FILIPI 4:1 - ALLAH NIHYET MEM TUNGWATU NYA

¹ Gima rino disut bat di dingon kieti jen, ma ditde nipingok jeti bindei ba, jiya nddong kei drek dip jide ninok gom kin Tuhanti. Dingon ngguk tut je lo, dinggei ngwig sut je ba, jibiyai dingon llei bibor.

FILIPI 4:1 ပူးပေါင်းရင်းမြစ်များ

AYUB 31:36

midiba dingon di llei bikes srat dima ei dinghat dip bidittin nok topi mas ei dibouti cem.

MAZMUR 125:1

Doia nikui ug ei Mbigdip Sion. Yo di iba ingon com tuhan rinoyam kin Mbigdip Sion di ugwa-kwei bison-son nyen leu nijoti kan bi sren.

MAZMUR 27:14

Ma ayok ngon mem tuhan ba, akum ei ade niba ningon comti. Ma angon cut leu au. Ma aba angon com tuhan!

MATIUS 10:22

Ba, tungwatu nya yahagom ingon mpo tut je drek dip gi jiya kui Da. Noro Allah miteu no di ya ngkiem kikau ug bipek ningwig honti ba, ningwes ngun.

YOHANES 8:31

Gima rino Yesus pai bak mben Yahudi di iba ingon com Noni “Gino jibit Ditde ningginausi lene jeni ne yo di itti kin Da nijit-jau ri.

KISAH 11:23

Tirigi noni kwei krau bingat lo, Allah singat tut yok lene ningon llei bibor. Lene noni pingok yo dima ingonti leu binhyepo iba ingon titut yam bingon gom tut Tuhan.

KISAH 14:22

Yoni ibiwin kep yo di ingon jo kep nya ingonti ei minu ndig dima yok leu binhyepo igya ngkiem ba, iba ingon com Yesus kikau. Yoni ingginau timiei nya ei minu ndig dima yok bit leu nok Yesus nipaisi “Mun di buhun mang bibor cut igkep nye di ikak puig di bie ug ei Allah Ninyeng Tak Kepti.”

KISAH 2:42

Ba, iba ingon gom bipikor tut yo di igya kui Yesus ighyet kikau bigyem njita ba, ingat nadi bit yam cem.

ROMA 2:7

Allah miyai niyaijo di ningat di jo kikau bikwop bak yo di ita ibou ei midyai di kei bibor nyati bibindei ba, Noni nggei sut yahagom bikon inyeng biyai niyaijo di singat kei biyok.

KORINTUS GI NIGOM 15:58

Gima rino disut bat di dingon kieti jen e, ma jiyai nisindemti kin ningon nddongti. Ma jita jibou ei Allah de midyaiti lewo jikan tut bipia midyai di jiyai mem Tuhan nya hagom mikui-kausi bi sren.

KORINTUS GI NIGOM 16:13

Ma jiyai ngkiem bijiba jingon di nddong bingon jo kep Kristus ningginausi nya. Ma jiba jingon di nddong biyai jibou tut yo di itte tut je lene ma jiyai nisindemti.

KORINTUS GI NICAN 1:14

diba dingon com bipia jingon dorti tut nye ei nidipti bu. Tug hon nisinati dima lene jinggei sut nye bit leu nok ninggei sut je mem njap dino ide Tuhan Yesus kwei hanyen.

GALATIA 5:1

Nyeni igyati kwes lewo Kristus kwek nye tu. Gima rino ma jikrau kep jide niyati kwes dima. Ma jibiam bon di bindei bijinok awak hanyen bu au.

FILIPI 1:27

Mun nyeng gom bon ninyeng mem jeni. Ma jiyai kepti nya bit leu Nihyet Di Kei tut Kristus nipingok jeti. Leu binhyepo gino dihwou ngat je cem dihwou ngat je bi cem lo, dimiap tut bipia jingon gom tut yam ba, jiba jingon kanti gom kin jingon llei sutti gom binjei bit yam bijicom jahanggwap tut niba ningon comti di ntun Allah De Nihyet Di Kei him.

FILIPI 1:8

Allah ngat bou niyai him bipia dipai mingat bije mpe dino dipai bipia dingon ya mem je tug hon ningon ngakeisi di ntun Kristus Yesus Nonti ningon ngakei jeti him.

FILIPI 2:16

tirigi bon nikwesti mem jitri tut nihyet di biang niyaijo nijep biyok. Gino jiyai munti nok gima ne dillei ngwig sut je ei njap di Kristus kwei hanyenti. Lewo ningat di kei di ntun diyai munti nya him dima rinok bindo di bindo bipia dahanggwap mbilen mikuisi bi.

FILIPI 2:26

Ningon ngguk tut jahagom ba, ningon mbut-mbut nyen tirigi noni miap tut bipia ninghapti tibim tut ninggwenti hwou bak jeni tu.

KOLOSE 4:12

Epafras cem pigo je ba, noni cem nggre kin jide nimpung ba, noni ne awak mem Kristus Yesus ri. Noni ta nibou ei naditi bingat nadi tindei je leu binhyepo Allah yai jingon di nddong cem jimahan ei Kristusti cem jiba jingon di gom bibit Allah ningon kanti cem.

TESALONIKA GI NIGOM 3:13

Tug hon nisinati dima Noni mibiyai jingon nddong kei leu binhyepo jingon sren ba, jingon kwes cem ei Icig Allah Noho bei tirigi ide Tuhan Yesus kwei hanyen tut Nide limwa nya yahagom.

TESALONIKA GI NICAN 2:15

Gima rino disut bat jen, ma jingon nddong ba, jikrau kep nipingok jeti di nijit-jau nya di tug hon nihyet di nitri tut bije kin srat di nipas hwou bije.

2 TIMOTIUS GI NICAN 2:1

He dipmot Timotius ug o! Suar ayai nisindemti tug hon Kristus Yesus di singat tut sa drek dip gi sinok gom kin Noni.

IBRANI 10:23

Ma ikrau kep ide niyok ngon memti di tibim ei nyenti yuhui him lewo ingon ngkiem tut bipia Allah miyai hagom bit leu nok Nonti nipreu ei mem nyeti tu.

IBRANI 3:14

Gino ikrau kep ide niba ningon comti di igyai ei nimbie him kikau bipek ningwig honti lene inok Kristus nisut bat nya ri.

IBRANI 4:14

Gima rino ma nyeni ikrau kep ide niba ningon comti di itri tut ei yuhui him. Lewo ide Imam Nibou Ndig di ninyeng jei coi ug ei Allah Noho bei biya hacan mem nye tu. No dima ne Yesus di Allah Nipmot ri.

PETRUS GI NICAN 3:17

Disut bat di dingon kieti jen, jikan tut mun dini yok hagom tu. Gima rino ma jitindei ser yo di ingkek ndok tut Allah nicuk yokti leu binhyepo iris je bijicut leu jiya nddongti au.