FILIPI 4:8 - ALLAH NIHYET MEM TUNGWATU NYA

⁸ Disut bat jen, son dideu srat dini ninggrupti tu. Ma jipwoi mun di bon ninyeng kin mun di dem mem gima tungwatu nya inggei sut nya ei jingonti. Mun dima rino niba ningon bisrip bram nijit-jausi kin mun di bindei ba, tungwatu nya inggei sut kin mun di sren-srau kin mun di kwes-kwau kin mun di bit bon hi tte tut kan bi kin mun di tungwatu nya igyai ngakei kin mun di singat kei hagom.

FILIPI 4:8 ပူးပေါင်းရင်းမြစ်များ

NITRITI 18:19

Sidimig noni leu binhyepo noni micuk nimunggwom bat nya kin nide nintun him yamti di bram yam nya leu binhyepo ibit sihyet ba, igyai mun di igbit cem ingon sren cem. Gino igyai gima hagom nok lene misiyai bit leu nok gi sipreu ei mem noniti pima ri.”

SAMUEL GI NICAN 1:23

Saul kin Yonatan e, jisingat ba, ningon ngakei je. Jiya kui yam mem nijam di jiyaijo kin njap di jimai cem. Jahacem jidwop juk sindem bibor dor njiriek hacam krubri nya ba, jide nisindemti nindig bibor dor njiriek mindhe singa.

SAMUEL GI NICAN 23:3

Mben Israel ide Allah mbrap tu. No di ya srak ko hagau Israel pai bida “Nibou ndig di ninyeng tak kep limwa nya kin ningon di sren di bie tut yok ei nibit Allah nihyetti cem,

MAZMUR 82:2

“Ma jiba jingon can bimbus tungwatu nya ingonti bijitti kin yo di isibut nya bu au.

NIPINGOK NINGONTI 11:1

tuhan ningon mpo tut no di ba kilo nitrowai biris mun bak tungwatu nya. Noro ningon kwes kin no di ba kilo di igbit bitri ndiyok tut yok.

NIPINGOK NINGONTI 12:4

Sop wak cam di singat kei bindei ba, nijjep kon ninyeng biyai ningon nggei-hi-nggei tug hon noni. Sop wak cam di yai nimmai bak nijjep ne dem kep nok ninggwenti di bindei mpiei nijjep ninjum a.

NIPINGOK NINGONTI 16:11

tuhan joi sut nitri-nipek kep mun cig nya igyai munti nya di iba ningon srenti biyai mun bitut mun di ibinai cem ibakilo cem.

NIPINGOK NINGONTI 20:7

Munggwom nya di ibon icig bat di igyai munti nya kei bibor kei di ingon gom ne ingon nggei-hi-nggei.

NIPINGOK NINGONTI 31:10

Nggruk bibor mem tungwagom um sop di joi bibor ba, wak noni nok nitnem. No di um sop dima ba, wak nok nitnem noyam kin no di tau kep tig permata di bon ninggap leusi.

NIPINGOK NINGONTI 31:29

Nijjep pai “Sop nya imang bibor igyai munti nya kei noro ayai munti nya kei bibor kei dor njiriek nindigsi nya yahagom.”

NIPINGOK NINGONTI 31:31

Ma jibirop bak noni drek dip niyai munti di kei bibor nya lewo dem mem gima tungwatu nya bidem minu ikon ninyenga!

DIUN MIMUN 5:16

Nimei-mei nyen dati nyop kei ba, mun nyeng di bitut noni hagom brim dingon. Je di sop gwam nitta pilei minu ndig Yerusalem e, gi dipai pima yok hagom ndo tut no di dingon ngakei di dijem nok dingon kieti.”

YESAYA 26:7

Yo di ingon sren nya mimbut kak puig di sren kei lewo Na di tuhan adime kep puig di sur yam kei mem yok.

MATIUS 22:16

Gima rino icuk ibou poi di igya kui yok kin ibou poi di itti kin nimpung Herodes biyuug ngat Yesus. Yo dini ipai bak Yesus “Guru e, nikan tut bipia angon sren. Ba, nikan tut bipia apai mingat tut Allah ningon kanti mem tungwatu nya lene amig mbus yok bi.

MARKUS 6:20

lewo noni nyohou Yohanes ei ig bui nsi bidigit tut noni. Herodes kan bipia Yohanes ningon sren cem ningon kwes kin Allah cem. Noni joi sut ngig nitingou mem Yohanes nihyet lo, ningon ku nonti nindig bibor drek dip.

