FILIPI 3:8 - ALLAH NIHYET MEM TUNGWATU NYA

⁸ Lene mun dima yok he bi. Lewo dikes mun nyeng hagom ei tereu nok mumpiang di bon ninyeng mem da bu bi leu binhyepo dinyeng tut mun di bon ninyeng nindig bibor dor njiriek bu. Mun dima rino dingon bit Kristus Yesus dino ditde Tuhan. Dikes mun dima yok hagom ei drek dip Kristus. Dibibon hagom tereu nok mumpiang leu binhyepo dingon bit Kristus lewo Noni bon ninyeng mem da,

FILIPI 3:8 ပူးပေါင်းရင်းမြစ်များ

NIBOU NDIG NYA GI NIGOM 14:10

Gima rino midikes hukum di buhun bibor ei na di Yerobeam ade nintun him di bram yam nya dip drek dip abon munti dima. Midiyai nimai bak munggwom pinai di intun nani him hagom bitut yo di igyati kwes kin awak nya cem yahagom. Midicok tut ade ig bei nsi nya yahagom noyam kin gi tungwatu nya icok mindhe nooi bipwoi leu cem.

NIBOU NDIG NYA GI NICAN 9:37

ninjum nikenti nya mijo sinsiou nyen noyam kin sapi oi apino tungwatu nya mikan igbit tut nimai ngut dima ninyeng bu bi sren.”

AYUB 20:7

noni misar leu dihyeisi dini dem kep dihyei ndung di bit hou. Nisut bat nya mihig ser yam “Mei! No dima ug ei hantou i?”

MAZMUR 126:6

Yo di iba igyai nggwei di kibor bipwoi njita ngan ba, yuug ndim ei miaisi nya mporo iba nimbos-hi-mbos nindig bibor bittei njita ningat nindig bibor ba, ingkwei hanyen ug ei ide ig bei.

MAZMUR 73:25

Ditde Allah e, Nangkom ei gwamti ampu da. Ter leu Nani lene disuar tungwatu dihyeisi dini mem gima impu da bi.

YESAYA 53:11

Gima rino tuhan pai “Niabiati Ditde awak dima yai ninghuisi wei leu su lene noni miyai nillei bu lewo kan bipia noni yai ninghuisi wei mikui-kausi bi. Ditde awak mibindei ba, dijoi sut noni drek dip gi noni yai tungwatu nya imang bibor ide hukum ei noni dip. Midikos ser ide sisar tug hon nide niyai munti dima.

MALEAKHI 2:3

Midikes hukum ei jimunggwom bat nya dip lene midiba jiimaisi bitoi mindhe di jibui mem midut nya yooi leu api midikri je bidikes je ei mindhe yooi di ut eiti.

MBEN ISRAEL IMBUT-MBUT NYEN 14:30

Gi nipou lene dipreu ei mem je tut minu dima tu noro jigom micoi ug ei minu dima bi sren. Ibou can di inyeng Kaleb kin Yosua he micoi ug eisi.

LUKAS 1:43

Noro tut dani ne dibon dinyeng bi. Nggon rino Tuhan nipmem kwei cem kep da i?

LUKAS 11:20

Noro dijji ninnei rom nya tug hon nisindemti di kwei leu Allah. Diyai munti dima ne mun di bindo bipia Allah ninyeng tak kepti sindi kwei ttau kep je.

YOHANES 14:20

Tirigi njap dima dem lene mijikan tut bipia dinok gom kin Dicig lene jinok gom kin Da bit leu gi dinok gom kin je.

YOHANES 14:7

Gino jikan igbit tut Dani lene jo nibreisi bipia jikan igbit tut Dicig cem. Hon kep ammani kui ne jikan igbit tut Noni bijingat igbit Noni.”

YOHANES 16:3

Yo dima ibibon je nok lewo ikan igbit tut Dicig kin Dani cem bi.

