HABAKUK 1:4 - ALLAH NIHYET MEM TUNGWATU NYA

⁴ Niggai serti nya mbut sindem bibon ninyeng bi ba, nikei nya iba ingon dwei bikos tut mun di srou tungwatu nya. Yo di imbuk nya igyai munti nya dor sindem njiriek yo di ingon sren nya igyai munti nya ba, yo di imbuk nya ikiek nikei nikos tutti nya bibit leu yonti ingon kanti.

HABAKUK 1:4 ပူးပေါင်းရင်းမြစ်များ

NIBOU NDIG NYA GI NIGOM 21:13

Lene yo di imbuk nya ibou poi ipai kep Nabot bipia nihyet wer mpiahi tut Allah kin nibou ndig. Gima rino ikri noni ug ei minu ndig nisai lene iba tig biyai nimai binoni hak ug.

AYUB 21:7

Nggon rino Allah sindui sut ba, yo di isibut nya ide njap jei ei dihyeisi dini ba, ide ndigban cem bikum eisi kikau i?

MAZMUR 11:3

No di ningon sren mibon mindei gino tungwatu nya ide nibon munti nya nggek sinsiou tu i?”

MAZMUR 119:126

tuhan e, nituti dem mem gima ayai abou tut tungwatu nya tu lewo ibit Ade nikos tutti nya bi.

MAZMUR 22:12

Ma ambres Na ei minu ting leu da au. Lewo ditde siceu nya imbris nyahan bikwei dideu su noro hi mpu da bi.

MAZMUR 22:16

Dikibou ngak-cai dem kep nok hum pimbang di ndung ba, didwep rap duhui him. Na di tuhan e, akes da bidibong ei dihyei nindungti tereu dimai su.

MAZMUR 59:2

Ditde Allah e, ateu da bidingwes ngun leu ditde siceu nya inda nsi. Anyohou da leu yo di ikwei hwen da nya.

MAZMUR 59:4

Angat i! Yo dima ingig ser puig mem gima igyai nimai bida. Yo di iten-pos nya ibicom yam mem gima ihwen bit da. Lo, tuhan e, ihwen bit da drek dip sisar di dibon kin diyai tunggweisi cem bi.

MAZMUR 94:3

tuhan e, yo di isibut nya mingon nggei-hi-nggei bipek njap pig bu i? tuhan e, igyai kep igyaisi dima ug bipek njap pig bu i?

NEHEI LEUSI 23:2

Mbro nok gino tungwatu nindigsi yahagom ibon mun di tunggwei tirigi iba ide nimbrap gausi di nijit bi ba, ibiyoom ser ei nikei noho bei lo, ma jitti kin yok au.

NEHEI LEUSI 23:6

Ma jiba jingon di sren bibon no di nuhui mbum di ya ei nikei noho bei bimbot kep tut yo di iba mbrap bit noni.

YESAYA 5:20

Buhun bibor mem je di jiba gi kei kin gi piga kin gi nyop bikiek-kiek nyen bibindei gi kinei kin gi dindi kin gi mpo cem a!

YESAYA 59:12

Ningat ne nibon mun di kinei mang bibor tut Na tu. Nyende sisar nya pai kep nye ba, ninok yo di igyai mun tunggwei ninyen. Ningon huk niti tut nyende nibon mun kineisi nok nijit binikan tut nyende sisar nya tu.

YEREMIA 12:1

tuhan e, gino dikon ditde munhyet bidikes ei Aho bei ne akos tutti nya rino igbit a. Noro suar dihig ser Na tut munhyet di bitut ningon gomti. Nggon rino yo di isibut nya inyeng tut mun di isuar nya hagom i? Nggon rino yo di ingon sren bi nya igyai bipek kep mun di ita ibou eisi i?

YEREMIA 12:6

Yo dima ibakilak na tu lo, yoni he bi noro bitut ade adig-ajoi nya cem. Yahagom ibicom yam mem gima ihwen na. Mbro nok gino ikes igkep ighyet di mmau kei lo, ma aba angon com yok au.”

YEREMIA 26:8

Tirigi dikes dihyet tut tuhan nicuk dati nya hagom tu lene yo dima ikat da kros ba, ighyet ngwig kep da bipai “Suar ma ayai nimai drek dip ahyet di atri tut dima.

YEREMIA 8:7

Kindus kan tut nituti di ngkwei hanyen ug ei nitimieisi. Hakimoi kin hacincau kin ha murai cem ikan tut nijam di ipri leu itimieisi ba, yuug ei mpia ttou nsi hiter bu. Noro je di jinok Ditde limwa nya jigikan tut Ditde niggai serti nya di diyai bije bi.

YEHEZKIEL 9:9

Lene Noni buhup “Mben Israel kin Yehuda nya ibon sisar nindig bibor tu. Ihwen yam bidem minu dini hagom ba, iba mun di kinei birus minu ndig Yerusalem birom-rau tu. Ipai biyam bipia Da di tuhan dikes minu dini ei su bidingat ide nibon munti nya kan bi.

HOSEA 10:4

Isuglai mun bipreu-preu gwai biyam ba, ingot kep yam bingkiem kei tut gi preu di ipreu biyam di bon ninyeng bi cem. Ikiek-kiek nyen nikos tutti di sren kei di jo tu bibindei ba, mun di sren kei bi hei. Ba, gima dem kep krisieu kioi di hei ei miai di ikkin mingau ei su.

AMOS 5:12

Dikan tut jiyai munti di mbuk bibor kin jide sisar di kinei bibor nya. Jihwen bit yo di ingon kwes kei ba, jisindui sut tungwatu nya iba mitiei bingot kep je bijibibon yo di yuhui mbum nya kinei-kinau cem ei nikei noho bei.

AMOS 5:7

Buhun bibor mem je lewo jikiek nikei nikos tutti di sren kei nya bit leu jingon kanti lene jiris yo di hiter ide mun di inyeng tut nya bingwig leu yok!

MARKUS 7:9

Lene Yesus pai biyok bu “Jiba jingon di tek birok Allah nihyet ei jitta leu binhyepo jinyohou jide ningginausi nya.

KISAH 7:52

Jide pung di jintun him nya ihwen bit nabi yahagom ba, injiriek igom bi. Ihwen yo di igya hacan di Allah pinak yok kwei di itri tut Nide Awak di ningon sren-srau nikweisi nipou su. Njap gi pini jug jibakilak bijihwen Allah De Awak dima tu.

KISAH 7:59

Iba tig bihwen Stefanus ninno lene noni hara “Tuhan Yesus e, ayai dinnei leu hak ug.”

ROMA 3:31

Gini ndo bipia ide niba ningon com Kristusti com Puig Yahudi nicukti nya bihigom e? Nok bi! Noro iba ide niba ningon com Kristusti bahati tut nicukti dima.

NINDAT KEP TUHAN NICUKTI NYA 16:19

Tirigi ikos tut mun nyeng hi lene ma iba ide ningon canti bikos tut ba, imbus nggok yo di inyeng jei nya cem au. Ma itindei hiter nindati tut mun nibingot kep yok au. Lewo mun nibingot kep dima tak kep tungwatu igyai bitut yo di ingon ki kin yo di ingon sren nya igyai ser apino gimbun ingon hukti tut mun di igbit kan bi.