LUKAS 16:15

Noro Yesus pai biyok “Jindo jenti dem kep nok yo di ingon sren nya ei tungwatu nya igyai him noro Allah kan tut mun di jo ei jingonti. Lewo mun di tungwatu nya ikan bipia bon ninyeng rino bon ninyeng ei Allah niyai him bi.

LUKAS 2:25

Mpe dima lene Simeon no bong ei Yerusalem. No dini ningon sren bittin tut Allah lene mem kep ser tto bou tirigi Allah miteu mben Israel. Ninnei Gi Kwes cem ningat rin bit noni,

LUKAS 23:50

Yusuf di nitimieisi leu minu ndig Arimatea ei hanjop Yudea cem ningat rin ei sirima. No dini ningon nddong ba, ningon sren cem. Noni yok ningon mem nijam di Allah ninyeng sindi tak kep Nide limwa nya.

YOHANES 7:18

No di ngginau tungwatu nya bit leu nonti ningon kanti bisau sut ninyeng di jei. Noro no di bisau sut gima kon no di cuk noni kwei ninyeng jeisi ningon sren ba, niris mun jo ei noniti bi.

KISAH 10:22

Ibuhup “Kornelius di Nibou tentara pinak nye kwei. Noni ba ningon gom bikuk no bak Allah ba, mben Yahudi yahagom ikon ninyeng cem. Allah birop Kornelius de nadi bipinak Nide malaikati gom kwei bipai binoni bipia ma noni sok nihyet bak na di Andigpoi leu binhyepo abit nye biyuug ei nide ig bei leu binhyepo noni miap mun di tibim ei na di Andigpoi ahui him.”

KISAH 22:12

Tungwagom di ninyeng Ananias di kuk no bak Allah no bong ei minu ndig dima. No dini brim ningkek mem Puig Yahudi nicukti. Mben Yahudi nindigsi di ibong ei minu ndig Damsyik yahagom ikon ninyeng cem.

KISAH 6:3

Gima rino nisut bat jen, gi kei mem jidimig ibou muhwindacan di isingat tut tungwatu nya ba, Allah Ninnei de nisindemti srek kwei ei ingonti bingon ki cem leu jikieti leu api nita yok mem igyai midyai dini.

ROMA 13:13

Ma ibindei mbut niyai munti di singat kei nya tereu nok yo di imbut mem nipigati. Ma ibihim cem idut pes di pu nye cem icut tut yam cem ikrar kep yam cem ibui yam cem ingon kinei sut yam cem bu au.

ROMA 13:3

Lewo yo di igyai kep mun di igbit nya ittin tut nibou nya bi noro yo di igyai kep mun di sibut nya ittin tut yok. Gino jiyok jingon mem ningon kwes kin nibou nya lene ma jiyai kep mun kei bibor apino noni minggei sut je.

ROMA 14:18

No di yai midyai nok awak mem Kristus ba nisinati dima biyai Allah ningon llei bibor ba, tungwatu nya cem ijoi sut noni.

ROMA 2:29

Noro no di ntun mben Yahudi him di nijit rino no di ntun mben Yahudi him ei ningonti biyai midut sunat ei ningonti tug hon Allah Ninnei de midyai noro tug hon srat bokti he bi. Allah nggei sut no dima noro tungwatu nya inggei sut noni bi.

KORINTUS GI NIGOM 4:5

Gima rino ma jikos tut tungwatu nya ide niyai mun tunggwei si haninyai au. Lewo tto bou dem bigyo. Ma jibet jingon ei mem Tuhan nikwei hanyenti. Noni mimbot kep tut mimun di jo ei nidinditi bipiga digai ingon kanti di jo nding ei ingon bei hagom yo. Mpe dima lene Allah mikos tut mun di kei bak bikwop tungwagom-gom di dem mem gima.

KORINTUS GI NICAN 13:7

Mbro nok gino jikan bigya dibindei timek dinyeng no di ya kui Kristus lo, dikrau dingon tut bi ba, nna ug! Noro handei kon ba, Noni mpu je leu binhyema jibon mun tunggwei sut Noni au. Nipai nok leu binhyepo nindo bindo bipia nuug krau nipekti tu ne bi noro leu binhyepo jiyai igbit Allah ningon kanti mem je.

