Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




FILIPI 4:6 - ALLAH NIHYET MEM TUNGWATU NYA

6 Ma jingon pri tut mun nyeng hi au. Tirigi jingat nadi lene ma jahara Allah tut mun di jisuar nya. Ma jiba nipai sigyo di ntun jingonti him bahara Noni tut mun nyeng hagom.

အခန်းကိုကြည့်ပါ။ ကော်ပီ




FILIPI 4:6
45 ပူးပေါင်းရင်းမြစ်များ  

tuhan di nok ditde Allah e, dinok Ade awak. Angig atingou mem dihyet ba, abuhup ditde nadi tut mun di dahara hwou biNa mem njap di ammani.


Leu api Nibou Ndig Hizkia kin Nabi Yesaya di Amos nipmot ikiju bingat nadi ba, yahara Allah leu binhyepo Noni mpu yok.


Leu api miditri tut Ade nicuk nyeti nya bak yo di ibon sisar nya leu api yoni mingkwei hanyen leu puig srawir ndam Na hanyen bu.


Noro dahara tuhan Allah kwei mpu da. Noni miteu da bidingwes ngun.


Ba nihyet di mmau bihwen ingon noro ningat ne ningon mpo bibor. Ba nihyet di nem-nnai kei cem bihwen ingon noro gima noyam kin singau simeda di nggwen-gwau di digo yok.


Noni ne Allah di bindei ba, dingwes ngun biyai dinyeng di jei bida ri. Noni ne No di ya srak ko hagau da kin hak mihyeti di diku da eisi ri.


tuhan joi sut yo di ingon kwes kei nya ide nadi noro ningon mpo tut midut di yo di isibut nya ibon ei nimbar hum dokti nya.


Ambrap bit tuhan tut angon kanti nya leu api Noni mibindei ba, hagom mingat ningat.


Ayo! Ditde hakimoi di bong tig nggreti anai bibor e, ma asindui sut ba, dingat aimaisi mbigom bidimiap ahyet gom ug e. Lewo aimaisi kei-kau lene ahyet mmau kei.


Niabiati diyai srat nipek dihyei dima bak Barukh leu su lene dingat nadi.


“Ahara Da leu api midibuhup ahyet. Midimbot kep tut mun di kei-kau di biyai ningon nggap leusi di akan tut bi sren nya bina.


Sadrakh kin Mesakh kin Abednego ibuhup “Na di Andigpoi di anyeng jei bibor e, nipai mun mem nibisu tindei binimbrap gau nyenti bi.


Gima rino Nibou Ndig Darius ba buk bitak srat nicukti dima.


Gino jiya ei nikei nya yoho bei lene ma jingon ku jenti tut mun di jibirop hanyen biyok au. Lewo mpe dima lene Allah mipingok jingonti tut mun di jibirop hanyen yo.


Njita ngan di cut ug ei bohousi bindo tut yo di ipwoi nihyet ei ingonti noro ingon ku yonti tut ndigban di mipror yon ba, iba yoho rok mitiei nindig bibor apino gima yok hagom ceu nihyet leu api ningat ntun him bi.


Gima rino ma jingon bos-bos nyen tut mun di mipek kep mem je mem njap di hyep bu au. Mun dima yok hagom jo mem njap di hyep hak ug. Lewo mun di buhun di micut igkep nye mem njap gom ngat dini ne dem mem njap ndia he.”


Ma jiyai bram igyai kepti dima au. Lewo Jicig kan tut mun di jisuar nipou tirigi jingat nadi bigyo.


Yesus buhup “Marta Marta e, angon ku na tut mun nyeng mang bibor,


Lene Yesus pai bak yo di igya kui Noni “Gima rino dipai bije bipia ma jingon bos-bos nyen tut njita di jiyem kin sinsun di jijuk au.


Gima rino ma jingon bos-bos nyen tut njita di jiyem kin ndia ngei di jidut au.


