FILIPI 4:18 - ALLAH NIHYET MEM TUNGWATU NYA

¹⁸ Dingon cut hon mun di jikwas tut da ba, hagom nindig bibor bidor njiriek! Epafroditus pwoi mun di jikwas tut da hagom kwei bida tu ba, gima dem. Dinyeng tut mun di disuar nya hagom tu. Mun di jikwas tut da hagom noyam kin mindhe di ngge di ibui bibam ei nimbar hum dokti bou Allah niyai him ba, joi sut.

FILIPI 4:18 ပူးပေါင်းရင်းမြစ်များ

NEHEI LEUSI 29:18

Lene andig domba dima titut kep hum ei nimbar hum dokti nok nibon midut nindig mindhe titut kep humti. Lene midijoi sut ninghap di ngge kei dima.

MBEN ISRAEL IMBUT-MBUT NYEN 15:3

Ma jiba sapi nikre kin domba nikre kin domba pmot nikre kin kambir bikuk je bak tuhan mem nibon midut nindig mindhe titut kep hum kin nibon midut nibigo nehengti kin nibon midut nikwas mun mikuisi tut Allahti kin nibon midut di jibon kikep ngan-nganti nya. Lene mikwau di jindig dima ngge kei bipwoi tuhan ningona.

KISAH 10:4

Kornelius tou kep malaikati dima nggilun ba, ninghuisi mpig sut lene buhup “Andigpoi e, anggo?” Malaikati dima buhup “Allah joi sut na drek dip ade nadi kin ade nisingat tut tungwatu nyati cem. Gima rino Noni tin ei mem birop bina.

ROMA 12:1

He disut bat jen, Allah singat tut nye nindig bibor. Gima rino dibidip huk je leu binhyepo jikes jenti njem ei mem Allah noyam kin mun di imam nya ikes ei nimbar hum dokti. Ma jidimig jenti njem ei mem Nide midyai nya leu api Noni mijoi sut je. Suar jiba nisinati dima bikuk je biNoni mungkun kei.

KORINTUS GI NICAN 11:8

Tirigi diyai midyai ei jikieti ne mbusyamei hiter nya iba munkwas bahati tut da. Gima tereu nok dibrim mun leu yok leu binhyepo dibimpu je.

KORINTUS GI NICAN 9:12

Lewo jiyai munti di kei bibor dini bimpu Allah de limwa di yuhui mbum nya he bi noro bindei ba, tungwatu nya imang bibor ipai sigyo bak Allah cem.

EFESUS 5:2

Ma jiyai jinnei di mpung tut ningon ngakei yamti noyam kin Kristus di ningon ngakei nyeni. Noni kes niyaisi ei biya luei nye tereu nok mun di ngge kei di ibui bibam ei nimbar hum dokti di bipwoi Allah ningon.

FILIPI 4:12

Mpe hi lene dihwap mbum lo, mpe hi dimbun mun di dibinyohou da. Doom dingon leu binhyepo dingon cut hon mun di dimati nya mem nijam di dimbun mun nyeng mang bibor kin nijam di dihwap mbum cem. Gini ne nimimun di bipingok dingonti drek dip mun di pek kep mem da mem mmun-njap ri.

TESALONIKA GI NICAN 1:3

Disut bat jen, suar nijem sigyo bak Allah bikwop njap-njap mem je. Gi nijem sigyo mem je dima ne igbit rin lewo jikum ei jide niba ningon com Yesus Kristusti ba, jikum ei jide ningon ngakei yamti cem.

IBRANI 13:16

Ma jingon prion ser nituti mem jahati tut yam kin jingon dut yam au. Lewo jiyai munti dima tereu nok midut nibui mindheti di bindei ba, Allah joi sut je.

PETRUS GI NIGOM 2:5

Jinok tig di Allah bindei ba, niyaijo. Gima rino ma jisindui sut Allah ba je di jinok tig bingot Nide Ig di bit bon tungwatu nya ingat bou igyai him kan bi. Jinok imam di igyaijo mem Allah Nongkom ei Ig dimati ba, jibon midut di Noni joi sut ei nimbar hum dokti tug hon Yesus Kristus.