HABAKUK 1:6 - ALLAH NIHYET MEM TUNGWATU NYA

⁶ Midiyai nisindemti bak mben Babel di iten-pos bimbuk bibor cem. Yoni sindi injei siceu bimbut bidem dihyei nisurti-nipekti leu binhyepo ikon pran bit mben dihyeisi dini bihwen yok.

HABAKUK 1:6 ပူးပေါင်းရင်းမြစ်များ

NIBOU NDIG NYA GI NICAN 24:1

Nebukadnezar di nok nibou ndig mem mben Babel kwei bindei timek timiei Yehuda nya mem nijam di Nibou Ndig Yoyakim ninyeng tak kepti dima. Apino Yoyakim ne Nibou Ndig Nebukadnezar de awak kikau mem nijam ari bingwam ningai ri. Niabiati bu lene kiek nimig jou tut noni.

NIBOU NDIG NYA GI NICAN 24:2

tuhan pinak nimpung nikon minggwen nya leu minu Babel kin Siria kin Moab kin Amon hagom mem gima ikon pran bit Yoyakim ba, ibindei timek timiei Yehuda nya. Gima dem igbit mun di tuhan pai nipou su tug hon nide awak di nabi nya.

NIBOHON MBEN ISRAEL GI NICAN 36:17

Gima rino tuhan pingok ei nibou ndig mben Babel ningonti leu binhyepo njei bihwen yok. Nibou ndig dima yai nimai bak limwa Yehuda nya di ipilei yo nya bitut yo di ingat rin ei tuhan De Ig nya cem ba, gingondut tungwagom ngat cem bi. Noro yai nimai bak andigpoi nya kin pilei nya bitut pinai-sop nya kin yo di inggwen nya kin yo di inghuisi kwes nya yahagom hak ug. Allah kes yo dima yahagom ei nibou ndig mem mben Babel ninda nsi.

NIBOHON MBEN ISRAEL GI NICAN 36:6

Tirigi Nebukadnezar di nok nibou ndig mem mben Babel coi biyai minu Yehuda biyati tu lene kat Yoyakim leu api ba lante biteu nimig-ninda bikri buug sut ei minu Babel.

YESAYA 23:13

Mben Asyur rino isindui sut bi noro mben Babel rino isindui sut mindhe-ndhe di niten-pos ide nisindemti di om kep minu ndig Tirus a. Yoni rino ingot ig ninggilai nut yam di ibiyon ttai ba, ibinggek tentara nibousi niya coi nya ba, ibindei minu ndig dima binggek sinsiou ei cem.)

YEREMIA 13:20

tuhan pai bak timiei minu ndig Yerusalem nya “Jingat i! Jide siceu nya no imbut kep kwei leu nite bei mpia nijjai ma kwei. Jide limwa di diba dingon com je tut nya bijinggei sut yok cem ingat rino hantou i?

YEREMIA 21:4

leu binhyepo yuug pai hanyen bak Zedekia mben Israel ide tuhan Allah pai “Na di Zedekia e, midibindei timek ade tentara nya di ikon pran kikep bit nibou ndig minu Babel kin nide tentara nya. Midipos tentara nya ide minggwen nya hagom leu binhyepo dibirok kik minu ndig nahacanti.

YEREMIA 21:7

Midisindui sut ba, Nibou Ndig Nebukadnezar om ningon tut je bingondut je bi sren. Noni kin nide limwa nya migyai nimai bina kin yo di igya kui na kin yo di ingwes ngun leu pran kin ninggum kin nsuwer ajar cem jahagom. Da di tuhan disimbot dat tu.”

YEREMIA 25:9

‘Midinduk ngkiai nya yahagom kwei leu nite bei mpia nijjai kin Ditde awak Nebukadnezar di nok nibou ndig mem minu Babel cem kwei. Midiya tut yo dima mem gima ikon pran bit minu Yehuda bitut nide limwa nya kin ngkiai nya di ibong ttai yok yahagom. Midibindei sar timiei Yehuda kin ngkiai nya di ibong ttai yok yahagom lene midisindui sut ba, ijjem bijo ninno bijo kikau. Yo di ingat ditde niyai munti dima idigit tut ba, igyai ngkek ttin. Da di tuhan disimbot dat tu.

YEREMIA 30:5

“Dimiap yo di idigit-digoi nya ighyet di yahara tu. Dimiap yo di ingon ttin bibor di ibong kei igwam kei bu bi nya ighyet tu.

YEREMIA 4:11

Nituti dem leu api hi mipai bak timiei Yehuda nya kin timiei minu ndig Yerusalem bipia hou umbrek di dut micut kwei leu iggum ndigsi ba, sindi kui ndam yok. Hou dima ne hou nitu he di miep pas ntam di bit nimig rin bi.

YEREMIA 4:6

Ma jindo hangi puig di ug ndam tuhan de Nungug Sion! Ma jipri haninyai ba, jibinyen au. tuhan tin ei mem mikes mun di buhun kin mun dibindei sar di nindig bibor kwei leu nite bei mpia nijjai.

YEREMIA 4:8

Gima rino ma jipim bijiba nicot pai cem. Jijuk sinsun kron di bindo tut ningon nggukti cem lewo tuhan De nigga biborti di cig-cai cut leu minu Yehuda bigyo.

YEREMIA 5:15

Je di limwa Israel e, tuhan sindi buwak mben gom kwei leu minu ting mem gima icoi bihwen je. Ngkiai nya dima ingat rin ei nipou yo kwei ba, isindem bibor lo, jimiap ighyet bi.

YEREMIA 8:10

Gima rino yo di hiter migyai ide ngoi dumti nya nok ide dihyei ninda rom bu. Midikes itnem bat nya bak yo di hiter bu. Ndigpoi nya kin munggwom nya yahagom iba ingon di sren bi biris mitiei leu yam ba, nabi nya kin imam nya cem iris mun bak ide limwa nya.

YEHEZKIEL 16:40

Yoni micuk tungwatu imang bibor ba, iba tig bihwen na. Lene iba singau simeda bidigo-digo nyen angut cem.

YEHEZKIEL 21:31

Midikes Ditde niggati di cig-cai ei je dip lene midikes je ei nibindei sar mun cig nya indati.

YEHEZKIEL 28:7

Gima rino midipinak tentara ngkiai di iten-pos nya kwei mem gima ihwen na. Yoni mibindei timek ade nikei-kausi nya di atug ndei tug hon ade ningon kiti kin ade ningon di huk niti hagom bingwig leu na.

YEHEZKIEL 31:12

Tentara ngkiai di yoom ingonti kan bi miwim noni leu api indig kep hum a. Ninda di dahat micut bipang yam dip bidem nungug dip nya kin mbang briep nya ei minu dima. Ngkiai nya di ibong nibehei yahagom minang ningwig leu ba, ibikes noni hak ei.

YOEL 2:3

Hai ceng dima mibindei ba, njita beisi hagom timek bingwig noyam kin hum di yem hagom bingkiong. Jide minu di jo hai ceng nya yoho bei noyam kin Miai Eden noro ei inghim dip ne noyam kin iggum ndigsi di kinei bibor. Njita beisi niken hi jo ba, mahai meng hi ningwes ngun leu yok bi.