FILIPI 4:9 - ALLAH NIHYET MEM TUNGWATU NYA

⁹ Ma jibindei mbut ningginausi kin nipingokti di jiyai leu da tug hon dihyet kin diyai munti nya. Allah di nok nibousi mem ningon jo nyahanti migwam bit je.

FILIPI 4:9 ပူးပေါင်းရင်းမြစ်များ

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

YESAYA 8:10

Ma jinyohou kos dat jingon kanti nya! Noro jingon kanti dima mipek kep mem je bi sren. Nna ba jisimbot kep biyam ninno noro gima yok mikui-kausi he. Lewo Allah Ningat rin kin nye.

MATIUS 1:23

“Sop gwam nitta pilei gom minghop rin ba, misrek tut munggwom nipinai gom leu api tungwatu nya mijem ninyeng Imanuel.” (Imanuel leu nihyet Ibrani gi ibijem bipia “Allah gwam bit nyeni”.)

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

MATIUS 7:21

“Tungwatu nya imang bibor mindat kep dinyeng bipai ‘Tuhan! Tuhan!’ Noro yo dima yahagom micoi bit Allah Ninyeng Tak Kepti bi. Noro bikwop yo di igyai igbit Dicig ei gwamti ningon kanti he micoi bit.

LUKAS 6:46

“Nggon rino jindat kep dinyeng ‘Tuhan! Tuhan!’ Noro jibit dihyet bi i?

LUKAS 8:21

Noro Yesus buhup “Yo di imiap dihyet bigyai igbit Allah ningon kanti ne dipmem kin dikinjoi bat nya ri.”

YOHANES 13:17

Gino jingon dorti tut dihyet dini hagom bijibit lene jingon nggei-hi-nggei.

YOHANES 15:14

Gino jibit Ditde nicukti nya lene jinok disut bat di dingon kieti nya ri.

YOHANES 2:5

Noro Yesus nipmem cuk awak nya “Ma jiyai igbit dipmot nicuk jeti hak ug.”

KISAH 9:6

Akiju ba, aya lene ma aug ei minu ndig dima leu api tungwagom mipingok na tut mun di ayai yo.”

ROMA 15:33

Handei kon ba, Allah di bindei ba, tungwatu nya ibong kei igwam kei ningat rin bit jahagom. Igbit ri.

ROMA 16:20

Jei bi lene Allah di bindei ba, jibong kei jigwam kei mico kep Bilis binem-nnai ei bijehei jimig jou tug hon nisindemti di Noni yai bije. Handei kon ba, ide Tuhan Yesus Kristus mikum ei nisingat tut jeti!

KORINTUS GI NIGOM 10:31

Nnaba tut njita di jiyem kin ndia ngei di jidut ne ma jiba jiyai munti dima yok hagom binggei sut Allah.

KORINTUS GI NIGOM 14:33

Lewo Allah joi sut yo di inyohou dimig mun di bitut mbusyamei sindam. Noro joi sut yo di ibon mun di bitut mbusyamei ariwace bi. Bit leu nok Allah de mbusyamei hagom igyai kepti ne,

KORINTUS GI NIGOM 4:16

Gima rino dibidip huk je leu binhyepo jibit leu bindo di dindo bije.

KORINTUS GI NICAN 13:11

He disut bat jen, gini ne srat ningwigsi ri. Ma jingon llei bibor bijita jibou ei ningon kwes-kwauti. Ma jibit ditde nipingok jeti nya cem jingon kwes kin yam cem jingon jo nyahan mem yam cem. Allah di nok nibousi mem ningon ngakei yamti kin ningon jo nyahanti ningat rin bit je.

NINDAT KEP TUHAN NICUKTI NYA 5:1

Lene Musa nduk mben Israel yahagom kwei ba, idem yam ei su leu api noni pai biyok “Disut bat jen, ma jingig jitingou mem niggai serti nya di diyai bije njap di ammani hagom. Ma jingginau yam tut nicukti dima yok ba, jiba jingon di gom bibit hak.

FILIPI 3:17

Disut bat jahagom! Ma jiyai bram diyai kepti nya. Nyeni nindo bindo di kei bibor bije tu. Gima rino ma jiyok jiyai kep yo di ibit bindo dima bijiyai bram igyai kepti nya.

FILIPI 4:7

Gima mibiyai ningon di jo nyahan di kwei leu Allah di bit bon tungwatu nya ingon dorti tut kan bi ya bingkiem ser jingonti kin jibou ngwakti di nok gom kin Kristus Yesus.

TESALONIKA GI NIGOM 1:6

Jiyai bram nyeni niyaisi kin Tuhan cem niyaisi. Mbro nok gino tungwatu nya ihwen bit je lo, jiba jingon di llei biya um Nihyet Di Kei di nitri tut bije. Ningon di llei dima nibousi rino Allah Ninnei di pingok ei jingonti.

TESALONIKA GI NIGOM 2:14

Disut bat jen, mun di cut igkep je dem kep nok mun di cut igkep Allah de mbusyamei di Kristus Yesus de limwa nya ei hanjop Yudea. Jiyai ninghuisi wei leu jenti jide mben nya dem kep nok yo dima igyai ninghuisi wei leu mben Yahudi di ihwen bit yok.

TESALONIKA GI NIGOM 5:23

Handei kon ba, Allah di bindei ba, ibong kei igwam kei yai jingon kwes-kwau. Handei kon ba, Noni nyohou jenti njem bitut jinnei kin jingon kin jingut leu binhyepo mun di kinei hi rap je bi ei mpe dino ide Tuhan Yesus Kristus kwei hanyen.

TESALONIKA GI NICAN 3:4

Ide Tuhan bindei ba, niba ningon com je tut mun di nipingok je tut lewo no jiyai kep bijiyai kikau bu yo cem.

2 TIMOTIUS GI NICAN 4:22

Handei kon ba, Tuhan Yesus Kristus ningat rin bit na. Handei kon ba, Allah singat tut jahagom! Nipigo leu dani, Paulus

YAKOBUS 1:22

Suar jibit Allah nicuk jeti lene ma jimiap kep nicuk jeti he au. Leu gi nok lene jiris jenti hak ug.

PETRUS GI NICAN 1:10

Disut bat jen, ma jibrim jingkek leu binhyepo Allah nihig jeti kin nidimig jeti micom nigau ei jingonti binghig-niker. Gino jiyai nok gima lene jisrawir bi.

YOHANES GI NIGOM 3:22

Mpe dino nyeni ingat nadi tindei mun nyeng hi ne Noni buhup hanyen lewo ibit Nide nicuk nyeti nya bipwoi ningon.