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

YOHANES 17:8

Ditri tut nihyet di asok ei Da dip bak yoni leu api igyai hagom ei ingonti tu. Yoni ikan tut bipia Ditde nijuk kwei leu Nati ne nijit-jau rin ba, ingon jo kep bipia acuk Da kwei.

YOHANES 20:13

Malaikati cin dima ihig ser Maria “Sindig e, nggon rino apim i?” Maria buhup “Bihi iket ditde Tuhan ningut tu lo, dikan tut mpia di igyok ningut hanyen eisi bi.”

YOHANES 20:28

Tomas pai bak Yesus “Nani ne ditde Tuhan ba, Allah di dikuk da bak ri!”

KISAH 20:24

Noro dinyohou diyaisi bi lewo diyaisi bon ninyeng mem da bi. Noro diyai kep midyai di Tuhan Yesus ba ningon com da tut nya biput lene gima bon ninyeng mem da gino diba dingon gom bitri tut Nihyet Di Kei tut Allah di singat tut nye kikau ug bipek diyaijo ningwig honti.

ROMA 8:18

Diba dingon srip huk bipia bit bon ibinai sut inghuisi wei gom-gom di cut igkep nye ei dihyeisi dini kin nikei-kau-keisi di Allah bet ei mem nye dima iba nye kep kan bi.

ROMA 8:39

kin mun di jo ei mpia-bbed him kin mun di jo ei dihyei jou kin mun nindigsi bidem Allah nipai testi cem ba, hagom mimbres nye leu Allah ningon ngakei nyeti di tug hon ide Tuhan Kristus Yesus kan bi sren.

KORINTUS GI NIGOM 2:2

Lewo dikos tut bipia mpe dino dingat rin bit je ne dingon prion ser mun nindigsi hagom lo, miditri tut Kristus Nongkom he bitut nimai ei biei salibti.

KORINTUS GI NIGOM 9:10

E bi! Noni nyohou nyeni cem. Ningat ne nipaisi dima tut nyeni ri. Lewo no di yai miai kin no di ket gandum ningat kwei ei gudanti ne dem mem gima ikwas njita ndrim hi tut yahacem drek dip midyai di igyai nya.

KORINTUS GI NICAN 4:4

Ingon jo kep bi lewo Bilis sibut bibor ba, ninyeng tak kep tungwatu dihyeisi dini. Noni rino biyai ingon di dor mun di bitut ninneiti bi. Apino bit bon ingat igbit nikei-kau-keisi di piga kwei leu Nihyet Di Kei dima kan bi. Ba, Kristus dima ningat ndo Allah ningwes brei binye.

KORINTUS GI NICAN 4:6

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.

GALATIA 1:16

Tirigi Noni kos tut bipia ndo Nipmot brei bida leu binhyepo ditri tut Nihyet Di Kei tut Nipmot bak ngkiai nya lene duug nggok tungwatu nya mem gima ipingok dingonti tut bi.

EFESUS 4:13

Tug hon nisinati dima lene nyeni ibicom yam nok gom tug hon ide niba ningon comti kin ide ningon di dor niti tut Allah Nipmot noyam. Apino imahan tug hon ide niba ningon com Kristusti bikum eisi sindam bibou ikei-kau-kei noyam kin Noni.

FILIPI 1:1

Srat dini leu da di Paulus kin Timotius ba, nyeni ne Kristus Yesus De awak nya ri. Srat dini mem Allah De limwa nya di inok gom kin Kristus Yesus ei minu ndig Filipi bitut nibou mbusyamei nya kin yo di igya kui yok.

FILIPI 3:10

Dingon bisau sut mun nyeng gom ngat he. Mun nyeng gom ngat dima rino dingon bit Kristus leu binhyepo nisindemti di biwin Noni hanyen leu nimai eisi misindem tut da bidipriet kin ninghuisi wei di cut igkep Noni bidinoyam kin Noni drek dip nimai ei biei salibti.