KORINTUS GI NICAN 6:8

Bihi ikon ninyeng lo, bihi ighyet wer mpiahi tut nye. Bihi inggei sut nye lo, bihi ighyet tigut nye. Mbro nok gino nitri tut nihyet di nijit lo, ipai kep nye bipia nyeni ne niris kep mun cig ri.

KORINTUS GI NICAN 8:18

Nipinak isut gom bibit noni. Mbusyamei nya yahagom inggei sut no dini lewo ta nibou ei midyai nitri tut Nihyet Di Keiti.

KORINTUS GI NICAN 8:21

Nikos tut bipia niba ningon di sren biyai midyai dini ei Tuhan niyai him he bi noro ei tungwatu nya cem igyai him.

GALATIA 5:22

Noro tungwatu nya di ibit leu Allah Ninnei nibie tut yokti lene ingat ningat di kei di ntun yoni him tug hon gi yoni ingon ngakei yam cem ingon llei bibor cem ingon jo nyahan cem ingon nddong cem ingon nggriu sut yam cem ingon singat tut yam cem ingon gom cem,

EFESUS 4:25

Gima rino ma jibicum bu au! Noro ma yo di ingon jo kep nya yahagom iba ingon gom bimbrap bit yam. Lewo yahagom inggre kin Kristus ninguda.

EFESUS 5:9

Lewo niyai munti di kei bibor nya kin ningon kwesti kin ningon gomti hagom ntun nipigati him ei Allah niyai him.

EFESUS 6:14

Gima rino ma jitindei ser! Ma jiyai ningon di gom kin je nok bang di jibikri kep jintig boua. Ma jiyai jide ningon sren kin je nok sinsun pran di jijuk ser jingget a.

NINDAT KEP TUHAN NICUKTI NYA 16:20

Suar nikei dima yok ikos tut mun di igbit kikau leu binhyepo jiya timiei ba, jibong kei jigwam kei ei minu di jide tuhan Allah miyai bije.

FILIPI 3:1

Disut bat jen, dipas kep ningwigsi nok gini. Ma jingon llei sut jide ninok gom kin Tuhanti. Gino nipas kepti dini kibin kep nipas kepti di dipas kep nipou su ne buhun mem da bi. Lewo nipas kepti dini minyohou je leu binhyepo jisrawir bi.

KOLOSE 4:5

Tirigi jipriet kin yo di ingon jo kep bi nya lene ma jiba jingon di ki biyai jibou tut yok bikwop nikwesti hagom.

TESALONIKA GI NIGOM 4:12

Gino jahagom jiyaijo nok gima lene jitindei kep yo di hiter indati tut mun di bahati tut je bi. Gi nok ne yo di ingon jo kep Kristus bi nya mikon jinyenga.

TIMOTIUS GI NIGOM 2:2

Ma ingat nadi mem nibou ndig nya kin yo di inyeng jei nya yahagom leu binhyepo ibindei ba, nyeni ibong kei igwam kei bingon kwes kin Allah ba, ingon kwes kin yam cem.

TIMOTIUS GI NIGOM 3:11

Nok gima cem suar itnem bat nya ingon kwes. Ma ipai kep tungwatu nya inghapti bidut mun di pu yok au. Noro suar iba ingon di gom biyai kep ide midyai nya hagom.

TIMOTIUS GI NIGOM 3:4

Suar noni bie tut nide ig bei nsi nya mungkun kei binyohou pingok nimunggwom bat nya ingonti leu binhyepo ikuk yok binoni bibit nihyet.

TIMOTIUS GI NIGOM 4:12

Ma asindui sut ba, hi ningwes om kep na drek dip gino anok pinjoi pilei au. Noro ma ando bindo di kei bak yo di ingon jo kep nya tug hon mun di tibim ei ahui him kin ayai munti nya cem ba, tug hon angon ngakei tungwatu nyati kin ade niba ningon com Kristusti kin angon kwesti.

TIMOTIUS GI NIGOM 5:10

ba, tungwatu nya yahagom ikan tut bipia noni ne sop di niyai munti nya kei bibor tug hon gi miep nimunggwom bat nya ingon nok mungkun kei cem cigit tungwatu nya kui ig cem ba nibou coi mem yo di ingon jo kep nya cem ngondut yo di yuhui mbum nya cem. Nirop ninda ndigsi tut rino noni ndo nijoi biborti tug hon niyai midyai di kei biborti nya.

TIMOTIUS GI NIGOM 5:2

Ma abibon sindig nya cem dem kep nok apmem lene aba angon di gom bibon sop gwam nitta pilei nya dem kep nok akwohop.

