HABAKUK 1:13 - ALLAH NIHYET MEM TUNGWATU NYA

¹³ Nggon rino aba ayai ngat tentara dima yok di ibon mun di mbuk bibor i? Bit bon aba ayai ngat mun di mbuk bibor drek dip Ade ningon kwes-kwausi kan bi e? Ayai ngkek ttin ser yo di bit bon hiter ba ningon com yok kan bi nya bi e? Gima rino nggon rino akimut ahui tirigi mben Babel di imbuk bibor dor njiriek nye ikwei bihwen nye i?

HABAKUK 1:13 ပူးပေါင်းရင်းမြစ်များ

MAZMUR 50:3

Ide Allah kwei noro su No nyahan bi. Hum di ninjeng srei kin sigau di nimig ten bibor yon ttai bibie Noho.

MAZMUR 10:15

Ma adahat kep yo di isibut kin yo di ingkek ndok nya ide nisindemti leu yok ba, akes hukum ei yok dip drek dip ide nibon munti nya kikau bibou ikes hon ug e.

SAMUEL GI NICAN 4:11

Gima rino midiba nibuhun biborti dor njiriek gima bu bibuhup bak yo di imbuk bibor di igyai nimai bak no di ningon ngun di bong kep ninghuisi nyahan ei nonti nide ig. Nogindini midibuhup hanyen bije drek dip gi po jiyai nimai bak Isyboset pima ba, dicok tut je leu dihyei ninjek dip dini.”

KISAH 2:23

Allah kos tut ningon kanti mem Yesus nipou su bipia mikes Noni ei jindati. Tirigi Allah kes Yesus ei jindati rino jihwen Noni tug hon yo di imbuk nya di ipek Noni kin biei salib.

YESAYA 64:12

tuhan e, angat mun dima yok hagom bou ayai him apino anghek nye e? Asindui sut ba, niyai niwei kin nidut nindig bibor bu e?

YESAYA 33:1

Nyeni ide siceu nya mitimek bingwig! Mbro nok gino hi pos ide ndigban leu yok bi lo, ipos nyende ndigban tu. Mbro nok gino hi bakilak yo bi lo, ibakilak nye tu. Noro mpe dino nituti di ipos ndigban ba, ibakilak tungwatu nya ngwig hon nohonti tu lene hiter mipos ide ndigban ba, ibakilak yok.

YESAYA 21:2

Dingat ningat-hi-ngat tut mun di cut igkep tungwatu nya di bibon ingon di ttin bibor kin naham nimbuk kep yamti kin nibindei sar yamti cem. Tentara Elam e, ma jikiju bijinjei siceu bijihwen! Tentara Madai e, ma jiyon ttai! Allah mibindei ba, ninghuisi wei hagom di minu Babel bindei mbut nya mikes hon.

MAZMUR 83:1

Doia Asaf

MAZMUR 73:3

Lewo dibou dut tut yo di ingon jei nya tirigi dingat bou diyai him bipia yo di isibut nya ibong kei igwam kei.

MAZMUR 50:21

Jiyai kep gima yok hagom lo, digwam nyahan leu. Gima rino jikan bipia Dani dinoyam kin jeni. Noro tini bu ne dinjei kep jeni ba, dibindei mun dima yok hagom bijo nibreisi mem je.

MAZMUR 35:22

Noro Na di tuhan angat mun dima yok hagom tu. tuhan e, ma aba aji di buhun bikimut ahui ba, agwam ting leu dani au.

AYUB 15:15

Mei! Allah ba ningon com malaikati nya bi. Yoni ingon kwes ei Allah niyai him cem bi.

ESTER 4:14

Ningat ne mben Yahudi miyuum puig hiter di bindei ba, ingwes ngun. Noro gino akimut ahui ba, agwam nyahan hak tirigi mun di buhun bibor dini cut igkep nye lene nanti cem mporo amai ba, hi mintun acig nide ig bei nsi nya him cem bu bi. Tou rikan tut i? Mpaba atug ndei anyeng sop nibou ndig pijum mem nituti di nok gini ug o!”

NIBOU NDIG NYA GI NIGOM 2:32

tuhan mikes hukum nimai ei noni dip drek dip gi po yai nimai bak yo pima nyahan leu ba, dicig gikan tut bi. Yo cin dima ne Abner di nibou pran mben Israel kin Amasa di nibou pran Yehuda nya hi rin ba, yahacem ingon ngun ba, isingat kei dor njiriek Yoab cem noro noni yai nimai biyok.

AYUB 21:7

Nggon rino Allah sindui sut ba, yo di isibut nya ide njap jei ei dihyeisi dini ba, ide ndigban cem bikum eisi kikau i?

MAZMUR 18:26

tuhan e, angon gom tut yo di ingon gom tut Nani ba, asingat bibor tut yo di isingat nya.

MAZMUR 25:3

Yo di yaham di imbuk kep Nani mitug ndei nimmai sut yonti drek dip. Noro yo di iba ingon com Nani mingon nghen leu bi.

MAZMUR 35:17

tuhan e, aba ayai ngat yok he ei njap pig bu i? Ateu da bidingwes ngun leu ide ninjei siceu kweisi dima ba, ateu da bidingwes ngun leu yo di inok mindhe singa dima yok.

MAZMUR 35:25

Ma abigen ser yok tirigi inyohou pai biyam “Sigyo, nyeni ningon kanti pek kep mem noni ba, niyai nimai bak noni tu!”

YESAYA 24:16

Doia nibikon mben Israel di nok mben gom di ningon sren ninyeng no tibim kwei leu dihyeisi dini nohon keti ei tungwatu nya itingou nsi. Noro buhun bibor mem dani! Dicut ug ei nikineisi tu! Nikiek nimig jou tut cig nya no yaham imbuk kep da lene gima mijo kikau yo.

NIBWOS-BWOS NYENTI 3:36

ico kep nikei nya ide nikos tutti di sren nya lo, ningat ne tuhan kan tut bingig niyai kep tu.

HABAKUK 1:14

Nggon rino abibon nye di tungwatu noyam kin wau ei muk ngeisi kin mun ham di ibon iceu di bie tut yok bi i?

ZAKHARIA 8:17

Ma juhum yam nsi mem gima jibon mun di kinei bibor biyam au. Ma jiris mun bijibeheng tut tug hon tuhan ninyeng au. Dingon mpo tut nisuglai-suglai waisi kin nikei nikos tutti di sren bi kin nimbuk tut yamti.”

NINDAT KEP TUHAN NICUKTI NYA 23:15

“Gino awak gom nang leu nide andigpoi leu api kwei hara je mem gima jicuon niyaisi lene ma jicuk bingkwei hanyen au.

AYUB 24:23

Mbro nok gino Allah sindui sut ba, no di sibut bong kei gwam kei lo, Noni ngig niyai kep yok bijo kikau.