FILIPI 3:12

Tut danti ne duug pek nipekti bidikei-kau cem bigyo. Noro dita dibou ei nibinang ndam nipekti leu binhyepo dibitug ndei mun di kei di Noni bet ei mem da. Ba, mun dini yok hagom bicim tindei Kristus Yesus ningon kanti mem da tirigi Noni bindei ba, dijem diceu bit Noni.

FILIPI 3:7

Noro Kristus bindei ba, diyai kepti nya di bon ninyeng mem da nipou su hagom bon ninyeng mem da bu bi lewo hagom noyam kin mumpiang.

2 TIMOTIUS GI NICAN 4:6

Tut dani ne tto bou dem mem gima diyai nimai dem kep nok mindhe di ibui bibam ei nimbar hum dokti tu ba, ngon bou dem mem gima dikes dihyeisi dini ei biduug leu tu.

IBRANI 3:14

Gino ikrau kep ide niba ningon comti di igyai ei nimbie him kikau bipek ningwig honti lene inok Kristus nisut bat nya ri.

PETRUS GI NIGOM 2:7

Tig dima bon ninyeng mem je dino jingon jo kep Kristus. Noro mem yo di ingon jo kep bi nya ne inok yo di ipas kep tut ei Allah nihyetti “Tig mma di ningot kep ig cig nya ikou sut dima ne tig di bon ninyeng dor njiriek tig mma nindigsi nya hagom ri.”

PETRUS GI NICAN 1:2

Handei kon ba, Allah singat tut je nindig bibor biyai jingon jo nyahan bibor bikum eisi bu tug hon jide ningon dorti tut Allah kin ide Tuhan Yesus ingon kanti.

PETRUS GI NICAN 1:3

Allah de nisindemti di kei-kau bindei ba, nyeni igyai mun nyeng di isuar nya hagom mem gima igyaijo kin ingon di kwes. Noni bindei mbut mun dini yok tug hon ingon di dorti tut Kristus di hig nye leu binhyepo ipriet kin Nide nikei-kau-keisi kin ningon srenti.

PETRUS GI NICAN 1:8

Gino mun dini yok hagom ntun jingon him bikum eisi bu lene jide nibrim ningkekti kin niyai ningat mang biborti mintun jeni him drek dip jingon di dorti tut ide Tuhan Yesus Kristus ningon kanti mem je.

PETRUS GI NICAN 3:18

Ma jibikum ei gi jimahanti tug hon ide Tuhan Yesus Kristus di teu nye leu sisar biyai niyaijo nijep binye nisingat tut nyeti. Ma jingon dorti tut Noni dor njiriek bu. Jikwei ba, inggei sut Noni bikon ninyeng mem nijam dini kin nijam di jo ninno bijo kikau! Igbit ri. Nipigo leu dani, Petrus

YOHANES GI NIGOM 1:3

Nitri tut mun di ningat bou niyai him di nimiap ei nitingou nsi bak jeni leu binhyepo jibicom yam bit nyeni ba, igyaijo nok gom kin Icig Allah kin Nipmot Yesus Kristus.

YOHANES GI NIGOM 2:19

Yo dini inok gom kin nye di mbusyamei bi. Gima rino ikes nye ei bimbut leu nye tu. Gino inok gom kin nye di mbusyamei ne igwam bit nye kikau kwei bipek ammani kep. Noro ikes nye bimbut leu nye tu ba, gini bindo bipia inok gom kin nye bi.

YOHANES GI NIGOM 5:20

Ba, ingon dorti tut bipia Allah Nipmot kwei bibindei ingon ki leu binhyepo ikan tut Allah di nijit. Igyaijo nok gom kin Allah di nijit ba, igyaijo nok gom kin Nipmot Yesus Kristus cem. Noni ne Allah di nijit di bindei ba, igyai niyaijo nijep di jo kikau ri.