom pek kep mem nye ei siritou i?” Yesus buhup “Tirigi nimbiam nijoti ne hacam krubri nya ingwig kep ei sirima.”

NINDAT KEP TUHAN NICUKTI NYA 28:49

tuhan mijem mben gom di jingon hukti tut ighyet bi nya kwei leu minu nohon keti mem gima ihwen jeni. Yoni midwop kwei bikam jeni noyam kin ha krubrigya.