Gima ngwig lene Yesus ba nihyet nibiti nindati bingginau yo di ibit Noni leu binhyepo yuhuk nadi kikau lene ma ingon nghen leu au.


Gi nok ne Allah cem mimbrap gau Nide limwa nya di yahara Noni bikwop mmun-njap bi e? Noni miba nikou bimpu yok e?


Tirigi Allah hig na ne anok awak e? Dwai, nonnoro. Noro biken tiri bon nikwesti mem ayati kwes lene ma abrim angkek tut gima.


Handei kon ba, mun di biyai ningon mbut-mbut nyenti ngot kep je bi. No di wak sop bi kon mun di bitut Tuhan bijo anai ei nibou ngwakti lewo noni pwoi Tuhan ningona.


Ba, ningon nddong tut bipia Allah miba jide nadi di jingat mem nye biteu nye biningwes ngun leu mun di cut igkep nye. Allah buhup jide nadi di juhuk bijo ninno mem nye binjei mun di kei binye apino tungwatu nya imang bibor ipai sigyo bak Noni.


Ma jiba ide Tuhan Yesus Kristus ninyeng bipai sigyo bak Icig Allah tut mun nyeng hagom di pek kep mem je bikwop mmun-njap.


Ma jiyai mun dini yok hagom ba, jibingat nadi bak Allah leu binhyepo Noni mpu je. Ma jiba jiyai ngkiemti kin jingon cut leu bisi bingat nadi bidem nituti kin nikwesti hagom bit leu nok Allah Ninnei nibie tut jeti. Mpe dino jimut jiyai ne ma juhuk nadi mem jisut bat yo di Kresten yahagom.


Ma ningon di jo nyahanti di ntun Kristus him bie tut jide nikos tutti nya. Lewo Allah mbus je ba, jibicim tindei yam nok ningut gom leu binhyepo ningon di jo nyahanti di ntun Kristus him dima yai jingonti bidut nihim. Lene ma jipai sigyo bak Allah.


Tut jiyai munti nya kin jipai munti nya ne ma jiyai hagom tug hon Tuhan Yesus ninyenga. Ma jipai sigyo bak Icig Allah tut mun nyeng hagom di Yesus bibon mem je.


Ma jita jibou ei naditi lo, jiyai nggrop buhun au. Ma jipai sigyo bak Allah.


Nimbie him lene ditigtai na leu binhyepo yo di mbusyamei nya ingat nadi mem tungwatu nya yahagom ba, ijem sigyo cem bak Allah.


Sop kibom di nijit rino sop kibom di bon nide bat nya hi di inyohou noni bi. Noni ba ningon com Allah ba, huk nadi bak Noni tut mun di suar bikwop mmun-njap.


Son dideu njap ningwig honti tu. Gima rino ma joom kep jingonti ba, jiyai ngkiem cem leu binhyepo bon nituti mem gima jingat nadi.


Ma jikes mun di jingon bos-bos nyen tut hagom ei Allah ninghat dip lewo Noni nyohou je.


Lene Hana buhup “Andigpoi e, ba anggur ningei pu da bi lewo didut hi bi. Noro dingon bos-bos nyen ba, dingon buhun bibor cem. Dingat nadi bidipui sut mun di buhun bibor di cut igkep da hagom bak tuhan.


Daud de tentara nya yahagom ingon buhun bibor lewo imunggwom bat nya kin itnem bat nya ipror bingwig leu yok tu. Gima rino itin ei mem gima iba tig bihwen noni drek dip imunggwom bat nya kin itnem bat nya di ipror leu yok dima. Daud um mun di nggruk bibor dima noro nide tuhan Allah biwin kep ningonti hanyen bu.


Lene Samuel ug yai tig gom bitas ei Mizpa kin Sen ikieti lene bipai “Allah mpu nye kikau kwei bipek ammani kep tu.” Leu api noni jem tig dima ninyeng bipia “Tig Nibiyok Ngon Kep Allah Di Mpu Nye.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