TITUS 1:8

Suar noni cigit tungwatu nya kui ig cem ta nibou ei mun di kei nyati cem om kep ningon cem ningon sren cem ningon kwes kin Allah cem yai mun di hagom mmuti cem.

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

TITUS 2:2

Ma apingok andig-ndau nya ingonti leu binhyepo yoom kep ingon ba, ingon nddong cem isingat cem. Ma ikrau kep ide niba ningon com Kristusti kin ide ningon ngakei yamti kin ide ningon nddongti.

TITUS 2:7

Ma aba ayai munti nya hagom bindo bindo di kei bibor. Suar aba ningon di gom kin ningon di nddong bingginau tungwatu nya.

TITUS 3:14

Ma yo di ingon jo kep nya di inggre kin nye ita ibou ei ide midyai di kei biborti nya leu binhyepo iba mun di ibon bou inda him bahati tut yo di yuhui mbum nya. Ma ibong biei nda dip kep ig au.

IBRANI 11:2

Niba ningon comti bindei ba, Allah joi sut idigup bat-idigai bat nya.

IBRANI 13:18

Ma jingat nadi tindei nye kikau. Nikan mungkun bipia ningon mien kwes lewo nita nibou ei niyai mun di igbitti bikwop njap ngwa hagom.

YAKOBUS 1:27

Allah kan tut yo di ibit Nonti ningon kanti mem yok nya rinok gini. Inyohou moibihi nya kin sop kibom di ihwap mbum nya cem ba, ingon hek tut yonti ser nhyema mun di suwok ei dihyeisi dini rap yok bi.

YAKOBUS 3:17

Noro ningon kiti di srek kwei leu gwamti bindei ba, ingon kwes-kwau bibie leu api ingon jo nyahan cem ingon nggriu cem ingon ngakei tungwatu nya cem ba, ningat di kei ntun nyeni him lene nok kikau. Nimig mbus tungwatu nyati kin ningon canti ntun him bi.

PETRUS GI NIGOM 1:22

Jibit Nihyet Di Kei nicuk jeti tu. Gima rino Allah kos ser jide sisar bijingon kwes tu. Jiba ningon di gom bingon ngakei jisut bat yo di ingon jo kep nya. Ma jiba jingon titut yam bikum ei jide ningon ngakei yamti.

PETRUS GI NIGOM 2:12

Suar jiyai mun di kei bibor ei yo di ingon tindur nya igyai him. Gima mibindei ba, mpe dino ipai kep je bipia jisibut bibor ne ighyet micut hanyen ei ingonti drek dip jiyai munti di kei bibor nya. Leu api yoni minggei sut Allah mem njap di Noni mikwei hanyen.

PETRUS GI NIGOM 4:8

Gi bon ninyeng dor njiriek nindigsi nya rino nicukti di bidip huk je leu binhyepo jingon ngakei yam mungkun kei. Lewo ningon ngakei yamti dima mibindei ba, jikos ser sisar di jibon biyam.

PETRUS GI NICAN 3:1

He disut bat di dingon kieti jen, gini ne srat gi nican di dipas bak jeni ri. Dibingon mem gima dibiwin kep jide nikan-kan nyenti di pimbai kei tug hon srat ningat can dini.

YOHANES GI NIGOM 3:18

Dimunggwom bat jen! Ma indo ingon ngakei yamti tug hon mun di ipai ei yuhui him he au. Noro ma iba ningon ngakei yamti bingondut yam igbit tug hon igyai munti nya.

YOHANES GI NIGOM 3:3

Bikwop yo di igyok ingon mem nijam di iluei itta noyam kin Kristus niluei nittati yahagom inyohou ingonti bikwes-kwau bit leu nok Kristus ningon kwes-kwau.

YOHANES GI NIGOM 4:1

Disut bat di dingon kieti jen! Ma jingon bit yo di ipai sut yonti bipia igyai Allah Ninnei ei ingonti yahagom au. Noro ma jibinai ighyet leu binhyepo jingon dorti tut ninnei dima nikwei leusi. Lewo nabi nitrowai nya imang bibor imbut-mbut nyen bidem dihyeisi dini nisurti-nipekti hagom.

SRAT RUT 3:11

Rut e, ma akrau angon tut mun nyeng hi bu au. Midiyai hagom bit leu nok ahara da tutti lewo timiei minu dini yahagom ikan tut bipia nani ne sop di singat kei ri.