FILIPI 4:17 - ALLAH NIHYET MEM TUNGWATU NYA

¹⁷ Ningat ne ditindei kep tungwatu nya indati tut mun di bahati tut da bi. Noro dingon llei sut gi jibikum ei jimuhupti.

FILIPI 4:17 ပူးပေါင်းရင်းမြစ်များ

NIPINGOK NINGONTI 19:17

Gino angondut nuhui mbum nya ba, ampu yok lene gima nok ade ningwam di jo bak tuhan. Noni mirop ningwam dima hanyen bina.

MIKHA 7:1

Buhun bibor mem da! Dinok no di nggum di nggok biei ngat di ntun biei him nya kin ba anggur ngat di ntun ba anggur him niabiati nijam njiriek tu lo, ningat hi jo him bi. Tungwatu nya ipuk ba anggur ningat kin biei ara ningat hagom bingwig leu su.

MALEAKHI 1:10

tuhan Di Sindem Bibor pai “Dijoi sut gima jigom nggam mbou pmem ei Ditde Ig hak nhyema hi ndig hum ariwace ei Ditde nimbar hum dokti bu au. Dijoi sut je bi ba, dikou sut mun di jibikuk je biDa cem.

YOHANES 15:16

Jidimig Dani bi noro didimig jeni bidicuk je leu binhyepo juug ngat ningat mang bibor ba, ningat dima ne ningat di bit bon pror yon kan bi. Gino jahara Dicig tut mun nyeng hi tug hon dinyeng lene Noni mibirop hanyen bije.

YOHANES 15:8

Gino ningat mang ntun jeni him lene tungwatu nya ikon Dicig ninyeng. Tug hon nisinati dima lene jinok yo di igya kui Da di nijit nya ri.

ROMA 15:28

Mpe dino diyai gini biput bidikes mitiei nimangti dima hagom ei mben Yahudi indati leu su ne dingkwei ba, duug ndam minu Spanyol lo, midihwou cem je sindam.

KORINTUS GI NICAN 11:16

Dipai mbigom kin bu bipia ma tungwa hi kan bipia dimbrap tereu nok no di nintin kiek au. Ne gino jibisrip huk bipia dintin kiek tu ne ma jisindui sut da bidiba dintin di kiek bibon nituti mem dingon jei lai-lai de.

KORINTUS GI NICAN 9:5

Gima rino dikan bipia gi kei mem dicuk ibou ningai pima hwou bihwou ngat je bibie leu binhyepo inyohou dimig munkwas di jikos tut ei su nya. Leu binhyepo tirigi dihwou ngat je lene jitin ei jide munkwas hagom bidem ei su. Gima ndo bipia jimbus munkwas ei bit leu jingon kanti lene hi bidip huk je tut bi.

FILIPI 1:11

Apino hon kep njap dima ne jiyaijoti singat kei tug hon jide niyai munti di kei bibor kei nya di ntun Yesus Kristus Nongkom him ba, ibikon Allah ninyeng bibinggei sut Noni.

FILIPI 4:11

Dimbot kep tut gini bije drek dip gi dihwap mbum bi. Lewo doom dingon ba, dingon cut hon mun di dimati nya.

TESALONIKA GI NIGOM 2:5

Jikan tut mungkun bipia niba ninsi di mmau biris bije ba, nibiti ninda binitindei kep jindati tut mun nyeng hi bi. Allah ngat gima brei bou niyai him.

TIMOTIUS GI NIGOM 3:3

Suar noni mbres nonti leu mun di pu tungwatu nya. Ma noni gga igkei au. Noro ma ningon jo nyahan. Ma noni ngat ningwes ei mitieiti au.

TIMOTIUS GI NIGOM 6:10

Lewo niba noho rok mitieisi rinok nibousi mem sisar ninyeng hagom. Tungwatu nya ibou poi di iba yoho rok mitiei ikes hon ba, ingon jo kep bu bi lene ibimangkrei ingonti ba, israwir tu.

TITUS 1:7

Suar nibou mbusyamei ningon gom lewo ninyeng tak kep Allah de midyai nya. Ma ningon jei cem gga-gga wai cem dut mun di pu noni cem bui tungwatu nya cem ningon pri kep mitiei nindig bibor cem au.

TITUS 3:14

Ma yo di ingon jo kep nya di inggre kin nye ita ibou ei ide midyai di kei biborti nya leu binhyepo iba mun di ibon bou inda him bahati tut yo di yuhui mbum nya. Ma ibong biei nda dip kep ig au.

IBRANI 6:10

Allah ningon sren-srau. Ningon miprion ser jiyai munti nya kin jide ningondut yamti di jindo biNoni tirigi jahati tut jisut bat yo di Kresten nipou cem nogindini cem bi.

PETRUS GI NIGOM 5:2

Ma jinyohou domba nya di Allah kes bije. Ma jiba ningon di llei sut midyai dima binyohou yok bit leu Allah ningon kanti mem je. Ma jiba jikou binyohou yok au. Ma jiba jingon di pri kep mun di ibirop hanyen bije binyohou yok au. Noro ma jiba jijoi sutti binyohou yok.

PETRUS GI NICAN 2:15

Ikrau tunggwei puig di sren kei apino israwir. Ico kak Bileam di Beor nipmot di ningon pri kep mitiei di noni tug ndei leu niyai munti di kinei nya nohoti.

PETRUS GI NICAN 2:3

Guru dini yok ingon pri kep mitiei nindig bibor. Ibrim mitiei leu je tug hon mumpui di itri tut bije bit leu yonti ingon kanti nya. Noro Nikei di mikes hukum ei yok dip tin ei mem yok mimbrek tu. Ba, No di mibindei cut yok niyai nggrop nggan.

YUDAS 1:11

Ayo! Notou mem yo dima i? Lewo ico kak puig di Kain mbut kak. Ibindei yonti bicut ei nikineisi drek dip mitiei noyam kin Bileam niyai munti di yai tunggwei. Isrep tut Allah noyam kin Korah di srep tut Musa apino tug ndei nimai.